Zorionak bai, baina lan handia dugu aurretik!
Ahaztezina izango zela esan genuen, eta ahaztezina egin dugu. Denon artean egingo genuela esan genuen eta denon artean egin dugu. Etxerako bidea eraikiko genuela esan dugu eta etxerako bidea eraiki dugu. Eta eraikitzen jarraituko dugu. Balorazio oso positiboa egiten dugu hilabeteetako esperientzia honetan. Indarrez eta arrazoiz pilatuta atera gara, lanean jarraitzeko asmoz.
Eskerrak eman beharrean gaude. Lehenik eta behin Lakuntzako herriari eta herritarrei. Haien etxeetako ateak ireki dizkigute eta lursailak utzi. Udal taldeari ere, gure alboan egoteagatik eta hau posible egiteagatik. Haiek gabe ezinezkoa litzateke izan dugun emaitza jasotzea. Lakuntzak asko eman digu eta Lakuntzari hau itzultzen saiatuko gara. Hasteko, herria utzi ziguten moduan itzuliz.
Puntu honetan kezka bat adierazi nahi dugu. Garbitasuna. Akanpalekua zabortegi handi baten antzera geratu da. Badakigu Hatortxu Rock 20 eremu handian egin dugula. Saiatu gara zaborrak biltzeko ontziak jartzen, baina ez gara dena ongi egokitzera iritsi. Garbitasun txandek ahal izan duten guztia egin dute, baina akanpalekuan sortutakoari ezin izan diogu aurre egin. Hala ere, astelehenetik lan bikaina egin dute boluntario askok eta garbi itzuliko dugu lursail hau ere. Dena den, zera azpimarratzea gustatuko litzaiguke: Etorkizunean herri hau eraiki nahi baldin badugu, ingurugiroa zaindu beharra daukagu. Errespetuak balore garrantzitsua izan behar du eta bai natura zein albokoa zaintzea ezinbestekoa izanen da. Akanpalekuak edo parkinak ezin dira horrela utzi.
Intentsitate baxuko hainbat eraso sexista
Eta kezka baino gehiago, gure haserrea adierazi nahi dugu beste gai batengatik. Intentsitate baxuko eraso sexista batzuk salatu dira, baita eraso lesbofobo bat ere. Batzuk, bai, baina bat bakarra gehiegizkoa da. Eraso hauek direla-eta bi pertsona kanporatu genituen. Hatortxu Rock denontzako esparru segurua izatea nahi dugu eta beraz, ez zarete ongietorriak. Izan argi parean aurkituko gaituzuela. Eraso hauen berri salaketa eta laguntza telefonora jo zutelako izan genuen. Honek ez du esan nahi eraso gehiagorik egon ez denik. Gizarte guztiaren ardura da emakumeek pairatzen duten eraso sexistekin amaitzea.
Orokorrean, aldiz, Hatortxu Rock 20aren balorazio oso ona egiten dugu. Elkartasun, aldarrikapen eta jai egunak izan dira. Milaka pertsona bildu dira egunero Lakuntzan. Kontzertu guneak bete egin dira, eta gainontzeko aktibitateetan (hitzaldiak, mendi martxak, tailerrak...) jende ugarik hartu du parte. Giro aparta sortu dugu guztion artean. Eta hau ere gerturatutako jende guztiari eskertu beharrean gaude.
Denon artean, edozer
Askotan eztabaida zoroetan galtzen gara gure artean eta aldiz, elkarlanean aritzen garenean gauza ikusgarriak lor ditzakegula erakutsi dugu beste behin. Denon artean lortu dugu Hatortxu Rock 20 hau herri honen memoriaren txoko batean gordetzea eta eskema bera jarraitu beharko genuke herri bezala ditugun erronkei aurre egiteko. Hasteko, etxean falta ditugun guztiak gure artera ekartzeko. Garaipen sentimendu handi batekin bukatu genuen Hatortxu Rock 20, baina Kepa del Hoyo euskal preso politikoaren heriotzak erakutsi digu dena dagoela egiteko. Ez dugula galtzeko betarik. Denak etxean behar ditugula eta ez etorkizuneko data batean, gaur baizik.
Auzolanaren bitartez edozertarako gai gara. Erotzat hartu gintuzten askok proiektu honekin hasi ginenean. Zer esanik ez 6.718 boluntario behar genituela jakinaraztean. Ba lortu dugu! Lortu duzue! Inoizko auzolan erakustaldirik handiena eman duzue! (igandean txanda egitera gerturatzen zen jende bati jai eman behar izan genion). Guztion prestutasuna ere azpimarratzekoa da. Bihotzez, mila esker guztioi!!!
Eta ez bakarrik azken lau egunetan lanean aritu zaretenoi. Hilabetetan eta batez ere azken asteetan gure bizitzaren ezinbesteko makulu izan zaretenoi. Ezagutzen ez genituen lagun asko agertu dira azken asteetan proiektu hau posible egiteko. Gurekin bizitzen eta gurekin lanean. Lanez lepo baina etengabe. Familia izugarria osatu dugu.Gauza bera esan nahi dugu aurkezpen biran, Euskal Herriko hainbat txokotatik lagundu gintuzten herritar guzti horiei. Ederra egin dugu denon artean.
