Zisjordaniaren aurkako anexio-plana bertan behera uzteko eskatu diote Nazio Batuek Israeli
Antonio Guterres Nazio Batuen Erakundeko idazkari nagusiaren arabera, “nazioarteko legedia larriki urratzen du” Israelek Zisjordania bereganatzeko garatu duen planak. AEBek, berriz, Israeli esleitu diote bere “subiranotasuna” erabakitzeko hautua.
Israelek iragarritako plan espantsionistak deitoratu ditu Antonio Guterres NBE Nazio Batuen Erakundeko idazkari nagusiak. Benjamin Netanyahuren exekutiboak maiatzean adierazi zuen “Israelen subiranotasuna” Zisjordaniako hainbat eremutan ezartzeko intentzioa. Sionistak dagoeneko Jordan ibaiaren haranean eta Itsaso Hilaren iparraldean kokagune berriak ezartzen hasi dira. Hori “nazioarteko legediaren urraketa larria” dela gogorarazi die Guterresek. Asmoak “bi estatuen irtenbidea” endekatuko lukeela adierazi baitu, eta herrialdeen arteko elkarrizketak abiatzeko itxaropena, berriz, “hondatu” egingo litzatekeela. Ondorioz, Israelgo Gobernuari mezu argia helarazi dio: “Bertan behera utz dezala anexio-plana”.
Idazkari nagusiak negoziaziorako deia luzatu zien Israelgo Estatuari eta Palestinako Autoritate Nazionalari. AEBek, Errusiak, Europar Batasunak eta NBEk osatutako taldeari, berriz, bitartekaritza funtzioa esleitu zitzaion. Inguruabar horretan, “baldintzarik gabeko elkarrizketak” sustatu nahi ditu erakundeak. Tel-Avivek, bitartean, berme juridikorik ez duen nazioarteko legediari eta gainontzeko potentzien gomendioei jaramonik egin gabe darrai. Ildo beretik, Zisjordaniako anexio plana uztailaren 1etik aurrera burutuko dela berretsi du. Guterresek nazioarteko komuniatatearentzat “une erabakigarria” dela azpimarratu du.
Atzera bueltarik ez
Guterresen hitzak partekatu ditu Nikolay Mladenov Ekialde Hurbilerako NBEren ordezkariak, kezkatuta azaldu baita Israelek jaurtitako “mehatxua” ikusita. Mugimendu horrek gatazka geopolitikoa “une kritikora” eramango duela ondorioztatu du, izan ere, anexioak Israel eta Palestinaren arteko harremanak “atzera bueltarik gabe” utzi ditzakeela uste du errusiarrak. Hori gutxi balitz, Mladenovek baieztatu du Israelek Zisjordania bereganatzekotan “hutsaren pare” geratuko litzatekeela nazioarteak estatu palestinarraren alde egin omen duen “mende laurdeneko ahalegina”. Anexioak “mezu arriskutsua” bidaliko luke bere ustez, hots, “negoziazioek ezin dutela bake justu bat lortu”. Egoerak ezegonkortasuna areagotuko luke lurraldean barrena, eta “indarkeriaren bidea” utziko luke gatazka konpontzeko irtenbide bakartzat.
AEBak, Israelen asmoak elikatzen
AEBek Israelen duten enbaxadore Danny Danonek NBEren Segutasun Kontseiluari jakinarazi zionez, Estatu sionistak plana azken muturreraino eramatea erabakiko balu, “aldarrikapen zilegi, historiko eta legezkoa” litzateke.
Larunbatean zeharkatuko ditu hiriko kaleak Donostiako Klasikoak, eta Gernika-Palestina herri ekimenak Israelek bertan duen presentzia salatu du, prentsaurreko batean. Adierazi dutenez, “genozidioa eteten ez duten bitartean” klasikoak ez luke Israel-Premier Tech... [+]
Israelek Hamas eta Hezbollahko buruzagiak hiltzeko helburua ez da erresistentzia ahultzea. Benetako asmoa da inteligentzian eta arlo militarrean bere nagusitasunaren irudia berrezartzea Israelgo iritzi publikoaren aurrean .
Palestine Action taldeak dio bere ekintzaileek astelehen goizean (abuztuak 6) Elbit-ek Bristolen duen fabrika "inbaditu" dutela. Ikerketa eta fabrikazio zentroa oso zainduta dago, eta espetxeko furgoneta bat erabili dute kanpoko perimetroa txikitzeko.
Hamas, Iran eta beste hainbat eragilek Israeli egotzi diote erasoa, baina oraingoz ez du egiletza onartu. Horrez gain, Hezbollahko agintari garrantzitsu bat hil du Israelek asteazkenean Beiruten, eta ostegunean Israelgo Armadak ziurtatu du Hamaseko buru militarra hil zuela Gazan... [+]
Bederatzi militar sionista atxilotu dituzte, Sde Teimango kartzelan preso palestinar bati egindako torturengatik; besteak beste, metalezko barrak sartu zizkioten ipurtestetik. Kolono "zibilen" eta soldaduen protestak piztu dira torturatzaileekin elkartasunez, eta... [+]
AEBetako hauteskunde presidentzialetarako hautagaiek Israeli babesa berretsi diote Netanyahuk herrialdera egindako bisita baliatuta, Alderdi Demokratarena barne. Demokraten hautesle ugarik, ordea, genozidioaren inguruko jarrera jarri dute bozka emateko baldintza gisa.
Urriaren 7tik azaroaren 4ra bitartean, milaka profil eta eduki ezaba zitzatela eskatu zieten sionistek hainbat plataformari. Eskaeren %60 izan ziren Meta taldeari, eta horien %94 bete zituen enpresak.
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
UNRWAk salatu du ebakuazio aginduek “miseria, beldurra eta sufrimendua areagotzea” besterik ez dutela eragiten. Zerrendaren %86a ebakuatu beharreko zonaldea izanda, 50 km karratu bakarrik gelditzen dira hortik kanpo.
Israelek Hezbollahri egotzi dio larunbatean Golango gainetan gutxienez hamabi pertsona hil dituen bonbardaketa, baina milizia xiitak ez du bere gain hartu. Israelek Libanoko gune ugari bonbardatu ditu jasotako azken erasoaren ondoren.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.
Hamasen urriaren 7ko erasoa eraikin zahar bat astindu duen lurrikararekin konpara daiteke. Arrakalak agertzen hasiak ziren, baina orain begi-bistan daude, oinarrietaraino.
Estatu palestinar bat, bi estatu edo batere ez. Horiek dira Palestinako gatazkaz aritzean irudikatzen diren irtenbideetakoak. Egungo Gazak eta Zisjordaniak osa dezakete Palestinako Estatua; edo izan daiteke Zisjordaniako A eremua bakarrik –Palestinako Agintaritzako... [+]
25 egun baino gutxiagoz egon da martxan hasieratik polemikoa izan zen portua. “Distrakzio neurria” izan dela salatu dute eragile ugarik.