Zinemaldi Alternatiboaren online edizioa aurkeztu dute, zinemaren bidez gogoeta kritikoa sustatu asmoz
12. edizioa du Donostiako Zinemaldiarekin batera antolatzen duten Zinemaldi Alternatiboak. ARGIAren multimedia kanaleko zenbait dokumental hautaturekin osatu dute online izango den edizioa, eta duela urtebete hil zen Iñigo Muguruza musikari zinemazaleaz bere anaia Fermin Muguruzarekin eginiko solasaldia izango da itxiera ekitaldia, irailaren 26an, larunbata ARGIAn zintzilikatuko dena.
2006an Donostiako Parte Zaharreko Gazte Asanbladarekin batera lehen edizioa antolatu zutenetik, "erresistentzia eta disidentzia askotarikoen bozgorailu izatea bilatu jaialdiak, zinema, gozamena, kritikotasuna eta aldarrikapena uztartuz". Hiru urtez antolatu ez bazuten ere, 2010ean Groseko Kortxoenea gaztetxean berreskuratu zutenetik, urtero izan da eskaintza alternatiboa, batez ere, proiekzioak egiteko hiriko gune eta proiektu autogestionatuetan.
2020ko Zinemaldi Alternatiboa COVID-19 pandemiak baldintzatuta heldu da. Urtero bezala, gizarte gai eta gatazka ugariei buruzko dokumental eta pelikula zerrenda osatu dute. "Hauek zaharrak edo berriak izan, guztiak gaurkotasun handikoak, eta zer pentsatua ematen dutenak. Hori da jaialdiaren betiko helburuetako bat, bizi ditugun egoeren aurrean gogoeta kritikoa eragitea", diote prentsara igorritako oharrean.
Aurtengo edizioa ARGIAren multimedia kanalean oinarritu dute eta horretarako hainbat film aukeratu dituzte. Itxiera ekitaldia ARGIAko kazetari Lander Arbelaitzek Fermin Muguruzarekin eginiko solasaldia izango da. Bertan, bere anaia Iñigo Muguruzaren ibilbidea jorratuko dute 10 film hautaturen bidez.
Jarraian aurtengo egitaraua eta film bakoitzaren hautaketarako arrazoia:
Irailak 18, ostirala: Hondarrak; erlojupeko desjabetze baten kronika
.jpg)
Ez gara figuranteak gure hirian! Woody Allenek iazko udan Donostian grabatutako “Rifkin’s Festival” filmak inauguratuko du 68. Zinemaldia. Eta zenbaitzuk ahaztu eta ezkutatu nahiko luketen arren, zinemagile estatubatuarraren egonaldiak eta proiektuak hautsak harrotu zituen. Hiriko eragile ezberdinek deituta protestak egin ziren eta, besteak beste, Donostiako agintari publikoek hiriaren turistifikazio prozesu azkar eta bortitza daramatela salatu zuten, filmaren grabaketak epe labur eta ertainera bizilagunen bizi-baldintzetan kalteak sortzeko moduko turismoaren hazkundea eragingo duela gaineratuz. Hori baita filmaren helburua, hiria nazioartean promozionatzea, ez besterik. Hiri-marka eta kulturaren merkantilizazioak helburu komertzial partikularrei erantzuten die, eta helburu horren mesedetan datorren orori alfonbra gorria jartzen zaio, bertako bizilagunon bizi-baldintzen gainetik pasa behar badira ere.
Salaketarekin bat egin eta inaugurazioan turismo neurrigabearen ondorioez gogoeta egiteko gonbitea luzatzen du Zinemaldi Alternatiboak. Lehen egunerako hautatu duten Hondarrak dokumentala Zarauzko Danda gazte asanbladak 2018an egina da eta turismoaren eraginak aztertzen ditu Gipuzkoako kostako herri honetan.
Irailak 19, larunbata: Barrura begiratzeko leihoak
Etxean eta bizirik nahi ditugulako! Aski da! Gertu dugu Martuteneko kartzela, eta gertuegi Igor Gonzalez Sola euskal preso politikoaren heriotza. Kartzelarik gabeko herri libre batean bizi nahi dugulako, etxean eta bizirik nahi ditugulako, kartzelan eta kartzelak hildako lagunak oroitu nahi ditu Zinemaldi Alternatiboak.
Josu Martinezek, Eneko Olasagastik, Mireia Gabilondok, Enara Goikoetxeak eta Txaber Larreategik elkarlanean egindako lana da. Bost euskal presoren erretratuak, bost zinegileren eskutik. Letra txikiz kontatutako bost istorio. Barrura begiratzeko bost leiho.
Irailak 20, igandea: Shockaren doktrina
COVID-19 pandemiaz botere politikoak egiten ari diren kudeaketa ulertzeko ezinbesteko lana da, Naomi Kleinen liburuan oinarritua. Kapitalismoa hondamendi esparru askotan hedatutako beldurraz baliatzen da hegemonia soziopolitikoari eusteko, dokumental honetan oso ongi ikusten denez.
