Zestoako Gaztetxearekin elkartasunez, Eliza seinalatzen jarraitzen dute
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Huste arriskuan jarraitzen du Zestoako (Gipuzkoa) Gaztetxeak, bere aurkako prozedura judizialarekin aurrera jarraitzen baitu Elizak; zehazki, Gipuzkoako gotzaindegiak. Gaztetxearekin elkartasunez, hainbat protesta-ekintza izaten ari dira Euskal Herrian zehar: aurreko ostiral arratsaldean, esaterako, kontzentrazio bat egin zuten Donostiako (Gipuzkoa) Artzain Ona katedralean. Hainbat eta hainbat lagun bildu ziren bertan, eta Zestoako Gaztetxearen desalojoa eten dezala exijitu zioten Elizari. Horretaz gain, "salerosketaren eta diruaren Elizari apostasia egitera" deitu zuten berriz.
Zestoako Gazte Asanbladak eta Langile Kontrolpeko Espazioen Defentsa Komunitateak asteak daramatzate apostasia kolektiboa egitera deitzen, Zestoako Gaztetxearen alde. Gipuzkoan soilik, 700 apostasia eskaera bildu dituzte; Euskal Herrian orain arte egin den apostasia kolektiborik handiena ari da izaten. Ostiraleko elkarretaratzean, katedralera sartu eta apostasia egiteko hainbat eskaera-orri bertan utzi zituzten zenbait lagunek.
Asteazken honetan, hilaren 24an, Azpeitian (Gipuzkoa) izango da Zestoako Gaztetxearen kontrako epaiketa. Zestoako bi gazte epaituko dituzte Gaztetxearen birjabetzea dela-eta; kalte-ordain eta isun handiak eskatzen dituzte haientzat. Iazko otsailean eskuratu zuen Gaztetxe berria Zestoako Gazte Asanbladak, hainbat urtez hura tokialdatzeko borrokan jardun ostean.
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]