Zero-covid, zero eskrupulu
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu ondoren ere, estrategia hori doitu bai, baina baztertzeko batere asmorik ez dutela. Bai egoskorra jendea! Mundu guztiari kontra egiteagatik arituko omen dira teman.
Izan ere, gure mundu-parte honetan batzuek zinez sinetsi dute zero-covid estrategia burugabekeria hutsa dela, eta “birusarekiko bizikidetza” dela hoberena, konparaziorik gabe. Fededunak ereiteko makina baita propaganda. Eta Mendebaldearen propaganda-makinak hilabeteak daramatza Txinarekin kidetzen den zero-covid estrategia hori erauzi nahian: ez omen dauka oinarri zientifikorik, kalte ekonomiko ikusgarriak sortzen omen ditu, baheketa eta itxialdi bidegabeak ezartzen omen dizkio jendeari, ezinegon sozial ikusgarria ereiten ari omen da…
Bejondeiela. Utz dezagun alde batera Mendebaldeko hedabideetan inoiz ez zaiola hitza eman zero-covid estrategia horren benetako aitapontekoa den Zhong Nanshan doktoreari (ez baita Xi Jinping jaunaren ez Sun Chunlan andrearen asmakeria). Bada Zhong doktoreak eta haren pontekoek inoiz zalantzarik izan balute, hain gertu duten Taiwanen azken hilabete hauetan ikusi dutenak uxatuko zizkien dudak.
Bi urtez nahiko zorrotz eramana zuten zero estrategia berbera utzi eta “bizikidetza-estrategiari” ekitea erabaki zuen Tsai andrearen gobernuak aurtengo udaberrian. Zergatia, beste baterako utziko dugu. Emaitza: 10.000 hildako baino gehiago maiatzetik hona. Eta egunero beste 50 inguru gehituz, oraintxe bertan. Biztanleriaren % 90 baino gehiago txertoa hartuta dagoen arren.
Taiwango biztanleria Txinakoaren 1/60 dela kontuan izanda, biderketa xume batek iradokitzen du zer gertatuko litzatekeen Txinan ere gauza bera egingo balitz. Baina, gainera, bertako osasungintza-sistema Taiwangoa baino dezente ahulagoa denez, eta txertatze-maila ere zertxobait baxuagoa (batez ere zaharren artean), nahiko argi dago zero-covid estrategia erabat baztertzeak bizpahiru milioi txinatarren heriotza erakarriko lukeela hilabete gutxiren buruan.
“Gure” propaganda-orkestraren zuzendariek badakite hori. Baina zero eskrupuluko jendea dela ematen du.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.
COVID-19 kasuek gora egin dute Europan eta 60 eta 79 urte artekoei eta gaitza larri pasatzeko arrisku handiagoa dutenei txertoaren laugarren dosia “berehala” jartzea gomendatu dute Sendagaien Europako Agentziak (EMA) eta Gaixotasunen Prebentziorako eta Kontrolerako... [+]