Ziburuko ikastolak elektrizitate sorgailuarekin erantzun dio argindar mozketari
Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.
2 eta 5 urteko haurrak argirik eta berogailurik gabe daude, eta elektrizitate sorgailua martxan jarri badute ere, “zarata handia” egiten duen tresna dela adierazi du Mujikak. Bere hitzetan, “segurtasun aldetik ere ez da oso egokia”.
Bi urtetan lur zati txiki horretan geratzeko hitzarmena egin zuten auzapezarekin, eskola publikoko obrak burutu artean. Orain Poulou auzapezak hortik kanporatu nahi ditu ikastolako haurrak, ez diolako leku publiko bat utzi nahi “ekimen pribatu bati”.
Eskatzen dutena “leku publiko bat” dela esan du Paxkal Indok, Seaskako zuzendariak, “Seaskak eskaintzen duena ere zerbitzu publiko bat delako”.
Ikastolarentzat toki bat aurkitzeko “ahalegina” egiteko prest dagoela esan du Poulouk, eta egin duela dagoeneko. Autopista ondoko gunea proposatu diela azpimarratu du, baina gurasoek ez dutela nahi hara joan, zaratagatik.
Laida Mujika zuzendariak Berriari adierazi dio Ziburuko erdigunea utzi eta autopista ondora joatea “ikastolaren amaiera” litzatekeela, haur berririk ez litzatekeelako joango bere ustez.
Berriak bideoan jaso ditu haurrak oporretatik itzuli diren lehen eguneko irudiak, esku-argiak hartuta.
“Ez dut ezer euskararen aurka”
Poulou Marinela eraikinaren inaugurazioan izan da, eskola publikoko haurrak mugitu baitira bertara bi urteko obren ostean. Hedabideen galderei erantzun die, eta ez duela euskararen kontra ezer aitortu du, baina “epaia bete” behar dela. “Argia Seaskari eta gurasoei kendu diet, haurrei ez”.
Kontzentrazioak ostiralera arte
Auzapezaren neurrien aurkako kontzentrazioak egingo dituzte astean zehar Ziburun, 17:30ean. Kazeta.eus-ek jaso duenez, ostegunean bilkura publiko bat egingo dute ikastolakoek, “ziburutar guztien galderei erantzuteko”.
Seaskatik dei egin dute azaroaren 8ko Ziburuko ikastolaren aldeko manifestaziora joateko. 16:00etan abiatuko da martxa.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.
Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.
Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.
Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]
Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.
Ziburuko ikastolako kideei ohar bat igorri die Guy Poulou auzapezak, Marinela gunean jarraitzen badute, “indar publikoen laguntzarekin” kanporatzeko prest dagoela adieraziz.