Zergatik eten du Errusiak Itsaso Beltzeko zereal esportazioen ituna?
Ukrainako gerra egonda ere, Errusia eta Ukrainako Gobernuek hitzartuta zeukaten laboreen esportazioa ahalbidetuko zutela, 2022ko uztailetik. Astelehenean Vladimir Putinek erabaki du ez luzatzea, arrazoituta NBE ez zela betetzen ari adostutakoa.
Ukrainako gerragatik blokeatuta zegoen zerealen esportazioa Itsaso Beltzean, eta 2022ko uztailean akordioa sinatu zuten Errusiako eta Ukrainako agintariek, ziurtatzeko ez zietela eraso egingo laboreak zeramatzaten itsasontziei. Antonio Guterres Nazio Batuen Erakundeko (NBE) idazkari naguasiaren esanetan, itun horri esker gosez zeuden milioika pertsona “salbatu” dira. 32,9 milioi tona labore esportatu dira urtebete honetan, elDiario.es-ek gogorarazi duenez.
Ituna hirutan luzatu dute, baina azken aldian, maiatzean, soilik 60 egunez luzatzea onartu zuen Errusiak, eta ez testuan adostuta zegoen 120 egunez. Astelehenean zen itunaren azken eguna, eta Errusiako Gobernuak erabaki du ez luzatzea, azken asteetako mehatxua beteta.
Dmitri Peskov Kremlineko bozeramaileak jakinarazi du akordioa bertan behera gelditu dela, zera argudiatuta: “Errusiari eragiten dion ituneko zatia ez da bete orain arte”. Ohartarazi du hori bete ezean ituna etenda egongo dela. Errusiako Kanpo Ministerioak azpimarratu du prest leudekeela hitzarmena berrartzeko, baldin eta “emaitza zehatzak badaude, ez promesak eta bermeak”.
Hain zuzen, 2022ko itunean zehaztu zuten NBEk Errusiari lagunduko ziola elikagai eta ongarriak esportatzen nazioarteko merkatuetara; baina, Errusiak salatu duenez, oztopoak jartzen ari dira. Antonio Guterres NBEko idazkari nagusiak astelehenean adierazi du “dezepzio ikaragarria” izan dela Errusiak bere proposamenak “entzun ez izana”, munduko “elikadura segurtasuna” arriskuan jarri baita Itsaso Beltzeko hitzarmena bertan behera utzita. Dena den, onartu du jakitun dela Errusiako elikagai eta ongarriek nazioarteko merkatuan dituzten “oztopo batzuek hor dirautela”.
Negoziatzen jarraitzeko asmoa erakutsi dute NBEko ordezkariek eta Turkiako presidente Recep Tayyip Erdoganek –ituna sinatzerakoan ezinbesteko bitartekaria izan zen–. Erdoganek azaldu duenez, uste du Errusiako presidente Vladimir Putinek “nahi duela” Itsaso Beltzeko hitzarmenak jarraitzea. Adierazpen horien ondotik, ordea, Errusiako Tass agentziak jakinarazi du NBEko ordezkari errusiar batek argitu duela erabakia behin betikoa dela eta ez dutela negoziatzen jarraituko, elDiario.es-ek jaso duenez. Errusiako Kanpo ministro Sergei Lavrov eta Turkiako Hakan Fidan aurrez prest agertu dira eztabaidatzeko, The Guardian-ek jakinarazi duenez.
Ikusteko dago ea Itsaso Beltzeko pasabidea irekiko dieten zereal esportazioei, edo multinazionalen eskuetan dagoen elikagai merkatuan aldaketak eragingo dituen.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]