Zergatik ez ote digute esaten zenbat hil diren Araban, Bizkaian eta Gipuzkoan?
Sentitzen dut, irakurle: ezin dizugu esan atzo, asteartea, EAEn hil diren 6 pertsonetatik zenbat hil diren Araban, zenbat Bizkaian eta zenbat Gipuzkoan. Eusko Jaurlaritzak ukatzen digu herritarroi informazio hori maiatzaren 14tik.
EITBk zabaldu duenez, Euskadiko Autonomia Erkidegoan ("Euskadin", sic) 6 pertsona gehiago hil dira koronabirusak jota azken egunean. Nafarroan hildakorik baden edo zenbat arratsaldean jakingo dugu. Euskal Herrian denetara zenbat hildako doazen seguru jakiteko Berria egunkariak bere estatistika eguneratu arte itxaronda enteratuko gara, berari egin behar baitzaio konfiantza Iparraldeko kopuruen kontabilitatean. Alabaina... eguna bukatuta ere ez dugu jakingo EAEko 6 heriotza berri horietatik zenbat gertatu diren Araban, zenbat Bizkaian eta zenbat Gipuzkoan. Eusko Jaurlaritzak datu hori ezkutatzen baitigu... maiatzaren 14tik.
Esaterako, ni bizi naizen probintzian, Gipuzkoan, pertsona bakar bat ez da hil maiatzaren 14tik. Horregatik ibiliko da jendea hain lasai kalean. Gipuzkoarren umorea goizero baldintzatzen duen Diario Vasco egunkariak une honetan (14:00) bere webaren goiburuan dakarrenez, "El territorio suma siete días consecutivos sin positivos mientras en Euskadi se produce un leve repunte con 12 nuevos casos y seis fallecidos". Zeren eta, hori bai, Eusko Jaurlaritzak xehetasun guztiz iragartzen digu egunero zenbatek –zein gutxik, esan nahi baita– eman duten positibo COVID-19 testetan. Beraz, Gipuzkoan daramatzagu 14 egun hildakorik gabe eta gero eta positibo gutxiagorekin.
Harrigarriak dira euskaldun hauek, begiak itxita lortzen baitute muturren aurrean daukaten errealitatea suntsitzea. Prist! Maiatzaren 13an ordu honetantsu ARGIAk irakurleei jakinarazi zienez, aurreko egunean Araban pertsona 1 hil zuen koronabirusak, Bizkaian 9, Gipuzkoan 3 eta Nafarroan 1. Egun hura arte Araban 355 ziren hildakoak, Bizkaian 806, Gipuzkoan 281 eta Nafarroan 494. Eta kontatu genuen milioi bat biztanleko Arabak 1.070 heriotza nozitu zituela, Bizkaiak 699, Gipuzkoak 388 eta Nafarroak 755. Oro har, Iparraldeko 10 hildakoak barne, Euskal Herriak ematen zuen milioiko 613 hildako.
Hamabost egunen buruan orduan 1.946 hildako zirenak Euskal Herrian gaur eguerdia arte bilakatu dira 2.033, eta milioiko 613 zirenak 640tik gora. Baina gure irakurleei ezingo diegu kontatu zenbat diren hildakoak ez Araban, ez Bizkaian eta ez Gipuzkoan, ez denetara eta ez milioika. Senide edo lagunen bat galdu duenak are ezkutuago egin beharko du bere dolua, Araban ahaztuko dute Lombadia terribletik hain urrun ez dabiltzanik, Bizkaian ez dute jakingo hildako gehienak beren inguruan gertatu direnik eta gipuzkoarrok kontent Errusian zenbat milaka kutsatu berri azaldu diren begira.
Zergatik ukatzen ote digute agintariek herritarroi oinarrizko informazioa? Eta nolaz onartzen dugu euskaldunok? Harritzekoa da.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.