Ziburuko ama ikastola kale gorrira bidali nahi du auzapezak

  • Guy Poulou (UMP) jaunak haurrak egoitzarik gabe utzi nahi dituelako eta gertaeren berri emateko, elkarretaratzera deitu zuten astelehenean, ekainak 9, Ziburuko ama ikastolako gurasoek. 200 lagun inguru bildu ziren herriko zentroan, tartean hautetsi sozialistak eta abertzaleak zirela.


2014ko ekainaren 10ean - 00:00
Azken eguneraketa: 2015-02-26 13:37
Ziburuko ikastolak deitutako elkarretaratzea. (Sylvain SENCRISTO)

Duela bi urte sortu zenetik, Marinela eskola publikoko eremuan jardun du Ziburuko ama ikastolak, bertan aurrez fabrikatutako bi etxola ipini baitzizaizkien, Herriko Etxearekin hitzarmena sinatu ondoren. Eskola publikoko haurrak aisialdi zentrora joanak ziren ordurako, eraikinean obrak egin behar zirela eta.

Obrak bukaturik, eskola publikoko haurrak beren ikastetxera itzuliko dira irailean, eta ikastolako haurrak, berriz, handik kanporatu eta kale gorrian utzi nahi ditu Guy Poulou UMPko auzapezak.

Ikastolak sinatutako hitzarmena uztailean bukatuko da eta arduradunek aisialdi zentroa baliatu ahal izatea proposatu zioten alkateari, baina Poulouk ezezkoa eman die, zentrorako “beste proiektu batzuk” dituela argudiatuta. Horren ordez, etxolak Piarres Larzabal kolegioan ezartzea proposatu zien. Ikastolako ordezkariei ez zaie konponbide egokia iruditzen, batetik kolegioa txikiegia delako, eta bestetik, ama ikastolako haurrak eta kolegioko gazteak elkarrekin batzea “pedagogikoki” desegokia iruditzen zaielako.

Horren ordez, prefabrikatuak ezartzeko eremu publikoko aparkaleku bat uztea eskatu zioten alkateari, baina horri ere ezezkoa eman zion, baita haur txikientzat egingo duen polo edo gunea erabiltzeko eskakizunari ere.

Guy Poulouk, lokala bilatzeko ahaleginik ez egitea leporatu die ikastolako arduradunei, “duela bi urte hitzeman zuten arren”. Haren ustez, egoitza bilatzea ez da botere publikoaren betebeharra, ikastolaren arazoa baizik, eta beharrezko baldin bada, “jendarmeak bidaltzeko prest” agertu zitzaien gurasoei, kaleratzea lortzeko.

Auzapezaren borondate eza salatzeko eta jendeari gertaeren berri emateko, gurasoek deituta elkarretaratzea burutu zuten ekainaren 9, Ziburuko zentroan. 200 lagun inguru bildu ziren, tartean hautetsi sozialistak eta abertzaleak zirela. Besteak beste, Seaskako presidente Paxkal Indo, Euskal Konfederazioko Sebastien Castet, LABeko ordezkari Eñaut Aramendi, PSko diputatu Sylviane Alaux azaldu ziren pankartaren atzean.


Kanal honetatik interesatuko zaizu: Ziburuko ikastolaren borroka
Eraikinik gabe utzi zuten Ziburuko Kaskarotenea ikastolak hamar urte bete ditu

Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]


2015-08-31 | Garazi Zabaleta
Ziburuko Kaskarotenea Ikastolaren eraikin berrian hasiko dute ikasturtea haurrek

Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.


2015-05-05 | Mikel Asurmendi
Herri Urrats
“Atxik ikastola bildua” lelopean, Herri Urratseko dirua Ziburuko ikastolarentzat

Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.


Ziburuko Ikastolak lurra erostea erabaki du azkenean

Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]


Seaskak lur eremu bat erostea erabaki du Ziburuko ikastolarentzat

Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.


2014-12-19 | ARGIA
“Tarteka eskopeta batekin joan eta tiro egiteko gogoa daukat”, Ziburuko auzapezak oposizioko kide abertzaleari

Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.


2014-11-11 |
Eta orain zer?

Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]


Kaskarotenea: Eta orain zer?

Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]


Bideoa: Leku hau proposatu dio auzapezak Ziburuko ikastolari

Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.


Ziburuko auzapeza: “Manifestaziora Espainiatik etorriko dira autobusak, ez dira ziburutarrak”

Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.


Seaskako ikastolek argia itzaliko dute ordubetez, Kaskarotenearekin elkartasunean

Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.


“Ziburun ez gara hamar familia bakarrik, gure gibelean da Euskal Herri guztia”

Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]


10.000 euro emango dizkio Udalbiltzak Ziburuko ikastolari

Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.


Ziburuko ikastolak elektrizitate sorgailuarekin erantzun dio argindar mozketari

Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.


Argindarra kendu diote Ziburuko ikastolari

Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.


Eguneraketa berriak daude