Zertan da EHUko ikerlariek koronabirusa atzemateko garatutako testa?
Osasun saileko bozeramaileak apirilaren 13 eguerdian adierazi du "hainbat enpresa ari direla testak garatzen", eta "zuhurtziaz" jokatu nahi duela Eusko Jaurlaritzak test hauek erabiltzen hastekotan. Zalla Bai udal plataforma independenteak sinadura bilketa abiatu du EHUko ikerlariek beste hainbat erakunderekin garatu duten testa lehenbailehen erabiltzen hasteko eskatuz eta bi egunean 15.000 sinadura lortzear da. Badirudi dagoeneko garatuta dagoen, merkeagoa den eta ikerketa publikoaren emaitza den test honek lehia jasango duela testa garatzen ari diren euskal enpresen aldetik.
Apirilaren 10ean jakin zen euskal ikerlari talde batek Covid-19a atzemateko test berria sortu duela.
Apirilaren 13an Osasun saileko bozeramaleari galdetu diote kazetariek test honen erabilera zertan den, eta honek erantzuna orokortu du esanaz "hainbat enpresa ari direla testak garatzen eta zuhurtziaz" jokatu behar dutela aplikaziora pasatzerako momentuan.
Hauek dira Euskal Herrian testa garatzen lehenengoa izan den ikerketa taldeko kideak: EHUko hainbat sailetako zientzialari, Ikerbasque, Achucarro, Biofisika Bizkaia Fundazioa, Biocruces Bizkaia eta Bioaraba institutua.
Hauek dira test honen onuretako batzuk: lagin bakoitzak 15 euro balioko duela aurreikusi dute, eta lau ordu baino gutxiago behar ditu erantzuna jasotzeko. Ikerketa honen koordinatzaile den Ugo Mayorrek adierazi duenez, “EHUn egunean 500-1.000 test egin ahalko genituzke, baina EAEko baliabideak koordinatuz gero, egunean 10.000 test egitera iritsi ahalko genuke".
Sinadura bilketa EHUk garatutako testa lehenbailehen erabiltzen hastearen alde
Bitartean, Zalla Bai udal zerrenda independenteak sinadura bilketa abiatu du apirilaren 11n lehenbailehen test hauek erabiltzen hasteko eskatuz eta bi egunean 15.000 sinadura lortzear dira (hemen eskaera irakurri eta sinatzeko aukera). Sinadura bilketako testuak azpimarratzen du Munduko Osasun Erakundeak testak era masiboan erabiltzea jotzen duela pandemia kontrolatzeko modu egokitzat eta test hau "merkeagoa, azkarragoa eta fidagarriagoa dela Jaurlaritza orain arte erabiltzen ari den test komertzialak baino".
Euskal enpresak testak sortzeko lehian
Hauek dira testak garatzen ari diren enpresak: Osasen eta Progenika Biopharma. Enpresa horiek testak garatzen ari dira baina oraindik ez dituzte prest. Hurrengo asteetan Progenikak berea prest izatea espero du.
Osasen enpresa Biolan Mikrobiosensoreak SL enpresak sortua da eta Asier Albizu da bertako zuzendari. Berau nekazaritzako ikerkuntzan aritzen den Neiker-Tecnalia institutuko zuzendari nagusi izana da.
Progenika Biopharma Zamudioko parke teknologikoan dago eta Grifols farmazeutika handiari lotua dago. Antonio Martínez da sortzaileetako bat eta bideo honetan (gazteleraz) kontatzen du nola unibertsitateko ikerlari batzuek erabaki zuten enpresa pribatura jauzi egitea eta zein garrantzitsu den horrelako enpresentzat diru publikoa, merkatuan lehiakor izateko.
Zergatik ez erabiltzen hasi, dagoeneko garatuta eta prest dagoen testa, merkatuan dauden besteak baino merkeagoa eta fidagarriagoa izanik?
Eguneraketa: Albiste hau argitaratu ondoren, EHUko Ugo Mayor ikerlariak ohartarazi du unibertsitateak ez duela adierazi Osakidetzarekin batera garatu duten protokoloa azkarragoa eta fidagarriagoa denik Jaurlaritzak orain arte eskuratu dituen test komertzialak baino. EHUk behintzat ez duela inoiz hori aldarrikatu zehaztu du irakasle eta ikerlariak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.