Zergatik hil behar dituzte Aragoin 93.000 bisoi gizakien COVID-19a dela eta?
Egunotan hasiko dira hiltzen Puebla de Valverden (Teruel, Aragoi) haztegi batean larruzko jantzietarako hazten zituzten ia 93.000 bisoi, zenbait positibo agertu direlako bertako langileen artean... baina baita bisoi askoren artean ere. Bisoia edo mustelidoen familiako beste animaliaren bat izan daiteke SARS-CoV-2 birusaren jatorrian dagoena Txinako saguzar batzuetatik gizakiarengana iristeko bitartekari lana egin duena. Era naturalean... edo laborategiren batean egindako manipulazioz.
Maiatzetik hona hesituta eduki ostean, atzo erabaki dute Aragoiko agintariek Puebla de Valverdeko granjak dauzkan ia 93.000 bisoi hil behar dituztela, COVID-19a zabaldu delako bertan pilatutako animalien artean. Maiatzean granjako langileetatik zazpik eman zutenean positibo, abereen artean probak egin eta hauen artean ere hainbat kutsatu agertu ziren. Geroztik langileok sendatutzat eman ostean, egunotan egindako probetan agertu da kaioletan metaturik bizi diren bisoien artean positiboak gutxitu ordez orokortu egin direla.
Bisoiak, ipurtatsak, hudoak eta bestelako mustelidoak gizakion begietan guregandik urrun dauden animaliak izan arren, COVID-19a elkarri kutsatzeko moduko hurbiltasuna daukagula jada erakutsita zegoen: maiatzean 10.000 bisoi hilarazi zituzten agintariek Herbeheretako granjetan, batetik besterako kutsaketa kasuengatik. Orain Europa osokoak jarri ditu auzitan Aragoiko granjak, kontinentean 39 milioi bisoi hazten baitira larrugintzarako.
Zein da arazoa mustelidoekin? Horietakoren bat izan daitekeela SARS-CoV-2 birusaren eraldaketan tarteko lana egin duena, jatorrian Txinako saguzar batengan bizi den birusa harengandik gizakiarengana iristeko bitartekari lana. Tarteko espezie susmagarri bat baino gehiago aipatu izan da hilabeteotan, hasieran hain famatu egin zen pangolinagandik hasita. Aditu gehienek pangolinaren hipotesia baztertuta, gaztelaniaz civeta eta frantsesez civette deitu ‘Paradoxurus hermaphroditus’ asiarra aipatu da gero, baita mapatxea ere.
Holandako granjetako arazoaz geroztik gero eta indar handiagoa hartu du mustelidoen hipotesiak. Familia horretakoak dira larrugintzarako hazten diren bisoi amerikarrak, gure ipurtatsak (bisoi europarrak), hudoak... Orain Aragoiko kasuak indar handiagoa emango dio ikerketaren ildo horri.
Mustelidoek egin ahal izan dute, egunotan prentsa nagusian esaten denez, Txinan hain ugariak diren granjetan saguzarretatik birusa jaso eta gizakiarenganaino pasatzeko eraldatzeko lana. Baina mustelidoen pistak haize eman diezaioke SARS-CoV-2 birusaren jatorriaren hipotesi alternatiboari ere, alegia, birusa laborategiren batean manipulatu zutela gaur daukan tankera hartu arte. Txinako Wuhanen dagoen laborategi famatuaz gain, munduko beste zenbaitetan ere manipulatzen dituzte birusak, bai pandemia arrisku berriei aurrea hartuz erremedioak sortzeko helburuz... eta bai gerra bakteriologikorako armak garatzeko. Eta manipulazio horietan paper garrantzitsu bat jokatzen dute mustelidoen familiako animaliatxo hauek.
Hipotesi hori landuko du ARGIAk abuztuan banatuko duen Gakoak gehigarriko artikuluetako batek: "Eta COVID-19 OGM bat baldin bada?".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.