Zergatik egingo dugu soka-dantza urriaren 12an?
Jose Ignazio Ansorenak azaldua du soka-dantzen esanahia, ARGIAren Mendeurren Festa Nagusirako ezin aproposagoa: “Soka-dantza Erdi Aro amaieran sortu zen, hiribilduen eta jauntxo feudalen arteko erronkan. Eta ‘gu ere bagara zerbait’ adierazten du. Horregatik antolatzen da soka bat herriko jendearen artean eta kolektibitatearen ikurra da. Plazan, herriaren agertokian, plantatzen da soka eta jabe egiten dira, ‘hau gure lekua da’ adieraziz.
Urriaren 12an Donostian egingo du ARGIAk bere Mendeurren Festa Nagusia. Gorputzak plazara atera eta dantzaren bidez egingo du ekitaldi solemneena: soka-dantza. 13:00ean, Plaza Berrian.
Soka-dantzan sinbolismoz betetako hainbat osagarri daudela azaldua du Ansorenak, Itsaso Zubiriak ARGIAn idatzitako artikuluan: "Aurreskua, alegia, alde baterantz tira egiten duen buruzagia; baina badu kontrako buruzagia, gizarte guztietan egoten den bezala, atzeskua; eta tentsio horretan dantzan hasten dira, aurreskua eta atzeskua beren erakustaldietan”. Bi dantzari bikain, Amaiur Luluaga eta Aiert Beobide izango dira aurresku eta atzesku, ARGIAren Mendeurreneko soka-dantzan. “Jarraian, zubia egiten dute, adieraziz, elkarrekin bizitzeko denok behar dugula gutxieneko arauei men egin, eta zubipetik pasatzen dira sokan dauden herritar guztiak".
ARGIA komunitatea dantzara
Zubien ostean badago beste zati bat, "axeri dantza" edo "banangoa" deitzen zaiona, herritar denek egiten dutena, txandaka. Hain justu “banango” edo “axeri dantza” zati hori dantzatuko dugu txandaka eta taldetxotan nahi dugun guztiok. Urratsak ikasteko, hemen tutoriala:
Urratsak ikasita edo dantza ikustera, goazen urriaren 12an 13:00ean Donostiako Trinitate plazara. Mundua eta mendea dantzan jarriko bagenitu?
2019a urte berezia izan da ARGIArentzat, esku artean duzun ale hau ere bada horren adibide. Ehun urte betetzea ez baita lorpen makala, are gehiago euskarazko hedabide txiki batentzat. Ospakizunek forma ezberdinak hartu dituzte urte oso honetan zehar eta, nola ez, landa eremuko... [+]
Duzunaritzeko kultura ezagutzeko aukera izan dugu 111 hostoz eta orriz jantzi liburuaren aurkezpen egunean. Argiak mendea bete duen ospakizun saila borobiltzeko egun gustagarria. Ehun urtetako kazetaritza goratzeko nekazaritzaren alorrean oinetakoak zikinduz ibiltzea baino bide... [+]
Urte biribil honek opari bana egin digu Argia Jendeari, Euskal Herriari eta komunikazio proiektuari. Zabalduko ditugu?
