Zerbitzu publikoko langile azpikontratatuek ez dute euskaraz jakin behar Euskadiko Auzitegi Nagusiaren arabera
Barakaldoko Udalak azpikontratatu egiten du Gizarte Etxetako zerbitzua, eta 2021ean, 26 langileri eskatu zien euskarazko B2 edo C1 mailaren ezagutza. Vocento taldeak jakinarazi duenez, CCOO sindikatuak helegitea jarri zuen udalaren aurka, eta orain heldu da Euskadiko Auzitegi Nagusiaren sententzia.
Barakaldon, hainbat kultur-egitasmo martxan jarri eta Gizarte Etxeak koordinatu eta kudeatzeko ardura zuten 26 langile subrogatuk. Herritarrekin harreman zuzena izango zutenez, euskara maila egiaztatua izatea eskatu zien udalak, eta Vocento taldeak zabaldu duenez, lehendik subrogaturik egonagatik ere, 2021ean estreinakoz eskatu zitzaien euskarazko 2. edo 3. perfila aitortua izatea –bigarrena administrari eta mantenu-langileen kasuan, eta hirugarrena teknikariek–. Lanpostua eskuratzeko “ezinbesteko baldintza” izatea “bidegabea” dela dio Euskadiko Auzitegi Nagusiak, ez direlako langile publikoak eta gainera, langile guztiek ez baitute “harreman zuzenik” herritarrekin. Barakaldoko Udalak bi urteko epea ematen zien behin lanean hasi eta titulua eskuratzeko.
Kontseilua: "Gure eskubideak erdigunean jartzea eskatzen dugu"
Botere judizialaren "beste eraso baten" aurrean gaudela salatu du sare sozialetan Euskalgintzaren Kontseiluak, azpimarratuz, EAEko Auzitegi Nagusiaren sententziak herritarren oinarrizko eskubideak urratzen dituela, "zerbitzua euskaraz jasotzea oztopatzen" delako.
Botere judizialaren oldarraldia izan zuen hizketagaietako bat Idurre Eskisabel idazkari nagusiak ARGIArekin eginiko elkarrizketan.
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
Gipuzkoako Foru Aldundiaren Uliazpi Fundazioan 34 zaintzaile plaza betetzeko oposizioetan euskara eskatzea zilegi zela eta ez zela diskriminatzailea ebatzi zuen iaz Donostiako epaitegiak. Orain ebazpen hori bertan behera utzi du EAEko Auzitegi Nagusiak, langile publiko hauei... [+]
Ana María Martínez epaileak irailean ebatzi zuen udaltzainek ez dutela zertan B2 euskara maila ziurtatu; orain epaia berretsi eta bi hilabeteko epea eman du berriro onartzeko hizkuntza eskakizunagatik 2021ean Arkautiko lan poltsatik kanpo gelditu zirenak. Irailean... [+]