Gazako Zerrendan ez ezik, Zisjordaniako lurretan ere sarraskia egiten ari dira sionistak: ehunka palestinar erail dituzte soldaduek eta kolonoek, 8.000 pertsona atxilotu dituzte eta ehunka lagun kanporatu dituzte. Otsailetik hona, Zisjordaniako 1.097 hektarea izendatu dituzte "Israelen" estatu-eremu gisa agintaritza sionistek.
Gazako Zerrendan ikaragarrizko sarraskia egiten ari da Israelgo Estatu terrorista: azken zortzi hilabeteetan, 37.000 palestinar erail eta ia 84.000 zauritu ditu bertan. Sionisten oldarraldia, baina, ez da Gazako Zerrendara mugatzen: Zisjordaniako lurretan ere areagotu dituzte erasoak, bai militarrek bai kolonoek (askok "zibiltzat" jotzen dituztenek).
Al Jazeera hedabideak maiatzaren erdialdean emandako datuen arabera, urriaren 7tik ordura arte, 500 palestinar baino gehiago erail zituzten sionistek Zisjordanian; bai operazio militarretan, bai kolonoen erasoetan (gutxienez 20 palestinar hil dituzte "zibilek"). Hildako horietatik 124 haurrak ziren.
2022 osoan Zisjordanian eraildako palestinar kopuruaren hirukoitza da hori, 154 izan baitziren orduan, Nazio Batuen Erakundearen esanetan. Urriaren 7a heldu aurretik, 199 ziren 2023an zehar Zisjordanian hildako palestinarrak.
Jakinarazi dutenez, Gazako sarraskia estaldura gisa erabili dute azken hilabeteetan sionistek, Zisjordanian eraso kriminalak gogortzeko; besteak beste, palestinarren kontra helikopteroak eta droneak erabili dituzte. Kolonoen erasoak ere biziagotu dira Zisjordanian: palestinarren herrixketara eta hirietara bertaratu eta eraso egin diete, toki batzuetan, euren etxeetatik botaz. Gutxienez hemezortzi artzain-komunitate palestinar kanporatu dituzte euren lurretatik, azken datuek diotenez.
Horretaz gain, maiatzaren 16ko datuen arabera, sionistek 4.950 palestinar zauritu zituzten Zisjordanian urriaren 7tik. Denbora-tarte berdinean Israelgo Estatuko indar militarrek atxilo hartutako pertsonak 8.088 ziren; gehienak atxiloaldi administratiboan, antza.
Horretaz gain, palestinarrak euren lurretatik kanporatzen eta euren jabetzak eraisten jarraitu dute sionistek Zisjordanian. Al Jazeera-k jakinarazi duenez, urriaren 7tik maiatzaren 16ra bitartean, ia 4.000 palestinar bota zituzten euren etxeetatik, eta 648 eraikin edo egitura suntsitu zituzten.
Palestinarren kontrako indarkeria horren guztiaren barruan, sionistak legez kontrako kokaleku gehiago eraikitzen ari dira Zisjordanian, eta urratsak egiten ari dira lur palestinar gehiago okupatzeko. 2005etik debekatuta zeuden eremu batzuetan egonlekuak eraikitzeko neurriak hartu ditu Israelgo Estatu genozidak, eta gobernu sionistak estatuaren eremu gisa izendatu ditu Zisjordaniako 1.097 hektarea, kokaleku gehiago jarri ahal izateko.
"Zaila da, baina beharrezkoa". Hala azaldu du The Lancet zientzia aldizkariak Gazako hildakoak kontatzeko hartu duen lanaren berri. Hildakoen kopurua, gaixotasunak eta bestelako zeharkako faktoreak kontuan hartuta, gutxienez 186.000 pertsona hil dituztela kalkulatu... [+]
Netanyahuk baldintza bezala jarri du Israelek ofentsiba berrabiarazi ahal izatea “gerraren helburuak bete arte”. Iturri batzuen arabera, Hamasek onartu du su-eten iraunkorra negoziaketen lehen fasean adostea, aurrebaldintza izan beharrean.
Hezbollahren goi mailako bi agintari militar hil ditu Israelek hilabete batean. Tentsioak gora jarraitzen du, erabateko gerra pizteko kezka artean.
Hamarnaka mila pertsonak ihes egin behar izan dute Khan Younis eta Gaza hirietatik azken egunetan, nora joan izan gabe. Israelgo armadaren eta Netanyahuren arteko talkak azaleratuz doaz, eta Hezbollahren aurkako gerra geroz eta gertuago dago. Su-eten proposamena mahai gainean... [+]
Kartzela sionistetako pilaketaz ohartarazi du Shin Bet segurtasun- eta inteligentzia-zerbitzuak berak. Hainbat iturrik sarri eman dute palestinarrek espetxe horietan jasaten dituzten tratu txarren berri, eta espetxeak handitzen jarraitzen dute sionistek.
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nazioartean Palestinako Estatua aitortu izanari erantzunez hartu dute neurria, Israeleko Finantza ministroaren esanetan. Zeukan botere administratibo urria kendu diote Palestinako Aginte Nazionalari Zisjordaniako lurren laurdenean.
Maiatzean jarri zieten debekua, berriki salatu dutenez. Larunbatean, Palestinarekin elkartasunez mobilizatu ziren Hego Euskal Herriko parke denetako suhiltzaileak.
Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Bost errefuxiatu kanpalekuri egin diete eraso sionistek 48 orduan, eta dozenaka lagun hil. NBEk ohartarazi du Israel nahita ari dela muturreko gosea sortzen Gazan, eta gerra krimena dela adierazi du.
Marka gabeko hilobietan lurperatuta, hondakinen artean harrapatuta edo Israelek atxilotuta daude milaka ume. 17.000 haur umezurtz gelditu dira sionisten erasoen ondorioz.