Irailak 21, astelehena: Lucio
Anarkista asko izan da munduan, eta badira oraindik ere. Ugari izan dira kausaren alde lapurretan edo kontrabandoan arituak. Oso gutxi izan dira Ché-rekin estrategia-eztabaidan jardunak, edo Eldridge Cleaver Pantera Beltzen buruari lagundu diotenak. Bakarra izan da, horri guztiari batuta, planetako bankurik boteretsuena estu eta larri jarri zuena traveller check-ak masiboki faltsutuz. Eta guzti hori, egun bakar batean ere bere etxegintzako lanari huts egin gabe. Igaro berri den uztailaren 18an utzi gaituen Lucio Urtubiak, Cascanteko (Nafarroa) igeltsero anarkistak.
Irailak 22, asteartea: 120 ordu - Euskal Herriaren aurkako tortura
Mikel Zabalza gogoan, egia zor duzue! Azaroaren 26an 35 urte beteko dira guardia zibilak Mikel Zabalza Garate, Altzako bizilaguna eta Donostiako Tranbia Konpainiako langilea, atxilotu, torturatu eta erail zuela. Zinemaldi ofizialean “Non dago Mikel?” dokumentala ikusteko aukera izango da. Eta guk ere gure egitarauera ekarri nahi dugu bere memoria. Baita torturaren salaketa ere. Izan ere, Jose Luis Rebordinos Zinemaldiko zuzendariak berriki adierazi duenez: “en Euskadi todos sabemos que a finales de los 70 y primeros de los 80 se torturó sistemáticamente”. Baina Mikel 1985ean erail zuten; Gurutze Iantzi eta Xabier Galparsoro “Anuk” 1993an; eta Unai Romanoren argazkiak oso presente ditugu oraindik.
Tortura praktika anker eta sistematikoa da, eta Espainiako estatuak euskal herritarren aurka erabilli du. Horretarako, tortura isilean gordetzen duen konplizitate-makinaria batez baliatzen da estatua, eta hala, torturatzaileei erabateko inpunitatea ematen die. Zenbait elkarrizketaren bidez, ikusiko dugu zer mekanismok ahalbideratzen duten tortura: inkomunikazioa zertan datzan, zer helburu torturak, auzitegiko medikuen, ofiziozko abokatuen eta epaileen egitekoa; inpunitatea, zer neurri hartu behar diren, polizi-etxeetan torturarik izan ez dadin.
Irailak 23, asteazkena: Ni basatia naiz
.jpg)
George Floyden hilketa arrazistak nazioartean eragindako protesta uholdeak kolonialismoren ikurrak jarri ditu jo-puntuan. Inperialismo edo esklabismoarekin lotutako gizon zuriak, historia eurozentristak deskubritzaile, nabigatzaile, hiri-sortzaile, abenturazale, negozio-gizon edota heroitzat saldutakoak. Horregatik, aurtengo edizioan, atzoko eta gaurko kolonialismoaren kontrako borrokak eta borrokalariak omenduko ditugu.
XIX. mende erdialdean, Franklin Pierce AEBetako hamalaugarren presidentea Duwamish tribuaren lurrak erosten saiatu zen eta hauek erreserba batera joan zitezela proposatu zien. Dokumentalaren ardatza Seattle buruzagi indiarrak presidenteari emandako erantzuna da.
Irailak 24, osteguna: Gasteizko Gaztetxea, probatu ez duenak ez daki zer den hau!
Azken hilabeteetan okupazioaren aurkako bonbardaketa mediatikoan ari dira Espainiako Estatuko hainbat hedabide, eta Hego Euskal Herria ez dago berorren eraginetik salbu. Hori dela eta, aurtengo edizioan beste behin ere okupazioaren praktika defendatu eta bere beharrezkotasuna aldarrikatuko dugu.
1988ko apririlaren 28an eman zioten zartakoa gero Gasteizko gaztetxea izango zenaren ateari. Mende laurdena baino gehiago igaro da eta urte horietako historia jaso dute dokumental honetan.
Irailak 25, ostirala: Gerra Hemen hasten da
Infernua bizirik! Arrazakeriarik ez! Euskal Herrian egindako hamaika tona armamentu irteten da urtero gure portuetatik. Eta nazioarteko gatazkak eta errefuxiatuen krisia loturik badoaz ere, gerra sustatzen den bitartean, besteak beste gerra horien ondorio diren pertsona migratu eta errefuxiatuei bizkar ematen zaie. Areago, kriminalizatuak eta jazartuak izaten dira, joan den astean Donostiako Infernua auzoan ikusi bezala. Udaltzaingoak, Ertzaintzak eta Espainiako Polizia Nazionalak batera egindako polizia operazioan, besteak beste, 62 pertsona identifikatu zituzten eta horietatik hamahiru Polizia Nazionalaren esku utzi zituzten, atzerritarren legea urratu zutelakoan.
