Ziburuko Kaskarotenea Ikastolaren eraikin berrian hasiko dute ikasturtea haurrek
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Herriko Etxeak Ikastolarekin zuen akordioa luzatu ez eta lurrik eta eraikinik gabe gelditu zen iaz Kaskarotenea. Urte osoan egindako borrokaren ondorioz elkartasun handia jaso du Ikastolak Euskal Herri osotik.
Laida Mujika zuzendaria “oso pozik” azaldu da eraikin berriarekin, eta erabat bukatzeko lan txiki batzuk falta badira ere, urrirako amaitzea espero dute. Bitartean, hamabost haurrek ekingo diote ikasturteari Kaskarotenea berrian.
Zuzendariak azken urtean Euskal Herri osotik jasotako elkartasuna eskertu du, laguntza ekonomiko hori gabe lurra erosteko behar zituzten 300.000 euroak eskuratzea “ezinezko izanen zitzaielako”. Aurtengo Herri Urrats jaialdiko irabaziak Ziburuko ikastolarentzat izan ziren.
Herriko Etxearekin harremanak hobetu direla ere adierazi du Mujikak, eta nolabait “abiatze berri bat” dela oraingoa: “Orain beste kezka batzuekin hasi nahi dugu, adibidez, haur gehiago iristea edo proiektu pedagogikoa lantzea”.
Hiru gela ditu ikastola berriak, eta aurreko eraikinarekin alderatuz zabalera bikoitza hartzen du. Kokapenarekin ere oso gustora agertu dira Ikastolako kideak: “Zaila da Ziburun leku hobe bat imajinatzea”, adierazi du Mujikak.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.
Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.
Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]
Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.
Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.
Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.
Ziburuko ikastolako kideei ohar bat igorri die Guy Poulou auzapezak, Marinela gunean jarraitzen badute, “indar publikoen laguntzarekin” kanporatzeko prest dagoela adieraziz.