Elkarlana
Bestetik, NAIZi eskerrak eman beharrean ere bagaude. Elkarlanerako akordioaren bitartez, Hatortxu Rock 20ren dimentsioa handitu egin dugu. Zorionak egindako lan handiagatik eta mila esker gure bide hau aberasteagatik. Zorionak ere NAIZ guneko egitarau bikaina eta lan paregabeagatik. Modu berean, ez ditugu ahaztu nahi gurekin egon diren Info7 Irratia, Ahotsa, Eguzki Irratia, 11 Telebista, Topatu edo argazkilari guztiei.
Baina ez ahaztu. Hatortxu Rock ez da ezeren ez inoren amaiera. Ez da ezeren ez inoren helburu. Tresna bat gara. Etxerako bidea eraikitzen ari gara eta hau da gure tresna. Asko dugu egiteko, baina asko gara egiteko. Euskal preso politiko, iheslari eta deportatuen etxerako bidea eraiki beharra daukagu. Elkartu, saretu, batu, sortu. Egin zure auzo edo herrian. Txikitik handira. Denok egin dezakegu zerbait eta denok gara ezinbestekoak mendeku krudel honi amaiera emateko.
Guk ez dugu Hatortxu Rock antolatzen jarraitu nahi. Baina hemen jarraituko dugu denak etxean egon arte. Bidean aurkituko garelakoan.
Mila esker hau posible egin duzuen guztioi!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
Historikotzat nekez har daitekeen argazkiaren erdian agertzen den neskatoa idazten ari da, zer eta izenorde zerrenda bat: ni, zu, hura, gu, zuek, haiek. Beherantz begira egonik, neskatoaren begirada nolakoa den antzeman ezinik gelditu naiz ni.
Argazkilariaren lanari soraio,... [+]
Pertsona nagusiekin edo aniztasun fisiko eta neuronalak dituzten pertsonekin lanean zaudenean, dugun gizartean gaitasunaren ideiak espezie bezala asko mugatzen gaituela ohartzen zara. Hau da, dugun sistemak gauzak modu espezifiko batean egiteagatik jartzen zaitu balioan, eta... [+]
Idatzi nahi nuen gabonetako argien alde, eta urteroko ohitura bilakatu aldarrikatzea, kaleak argitzen dituzten aro honetan, espazio publiko apain, alai eta gozagarri bat, klase ikuspegitik. Baina, noski, espazio publiko epelak ere bai, zenbait gazte liburutegietan liburuak... [+]
Barkatu hariztiak, artadiak, zumardiak, lertxundiak, lizardiak, haltzadiak, gaztainadiak, urkidiak, gorostidiak, sagastiak, pinudiak eta zuhaitzen elkarte guztiak, baina, gaur, pagadiak du hitzordua negu-mugako ospakizunak direla eta.
Errazagoa egiten zait negu-mugako... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Ildo beretik dator Eusko Jaurlaritza berriaren politika. Hitzak bai, baina ekintzak ez dira argi ikusten Pradalesen gobernuak aurkeztutako aurrekontuan.
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Ez dakit zuek ere pertzepzio bera ote duzuen –aitor dut: modu azientifikoan hasi naiz idazten hemen–. Pereza hitzaren hedatze naturalaz ari naiz. Gero eta gehiago aditzen baitut Hego Euskal Herriko bazterretan: euskaraz, espainolez eta, jakina, euskañolez... [+]
Askok, Gabonetan, ilusioa baino alferkeria handiagoa sentitzen dugu familia-otordu eta -topaketetan pentsatzean. Baina aurreratzen dizuegu ez dela otordua bera kolektiboki deseroso sentiarazten gaituena, familia tradizionala definitzen duen normatibitatea baizik. Are gehiago,... [+]
Betidanik begitandu zait esanguratsuagoa han-hemenka topa daitezkeen guruztokiei gazteleraz esaten zaien modua: humilladero. Ez al da guruztoki edo santutxo izen nahiko light, zuri edo haragoko konnotaziorik gabekoa? Azken batez, bertatik pasatzen zen oro umiliatu behar zen... [+]
Siriako Arabiar Errepublikaren amaierak harridura handia sortu du, gertatu den moduagatik: azkar eta ia erresistentziarik gabe. Halere, ez da hain arraroa herrialdea suntsituta, pobretuta eta zatitua zegoela kontutan hartzen badugu. Aspalditik siriar gehienen ardura ez zen nor... [+]
Nobedadea izan ohi da Durangoko Azokari lotzen zaion hitz entzunenetako bat. Nobedadea han, eta nobedadea hemen. Zenbaitetan, ordea, lehengokoari beste itxura ematea aski izaten da etiketa hori itsasteko. Talentu berriztagarriz birmasterizatutako CDek eta berrargitalpenek badute... [+]