Zerga-iruzur karguak ukatu ditu Victor Bravo senatari jeltzale ohiak epaiketako lehen saioan
Victor Bravo senatari jeltzale ohia bere burua defendatzen ari da zerga-iruzurra egozten zaion epaiketan. Lehen saio honetan, Bravok ukatu egin du Gipuzkoako Ogasunari iruzur egin ziola.
Ogasun publikoaren aurkako delituak egozten zaizkio EAJko senatari ohiari. Bravo Gipuzkoako Ogasunaren zuzendaria izan zen 1991 eta 2003 artean, eta egozten zaizkion hiru delituak Kataluniako etxebizitza-enpresa baten bidez egin zituela uste da. Zehazki 2003 eta 2006 artean Kataluniako enpresa hori, Glass Costa Este Salou, Gipuzkoara ekartzea egozten zaio, bertako zerga-abantailez aprobetxatzeko, nahiz eta enpresa horrek jardunik ez izan bertan. Fiskaltzaren arabera, iruzurren bitartez enpresak irabaziengatik %1eko zergak ordaindu zituen, legez ordaindu beharreko %28aren ordez.
Bravok epailearen aurrean esan du enpresa horretan hartu diren erabakiez ez dakiela ezer, ardurarik eskatzen zuen kargurik ez zuela eta enpresaren %6,66 bakarrik zegoela bere esku. Glass Costa enpresaren egoitza fiskala Gipuzkoan ezartzeko prozedura guztia legezkoa izan zela ere defendatu du, enpresaren zuzendaritza praktikan Gipuzkoan zegoela ziurtatuz. Aldi berean, enpresaren administrazio kontseiluak hartutako erabakietan ez zuela parte hartzerik izan esan du.
Irailaren 18 eta 19an egingo diren epai-saioetan, Victor Bravok eta Fernando Isidoro Gonzalez bazkideak 1,8 milioiko iruzurra egin zutela frogatzen saiatuko da Donostiako lehen Epaitegi Penala. Gonzalezek Bravoren etxean helbideratu zuen bere bizitokia. Akusazioek biei egozten diete helbideratzea “itxurazkoa” izatea, Glass Costa enpresa Gipuzkoan ezartzeko baldintzak betetzeko asmo hutsarekin. Bravok adierazi du bigarren auzipetua etxean hartu zuela “lagun minak” zirelako.
Iruzurraren tamainaz kalkulu ezberdinak egin dituzte Fiskaltzak eta Espainiako Estatuko Abokatutzak; hori dela eta, kartzela-zigor eskaera ezberdina egiten du batak eta besteak: Fiskaltzak sei urteko kartzela zigorra eskatzen dio bakoitzari, eta Estatuko Abokatutzak, berriz, bederatzi urtekoa.
Estrategia judiziala
EAJko senatari ohiaren estrategia egozten zaizkion delitu guztiak ukatzea da, hark enpresan zuen influentzia “oso urria” zela argudiatuz. Horrez gain, enpresak “legeak eskatzen dituen betebeharrak” betetzen zituela baieztatu du Bravok, hau da, egoitza fiskala eta administratzaileen bizilekua Euskal Autonomia Erkidegoan zeudela.
Aurreikustekoa da ministerio publikoak argudio horren aurrean gogora ekarri nahi izango duela Bravok Gipuzkoako Ogasunean zer nolako ardurak izan zituen eta kargu horretan zebilenean Glass Costa Este Salou enpresari erregimen berezia eman zitzaiola. Azkeneko horren berririk ez zuela esan du dagoeneko Bravok epailearen aurrean.
Akusatutako senatari ohia abokatua da ofizioz, eta bere burua defendatzea erabaki du; beraz, akusatuaren eserlekutik hitz egin beharrean, defentsaren aulkitik hitz egingo du epaiketak irauten duen bitartean.
Mundakako alkatea Mikel Bilbao zen gertaerak deskribatzen diren garaian, 2019 eta 2020an, eta EAJko herriko Uri Buru Batzarrak presioa egin zion aurreko udalak kontratatutako zerbitzu juridikoak berriz kontratatzeko. Udaleko idazkariak kontratazio horren aurkako txostena egin... [+]
904.000 milioi euro. Hori da ustelkeriaren kostua urtean Europar Batasunean, 2020an egindako ikerketa baten arabera. 2008. eta 2020. urteen artean 3.743 ustelkeria kasu plazaratu ziren komunikabideetan Espainiako Estatuan, horietatik 109 Hego Euskal Herriari zegozkien. Atzera... [+]
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Eusko Jaurlaritzako Ingurumen sailak ez zuen Artaxoara eramandako hondakinen karakterizazioari buruzko informaziorik; hala dio Eusko Legebiltzarrera igorritako dokumentazioan. Gipuzkoako erraustegia kudeatzen duen Ekondakinek lixibiatuak bidaltzen jarraitu zuen, Ecofert enpresak... [+]
Ustelkeriaren kontrako Espainiako Estatuko fiskalak berretsi du Iberdrolak argindarraren prezioa manipulatu zuela 2013an, eta urtegietatik ura kentzen aritu zela frogatutzat eman du, konpainia elektrikoaren kontra egiten ari diren epaiketan.
“Interes aurkakotasuna” leporatua zaiola astelehenean ireki da Frantziako Justizia ministroaren aurkako auzia Parisen. Bi astez iraun beharko luke epaiketak.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Laguntza publikoak eta afiliatuen kuotak gordetzen zituen kontu korronte batetik lapurtu zuten dirua goi-kargudunek. 2019 eta 2021 artean, 114.175 euro banatu zituztela uste da.
Zortzi urteren ondoren, Bidegi auzia osatzen duten piezetako bat, Gipuzkoako Aldundiak bere garaian jarritako azken kereila, artxibatu egin du Azpeitiko auzitegiko magistratuak. Bere esanetan kereilaren txostena "akatsez betea dago". EH Bilduren ustez "itxiera... [+]
Bernardo Arevaloren alderdiak hauteskundeak irabazi ondoren Hauteskunde Auzitegi Gorenak behin-behinean legez kanpo utzi du, 2017an ustez sinadura faltsuak biltzeagatik.
Bernardo Arévalo de Leónen alderdiak botoen %58 lortu du, eta Sandra Torres eskuindarra gainditu du. Jazarpen politikoaren gainetik lortu dute irabaztea progresistek.
Larramendiko Arnasa plataforma ekologistak salatu zuen Amaia Barredo jeltzalea, hondakinak errausteko proiektu bat Bergarako Udalaren irizpidearen aurka baimentzeagatik.
.jpg)
Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.
Solway Investment Group batez ere nikela esplotatzen duen eta Suitzan egoitza duen meatzaritza multinazional pribatua da, munduko garrantzitsuenetakoa sektorean. Webgunean adierazten duenez, Guatemalan, Ukrainan, Mazedonian eta Indonesian ditu proiektuak, eta 2021ean 1.450... [+]