Zezenketak debekatu dituzte Gijonen, toreatutako bi animaliari ‘Feminista’ eta ‘Nigeriano’ izenak jarri ondoren
Ana González hiriko alkateak salatu du “giza eskubideen aurkako ideologia bat hedatzeko” erabili dituztela zezenketak. Horregatik, Udalak ez du berrituko plaza erabiltzeko emandako kontzesioa. Tauromakiaren inguruko elkarteek azaldu dute Feminista eta Nigeriana zezen arrazen izenak direla eta horregatik erabili dituztela.
Gijonen (Asturias) debekatu egin dituzte zezenketak. Hiriko alkate Ana Gonzálezek (PSOE) asteazken honetan iragarri du erabakia. Abuztuaren 13, 14 eta 15ean Begoñako feria ospatu zuten El Bibio zezen plazan, eta igandean egindako zezenketa izan zen azkena. Toreatzen hil zituzten bi animaliari Feminista eta Nigeriano izenak jarri zizkieten, eta horrekin, Gonzálezek zeharkatu ezin diren hainbat “marra gorri” gurutzatu zituztela salatu du.
2016tik emanda zuen Gijongo Udalak El Bibion zezenketak antolatzeko kontzesioa. Baina ez dute kontratua berrituko. Tauromakiaren kontrako ahotsak aspalditik zabaldu dira hirian, baina alkatearentzat gertakari hau nahikoa izan da zezenketak debekatzeko erabakia aurreratzeko. Ospakizunak tinte ideologiko garbia hartu duela salatu du, “giza eskubideen aurkako ideologia bat hedatzeko” erabili baitute. Gaineratu du “emakumeen eta gizonen berdintasunean eta integrazioan sinesten duen hiri batek” ezin duela halakorik onartu.
Tauromakia defendatzen duten elkarteek erabakiaren kontra egin dute. Haien ustez, zezenketak debekatzeko hautua duela asko hartu zen, eta igandean gertatutakoa “aitzakia” gisa erabili du Gonzálezek hori lortzeko. Lidiako Zezen-hazleen Batasunak komunikatu batean azaldu du zezenei izen horiek jartzeak azalpena duela: Feminista eta Nigeriana izeneko arrazetatik datoz animaliak, eta Lidiako zezenak izendatzeko arautegiak behartu egiten dituzte izen horiek jartzera. Debekua alkateak abeltzaintzan eta landa munduan duen “ezjakintasunean” oinarritzen denez, berau zuzentzeko eskatu diote Udalari.
Eskubideen aurka doa
Lidiako Zezena fundazioak, berriz, pauso bat harago jo du. Elkarteak azaldu du Gonzálezek nahita eta modu “totalitarioan” jo duela kultura ulertzeko modu ezberdinen kontra. “Talibanek Bamiyaneko budak suntsitu zituzten arrazoi beragatik eraitsi nahi du Gijongo alkateak tauromakia, haien ustez, kultura adierazpen horiek immoralak direlako”. Nazioartean, “gutxiengoen eta herri autoktonoen kultura” errespetatu egin behar dela azaldu du UNESCOk, eta Espainiako Gobernuak, 18/2013 tauromakia legean, zezenketak gizateriaren ondare direla kontsideratu du. Hori argudiatuta, administrazio publikoari laguntza eskatu dio fundazioak ustez beren eskubidea dena defendatzeko.
Pablo González PPko presidentea bat etorri da tauromakiaren aldeko elkarteekin. PSOEren erabakia “inposizio ideologikoa” iruditu zaio politikariari: “Sozialismo erradikalenak gijondarren eskubideak mugatu nahi ditu”. Zezenketak berriro antolatu daitezen sinadura kanpaina bat abiatuko dutela iragarri du.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]
Sindikatuak azaldu duenez, greban dagoen udal langile brigadari dagokio zezen plaza muntatzea, baina horren ordez "zezen zale elkartekoak ari dira alkatearen laguntza zuzendarekin". ELAren ustez langileen greba eskubidea urratzen ari dira eta Lan Ikuskaritzaren esku... [+]
Abuztuaren 15ean Donostiako Ilunben sei zezen nola hiltzen dituzten erakusten duen bideoa kaleratu du Gipuzkoako Plataforma Antitaurinoak, Linas Kortarekin batera egina, herritarrak sentsibilizatzeko helburuarekin.
Abuztuaren 13rako deitu dute mobilizazioa Donostian, arratsaldeko 18:00tan.
Abuztuaren 13rako deitu dute manifestaziora, Donostian, bertako udalak zezenketak onartzen eta errazten dituelako.
Ostegunean onartu du Ministroen Kontseiluak lege-dekretua. Hori zen PAN alderdi animalistak jarritako baldintza aurrekontuak onartzeko.