Hasi gara, gauetik egunera, kalera irteten. Bizikletak, footing egiteko arropak, txakurrak eta umeak dira eguzki-izpien beharra asebetetzeko aitzakiak, eta hauekiko ohitura falta sumatu dute maiatzeko lehen eguzki-kolpea jaso duten azalek. Kanpoak barnean nola eragiten duen, eta alderantziz: horiek dira zinema apurtzaileki jorratu duten Sadie Benning eta Maya Derenen piezen motibo nagusietako batzuk.
Maya Deren (Kiev, 1917 - New York, 1961) zinema zuzendari, dantzari, koreografo, poeta eta idazle ukrainarra izan zen 40ko hamarkadako AEB underground-ean. Abangoardietatik zetorren esperimentazioaren ildotik, bilaketa horietan oinarritzen zen zinemaren hastapen urratsak eman zituen Estatu Batuetan. Artistak "ganbera filmak" egiten zituen, ikuslego zabal bati baino, talde intimoagoei eskaintzen zizkienak. Arteari lotuak zeuden eremuak zinemara gerturatzen lehenetarikoa izan zen, Marcel Duchamp, André Breton, John Cage eta halakoak zituela bidelagun.
Meshes in the afternoon filma (AEB, 1947) norberak bere etxe barneari dizkion beldurrez mintzo da. Tentsioa tamainan mantenduz doa aurrera narrazioa, emakume baten bere buruarekiko berrikusketa, ziklikotasunaren arriskua, eguneroko objektuen zorroztasuna eta amets-gaiztoen nahasketa eroan. Dituen ikaren artean gizonezko baten presentzia badago ere, inkontziente propioak duen indarra da zuzendaria gehien beldurtzen duena. Surrealismoarekin duen loturagatik irakurri da askotan, obra hau, psikoanalisiaren terminoetan.
Hain ezaguna izan ez zen, baina kanpoarekin elkarrizketa sortzen duen film laburra da The private life of a cat (1944). Bertan, azalpen-dokumental gisa lantzen du katakume batzuen jaiotza eta hezkuntza prozesua, lehen egunetan. Irudiek prozesuaren berri ematen dute; tartekatzen diren testuek, ordea, bikote heterosexual baten umeak ekartzearen fenomenoa kontatzen dute, modu neutral bezain eztenean. Dokumental mota honek izaten duen argudiaketa bakar eztabaidaezina kontuan hartuta, ironiko eta kritiko suertatzen da, finean, pelikulako irudi eta testuaren justaposizioa.
Ironiazale amorratu gisa defini genezake, era berean, beste belaunaldi bati lotuta dagoen Sadie Benning (Milwaukee, 1973) zinemagilea. Derenen antzera, arte diziplina ezberdinen artean jostatzen da Benning, 15 urte zituenez gero ikus-entzunezkoan dabilen artista estatubatuarra. Filmetako gaien artean generoa, anbiguotasuna, urraketa, intimitatea eta identitatea esanahitzen ditu, narrazio esperimentalaren bidez.
Aztergai ditugun filmak artistak kanpoarekin duen inkonformismoan oinarritzen dira, eta gustuko duen espazio bakarretik –logelatik– kontatzen ditu. Hasierako lan hauek jostailuzkoa dirudien bideokamera batekin eginak dira, eta txuri-beltzezko irudien bitartez osatzen ditu elementu guztiak: imajina narratiboetatik kreditu idatzietara arte. Living inside (AEB, 1989) da zuzendariaren lehen filmetako bat. Benning hiru astez institutura joan gabe egon zenekoa da, eta bere itxialdiaren aitormena egiten du lan laburrean. Artistaren psike isolatua da munduarekiko duen ikuspegiaren isla. A place called lovely (AEB, 1991) laburrak gorputza eta performancea ditu lehengai, eta estatubatuar emakume zuri lesbiana izateaz ari da. Girl power (AEB, 1993) film-egunerokoa da, zeinean bera mugatzen duten eraikuntza guztien aurka altxatzen den Benning, eskolaren, familiaren eta estereotipo femeninoen apurketan.
Arraro eta ulertezin gisa hartu izan da askotan zinema esperimentala. Baliteke begia apur bat hezi behar izatea horrelako zinemaz gozatu ahal izateko. Ulertzea, ordea, beste baterako utziko dugu, sarri norberari burura etortzen zaizkion esanahiekin osatzen baitira horrelako obrak. Halere, errealitatearekin duten harremanak lotu gaitzake zuzendari hauen lanetara. Abstrakzioa beti abiatzen baita erreferentzia batetik.
Pantailak Euskaraz ekimena eta Filmin streaming plataforma espainiarra lankidetzan aritu dira azken hilabetetan, eta horri esker euskarazko 100 azpititulutik gora gehitu ditu plataformak katalogoan bere katalogoan. Zenbait iturritako azpidatziak dira, tartean boluntarioek [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Maiatzaren 7an hasiko da zikloa, Gazaren inguruko hiru dokumental laburrekin.
Ostegun arratsalde honetan Mirande, film bat egiteko zirriborroa dokumentala ikusgai izango dute Ziburun, Baltsan elkartean 18:30etan. Josu Martinez zuzendaria ere bertan izango da solaserako. Ziburuko Azokaldiaren egitarauaren barnean, aurten lehenbiziz kultur ekitaldiak egingo... [+]
“Gay azpitestuak beti hobetzen du film bat”
Quentin Tarantino
Juan Dos Ramos idazle eta Alex Tarazón ilustratzaile valentziarrek Gangsters Maricas: Extravagancia y Furia en el cine negro (Gangster maritxuak: nabarmenkeria eta indarkeria zine beltzean)... [+]
Apirilaren 12an egingo dute XXI. edizioaren estreinako emanaldia, Bergaran. Maiatzaren 12ra bitartean, 35 herri bisitatuko ditu euskarazko film laburren ekimenak. Berrikuntza gisara, ikusleek film labur onena hautatzeko aukera izango dute.