Zestoako gaztetxea husteko agindua eman du epaileak
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Iritsi berri da Zestoako Gaztetxearen aurkako epaiketaren harira Azpeitiko epaitegiak emandako ebazpena: Gaztetxea husteko agindua eman du epaileak, eta 70.000 eurotik gorakoak izan daitezke gazteei ordainarazten dizkieten isunak. Hala adierazi dute Urola Erdiko hainbat gaztek astelehenean Gipuzkoako Gotzaindegiaren aurrean egindako agerraldian: beren borondatez atera ezean, eraikina desjabetzeko prozesua abiaraziko baitu epaitegiak. Sententzia gaitzetsi du Zestoako Gazte Asanbladak eta protesta modura, gaztetxearen aldeko borrokan jarraitzeko mobilizatzera deitu dute: igandean, otsailaren 4an, eguerdiko 12:30ean abiatuko da Zestoako plaza nagusitik.
Iazko otsailean zabaldu zituen ateak Zestoako gaztetxe berriak, bi urte luzez gaztetxe zaharretik zentrora lekualdatzeko prozesua prestatzen igaro ostean. Hala okupatu zuen Gazte Asanbladak Zestoako Elizondo eraikina zena. Okupazioaren berri izatean, ordea, salaketa jarri zuen Gipuzkoako Gotzaindegiak. Elizaren jabetzakoa da hustu nahi duten eraikina.
Apostasia
Hori dela eta, azken asteotan kanpaina bat izan dute martxan Langile Kontrolpeko Espazioen Defentsa Komunitatearekin batera, eta apostasia kolektiboa bultzatu dute: Gipuzkoan soilik 700 apostasia eskaeratik gora bildu dituzte eta astelehenean saiatu dira eskaera horiek Gipuzkoako Gotzaindegian eskura ematen. Baina, oraingoz, elizak ez ditu eskaera horiek jaso eta onartu, Ertzaintzak gotzaindegiko sarrerak itxita mantendu baititu.
Elizak izandako jarrera salatu dute agerraldian: “Lan desinteresatuan, kontzientziazio politikoan eta ardurak hartzean antolatzen ari diren gazteen aurkako mendekua ezartzen ari da”. Elizaren asmo nagusia “gazteen antolakuntza kolpatzea eta isunez itotzea” dela adierazi dute.
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.