“Ziurrenik Israelekin lotura duten arazo administratiboak tarteko, ontzidiaren irteera atzeratu egin da”
Istanbul, apirilak 20, larunbata.
Atzoko jardunaldia, hilaren 19koa, lasaia izan zen, eta estatuko hainbat tokitatik etorritako pertsonekin eta nazioarteko ordezkaritzekin egin genituen bilerak. Antolakuntzak azaldu digunez, 12.000 eskaera jaso dituzte ontzidian parte hartzeko, baina ontzidian nazioarteko 270 pertsonak parte hartuko dugu, eta eremuko 200 pertsona baino gehiagok.
Gaur, hilak 20, goizeko 10:00etatik arratsaldeko 18:00etara, erresistentzia ez-biolentoko entrenamendu tailer bat egiten aritu gara. Horren barruan, simulazioak egin ditugu, Israelgo okupazio indarrak Gazarako bidean gaudela itsasontzian sartuko balira suertatu daitezkeen egoerak irudikatu eta horiei nola aurre egin aurreikusteko. Aurreko Askatasunaren Ontzidiko bidaietan eman diren egoerak, hain zuzen ere. Gainera, Polizia sionistak atxilotu eta galdekatuz gero nola jokatu behar dugun praktikatzeko ariketak egin ditugu.
10:00etatik arratsaldeko 18:00etara, erresistentzia ez-biolentoko entrenamendu tailer bat egiten aritu gara
Ziurrenik Israelekin lotura duten arazo administratiboak tarteko, ontzidiaren irteera atzeratu egin da. Hasiera batean biharko, hilak 21, planteatuta zegoen.
Aipatutako atzerapenari erantzuteko, palestinar herriari babesa adierazteko, eta Palestinan eta bereziki Gazan sionismoa egiten ari den genozidioa salatzeko, bihar manifestazioa egingo dugu Istanbuleko kaleetan, eguerdiko ordu bietan.
Pili Revilla, Agus Gorbea eta Mikel Zuloaga 'Mikelon'
Hiru militante euskaldun ari dira parte hartzen Askatasunaren Ontzidian, Turkiatik Gazara laguntza humanitarioko 5.500 tona material eraman nahi dituen nazioarteko ekimena: Pili Revilla, Agus Gorbea eta Mikel Zuloaga ‘Mikelon’. Apirilaren 18an hartu dute Bilbotik... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Istanbul. Apirilak 25, osteguna.
Zazpigarren eguna Istanbulen. Arazoak bata bestearen atzetik jaso ditugu egun hauetan, eta esan behar dugu ostiralean ezingo dela abiatu Askatasunaren Ontzidia. Irtengo gara, baina ez orain. Presio izugarriak jasaten ari gara. AEBetatik,... [+]
Astelehen gauean iragarri zuen antolakuntzak ontzidia apirilaren 24an, asteazkenez, itsasoratuko zela, baina gutxienez ostiralera arte atzeratu dute irteera.
“Azken egunetan” hainbat herrialderen ordezkariak Turkian izan direla salatu du nazioarteko ekimenak, Erdoganen gobernua presionatzeko ontzidia ez dadin itsasoratu. Askatasunaren Ontzidiak adierazi du ez duela “onartuko” debekurik, eta apirilaren 24an,... [+]
Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.
