Zilbetin harrobia egiteko UPNk baimenduriko egitasmoa, bertan behera
Nafarroako Justizia Auzitegi Nagusiak baliogabetu egin du Zilbetin magnesita harrobia egiteko egitasmoa. UPNk 2010ean baimendu zuen, baina SEO/Birdlife talde ekologistak helegitea jarri, eta epaileak proiektua atzera botatzea ebatzi du, babesturiko eremu batean “kalte konponezinak” eragingo lituzkeela argudiatuta.
SEO/Birdlifek sententziagatiko poza adierazi du, “epaileak proiektuari ezezko irmoa eman baitio”. Gogorarazi duenez, Nafarroako Gobernuak Zilbetiko pagadiak Natura 2000 Sarearen barruan sartu zituen –honek Europa mailan ingurune-ezaugarri bereziak dituzten eta babestu beharrekoak diren espazioak biltzen ditu–, eta ondoren, 2005ean, Gobernu berak bertako pagoen kontserbazioa bermatzeko plana abiatu zuen.
Alabaina, 2007an MAGNA enpresak iragarri zuen Azkarateko harrobia agortzen ari zela, eta harrobi berrien beharra zeukala. Horrela, Kontserbazio Bereziko Gunea den Zilbetin magnesita harrobi berri bat egiteko egitasmoa aurkeztu, eta 2010ean UPNren Gobernuak egitasmoa onetsi zuen. “Baimena eman zuen, nahiz eta jakin harrobi baten jarduna guztiz bateraezina dela espazio natural baten kontserbazioarekin”, azpimarratu du SEO/Birdlifek.
Nafarroako exekutiboaren erabakia ikusirik, aipaturiko GKEko eta Alduide Mendia Koordinakundeko kideek auzitara jotzea erabaki zuten. Euren iritzirako, MAGNA enpresak baliabide ugari zituen babestutako eremutik kanpo, beraz, “zentzugabea” zen harrobia Zilbetiko pagadi babestuetan egitea. Horrela, bada, auzibideari euren aldeko epaiarekin eman zaio amaiera. “Epailearen erabakiak arrazoia irmoki eman digu”.
SEO/Birdlifek azpimarratu duenez, “orain da eskualdeko herrientzako beste garapen eredu bat eskatzeko unea”. Talde ekologistaren aburuz, bertako herrien garapena ez litzateke harrobi batean oinarritu beharko, “herritarren ongizatea eta ingurumenaren errespetua, biak bermatuko dituzten proiektuetan” baizik.
Zilbeti, “balio ekologiko handiko” eremua
Ingurumenaren aldeko elkartearen arabera, Zilbetiko espazioa barnebiltzen duen Alduide Mendia Kontserbazio Bereziko Gunea bere biodibertsitateagatik da ezaguna. Bertan, besteak beste, galzorian den okil espezie baten populazio osoaren laurdena dago. Aipatu GKEaren estimazioen arabera, harrobia egiteko 54.390 pago botatzea zegoen aurreikusirik –horietatik 17.306 pago helduak izanen lirateke, “asko ehun urtetik gorakoak”–.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
Zirkulazioan lehentasunek garrantzi handia dute. Gidatzeko ikasten dugun lehen gauzatakoak dira: biribilguneak eta STOPak menperatu ezean nekez lortuko dugu gidabaimena.
Hala ere, lehentasunak ez dira kontu neutroak, eta historiak eta interes kontrajarriek aldatu izan... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Garai aproposa izaten da urteburua iraganeko lorpenak goraipatzeko eta, are gehiago, etorkizuneko asmo-usteak aldarrikatzeko. Eta halatsu da Txinan ere, alafede. Bide batez, ez da harrigarria abenduko azken orduetan, aurreikusitako planari aurrea hartuz, Xinjiangeko Urumqi-Yuli... [+]
Suhiltzaileek beste sute bat itzali behar izan zuten abenduaren 27an Zubietako erraustegian.
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Eusko Jaurlaritzaren esku geratu dira beste bi eskumen: Itsasertzaren Antolaketa eta Kudeaketa, eta Zinematografia eta Ikus-entzunezko Jarduera. Astelehenean bildu da Transferentzien Batzorde Mistoa, Madrilen, eta han adostu dute bi eskumen horiek EAEra eskualdatzea.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]