Zigorgabetasunaren armak
Maiatzaren 21ean, larunbata, Kaxilda (Donostia) liburu-denda asoziatiboko lankideek gertakari larri eta desatsegina pairatu zuten. La SAPA de los Aperribay. La guerra empieza aquí liburuari erreferentzia eginik, pertsona batek (ustez Ibon Aperribay) egileei mafiosoak izatea leporatu zien, eta artatu zuen langileari bizkarreko ederra eman zion. Solasaldi literario batean hitz egitera gonbidatutako herritar batengan baino, Francis Ford Coppolaren Aitabitxia-ren ahotan (agian liburu beraren azalak gogora ekarrita) esperoko genituen hitzak errepikatu zituen agurtzeko: "Sentitzen dut lokal honengatik eta zuengatik, lokal polita da".
"Kaxilda liburu-denda elkarteari, bertako langileei eta adierazpen-askatasuna babesten duten guztiei, gure elkartasunik sentituena eta babesik sutsuena"
Sentitzen dugu gure Aitabitxia-k bezperan liburu-denda berean egin zen liburuaren aurkezpenera joaterik ez izana, eta Euskal Herriko 11 talde antimilitaristek berretsitako dokumentuan azaldutakoarekin duen desadostasuna azaldu ez izana. Era berean, gonbidatzen dugu azaltzera liburuko zein datu ez den zuzena, bide zibikoagoak erabiliz beti ere.
Liburuaren edukiaz harago, eta Aperribay familiak heriotzaren industriarekin dituen negozioei egin diezaiokeen trabaz harago, pertsona horren hitzek iradokitzen dituzten mehatxuak gaitzesten eta salatzen ditugu. Are gehiago salatzen dugu elkarrizketa eta hausnarketarako esparru batean egin izanak.
Kaxilda liburu-denda elkarteari, bertako langileei eta adierazpen-askatasuna babesten duten guztiei, gure elkartasunik sentituena eta babesik sutsuena. Mundu hau desarmatzeko eta gatazka armatuekin amaitzeko dugun borrokaz harago, dokumentu honen oinarrian dagoen ikerketa nekeza zuzenbide zibilaren eta askatasunaren erabilera dela uste dugu.
Boteretsuak eta zigorgabetzat jotzen direnak desarmatzeko borrokan, donostiarrak, liburu-dendak, auzo-elkarteak eta mundu hobe baten alde lan egiten duten gainerako taldeak animatzen ditugu komunitate gardenago baten alde borrokatzen jarraitzera, non adierazpen askatasuna ez den mugatuko.
* Ana Gorostidi Pagola eta Bernard López Uranga Bake-Ekintza Antimilitarista taldeko kideak dira
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ukrainako gudaren amaierak ondorio sakonak ekarriko ditu Europa osora. Europako elite ekonomikoek beren indar guztia jarri dute guda-zelaian eta galdu egin dute. Galtzaileek, elite globalistek, beren egitasmo kuttuna galduko dute, Europako Batasuna, eta Bruselatik europar... [+]
Azterketak amaitzearekin batera ohikoak bihurtu dira ikasleriaren artean, urteko garai honetan merkeak diren hegaldiak hartu eta adiskideekin bidaiatzea. Horrela egin dut neuk ere eta Londresera joateko aukera izan dut. Ildo beretik, bertan “euskaldun” pilarekin egin... [+]
Ez dakit nondik hasi, egia esan. Ordezkoa naizen heinean –irakaskuntzan ikasturte gutxi batzuk daramatzat lanean– eskola ugari ezagutu ditut Nafarroa, Bizkai eta Araban zehar. Lankide izan ditudan irakasleekin euskal eskolak dituen gabezien inguruan hitz egiten... [+]
Alberto Martinez Eusko Jaurlaritzako Osasun sailburuak argi dio: ez ditu mediku euskaldunak aurkitzen, eta euskarazko osasun arreta ezin da bermatu mediku egoiliar (formazioan dauden espezialista) gehienak kanpotarrak direlako. Mediku euskaldunak bilatzea perretxikotan joatea... [+]
“Gogo eta gorputzaren zilbor-hesteak: bi kate. Bi kate, biak ebaki beharrezkoak: bat gorputzaren bizitzeko, bestea gogoaren askatzeko”. Hala dio Mikel Laboaren kantak; hala izan da belaunaldiz belaunaldi, egun arte.
Gogoan dut nire gurasoak askotan joaten zirela... [+]
Otsailean bost urte bete dira Iruña-Veleiako epaiketatik, baina oraindik hainbat pasarte ezezagunak dira.
11 urteko gurutze-bidea. Arabako Foru Aldundiak (AFA) kereila jarri zuenetik epaiketa burutzera 11 urte luze pasa ziren. Luzatzen den justizia ez dela justizia, dio... [+]
MAITE: (biharko eguna antolatzen bere buruaren baitan) Jaiki, gosaldu, bazkaria prestatu, arropa garbitu, etxea garbitu, gizon hori jaiki, seme-alabak jaiki, hiru horien gosaria prestatu, haiek agurtu, erosketak egin, lanera joan, seme-alabak eskolatik jaso, merienda eman,... [+]
Matxismoa normalizatzen ari da, eskuin muturreko alderdien nahiz sare sozialetako pertsonaien eskutik, ideia matxistak zabaltzen eta egonkortzen ari baitira gizarte osoan. Egoera larria da, eta are larriagoa izan daiteke, ideia zein jarrera matxistei eta erreakzionarioei ateak... [+]
“Kasu, ez gitxu lo!”. Gure denbora eta manerekin baina heldu gira.
Azaroaren 25ean Baionako elgarretaratzera joan ez joan eta autoak nola partekatu pentsatzetik (joan-jina bi oren), bat-batean Lartzabalen elgarretaratze bat antolatu genuen, eta 47 emazte bildu!... [+]
Nahiz eta Nazio Batuen Erakundeak (NBE) 1977an nazioarteko egun bat bezala deklaratu zuen eta haren jatorriaren hipotesi ezberdinak diren, Martxoaren 8aren iturria berez emazte langileen mugimenduari lotua da.
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]