Zorrotzara iritsiko diren lixibiatuak jo-mugan
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Azken egunetan, zenbait hedabidek iragarri dutenez, Gipuzkoak erraustegiko lixibiatu guztiak Zorrotzara bidaliko ditu, Nafarroako planta baten itxieraren ondorioz. Beste zenbait gauzaren artean, horren inguruko adierazpena plazaratu du Bilboko Auzo Elkarteen Federazioak.
Eragileak gogorarazi du auzo horren airearen kalitatea neurtzen duen udal neurgailua 2023ko apiriletik matxuratuta dagoela, eta ez dute aldaketen inguruko jakinarazpenik jaso. Gainera, familiek ez dute aipatu gabe utzi nahi izan San Inazio-Elorrietako airearen kalitatea neurtzeko espazioa (Eusko Jaurlaritzaren jabetzakoa zena) 2010ean ezabatu zela, “nahiz eta herritarrek estazioari eusteko eskatu”. Horretaz gain, Eusko Jaurlaritzak zonalde berean jarritako geltoki mugikorra bandalizatua izan zela gogoratu dute, oraindik berriz jarri ez dena.
Gauzak horrela, aipatutako egoeraren ondorioz, honakoa adierazi dute: “Kutsagarriak izan daitezkeen emisioengatik, aireko isuri kimikoengatik eta bestelako eragozpenengatik bizilagunek egiten dituzten kexak ohikoak dira”. Horregatik, “ausarkeria eta erantzukizun falta” bezala hartu dute aipatutako baldintzetan dagoen hiriko zonalde batean hondakin gehiago onartzea.
Beraz, testuinguru horretan Bilboko Udalari Zorrotzako udal neurgailua “ahalik eta lasterren” konpontzea eskatu diote, baita “Eusko Jaurlaritzari eska diezaiola, San Inazio-Elorrietan neurketa-estazio bat instalatzeko”. Azkenik, neurri honek 2030 agendaren helburuekin izan dezakeen bateragarritasuna zalantzan jartzen dute.
Suhiltzaileek beste sute bat itzali behar izan zuten abenduaren 27an Zubietako erraustegian.
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Ostiralean herritar batek detektatu zuen ura ez zegoela garbi, baina ezin da jakin noiztik dagoen horrela. ARGIAk jakin duenez, URA agentziako kideak bertaratu dira Arkaitzerrekara. Aspalditik salatzen ari dira erraustegiaren isuriak eta kutsadura.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]
Bost urtez aritu da laginak hartzen Toxicowatch erakundea erraustegiaren inguruko oiloen arrautzetan, goroldioan, zuhaitzetan, sedimenduetan eta ama esnean, besteak beste. 2019tik dioxina maila asko handitu da, baita metal astunak, PFASak eta beste gai oso kutsagarri batzuk ere... [+]
Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.
Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
GuraSOS plataformak Zubietako erraustegiarekiko duten jarrera ukatzailea aurpegiratu zieten foru agintariei asteazkenean Gipuzkoako Batzar Nagusietan egindako agerraldian. GuraSOSen bozeramaile eta abokatu Joseba Belaustegik azaldu zuenez, egungo arazoen aurrean beste alde... [+]