Ongi Etorri Errefuxiatuak-Bizkaia kolektiboaren “Gerra hemen hasten da” batzordetik bultzatutako dokumental honetan, Euskal-Herriko armen ekoizpena agerian jartzen da, bereziki, Bilboko Portutik egiten den armen trafikoa salatzen du ikus-entzunezko honek.
Irailak 26, larunbata: klausura ekitaldia Iñigo Muguruza: Paradisu zineman ikusiko gara
Moskuko musikariaren ibilbideaz eta zinemaz solasaldia. Musikaria hil zenetik urte bete igaro den honetan, bere bizi-ibilbidea omendu eta errepasatuko du ARGIAko Lander Arbelaitzek bere anaia Fermin Muguruzarekin, horretarako propio aukeratutako filmografiarekin. Paris-Texas, Irun-Mosku, edo antzeko zerbait...
Egunean bertan zabalduko dugu ARGIAn solasaldiaren bideoa.
2020ko urtarrilaren 30eko greban izan ziren gertakariak Donibane auzoan. Apustu-etxe batek itxi zezan indarkeria eta mehatxuak erabiltzea leporatzen zieten. Fiskalak bi urteko kartzela zigorra eta 200 metroko urruntze-agindua eskatu zuen, baina epaileak auzipetuen jarrera... [+]
“18 urte pasatu dira indusketan 400 bat grafito agertu zirenetik, 16 urte froga zientifikorik gabe Lurmen indusketa eremutik kaleratu zutenetik eta 4 urte gaia argitu barik epaiketa egin zenetik eta berdintsu jarraitzen dugula esan genezake: gaia argitu nahi genuenok... [+]
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
Bizi garen mundu frenetiko zein zorabiagarri honetan, pixkanaka gertatzen diren gizarte-aldaketak batzuetan antzemanezinak, garrantzirik gabekoak edo hutsalak direla iruditzen zaigu. Hala ere, ez da horrela, eta jakitun izan behar dugu tentuz jokatzeko. Horren adibide, azken... [+]
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
Gaur gauean, urriak 17, 88 urte faxistek Jose Ariztimuño, Aitzol, hil zutena. Fusilamendu pelotoiaren aurrean ez zuela isilik gelditu nahi irakurri berri dut. Soldaduei tiro egitea kosta egin omen zitzaien, behin eta berriz agindu behar izan omen zieten su egiteko. Hala... [+]
Espainiako Lan ministro Yolanda Diazen proiektuaren aurka agertu da Banaketa Enpresa Handien Elkartea (Anged): "Joko-arauen aldaketa" ez du onartzen.
"Erraldoiei buruzko ipuina nahi dugu, haur txiki nahiz koskortuagoentzat". ARGIAk enkargua egin zien etxekoak ditugun Gorka Bereziartua kazetariari eta Adur Larrea ilustratzaileari. Emaitza: Abentura erraldoia. Salba dezagun kalejira. "Gauza berriak probatzeko... [+]
TikTok enpresaren barne-dokumentuen filtrazio batek adierazi duenez, enpresa jakitun zen 15 urteko hainbat neska zuzenekoetan biluzten zirela gizonezko helduek bidalitako txanpon birtualen truke. Sare sozialeko hainbat dokumentutarako sarbidea ahalbidetu zuen akats bati esker... [+]
Kritiken artean deportatu ditu Italiak hamasei errefuxiatu Albanian eraiki duen "harrera-zentro" batera. Proiektua 2023. urtean erabaki zen Meloniren Italiaren eta Albaniako Ramaren arteko akordio bat izan zela eta, eta "migrazio-kudeaketak bizkortzea" du... [+]
Goiburu hori soilik irakurri eta ezinezkoa nor den edo nor zen asmatzea, baina bazen nor!
Ángel González Olvera, Mexikon ezagutu genuen duela 11 urte bertsolariok hango inprobisatzaileekin jardunaldi batzuetara gonbidatu gintuztenean. Mendi gain batean bizi zen,... [+]
Erdi Aroan Jaungoikoa jaun eta jabe zen bezala, garai modernotan merkatuaren eta bere lege zurrunen menpe bizi gara. Goi mailako soldata erraldoiak merkatuak zehazten omen ditu; izan ere, Iberdrola edo BBVAko CEO-en sariak beraien arloko merkatuek finkatzen omen dituzte, nahiz... [+]
Tomas Mororen Utopia liburuko utopiarrek leitzea maite omen zuten. Hizkien bueltako hezkuntza onaren ondorioz, haurtzaroan hasi eta helduaroan ere aritzen ei ziren, inork manatu beharrik gabe, leitzen eta ikasten eta gehiago leitzen. Pentsa, aisialdia horretara emanak bizi zuten... [+]
Sandra Cisnerosek idatzitako The House on Mango Street mugaldeko liburuan pertsonaia baten txakurrak bi izen ditu: bat, espainolez; bat, ingelesez. Beharbada kontu harrigarria gerta liteke lehen begiratuan, baita liburu baterako ere, baina lasaiago pentsatuz gero ohartuko gara... [+]