Sektore publikoko grebak jarraipen “oso zabala” izan du sindikatuen arabera
Hiriburuetako manifestazioetan 30.000 langilek baino gehiagok hartu dute parte, antolatzaileen esanetan. Eusko Jaurlaritzak adierazi du, ordea, grebak izandako parte hartzea "apala" izan dela.
ELA, LAB, CCOO, SATSE, ESK eta Steilasek deitutako bi greba egunetan lehenengoa izan da atzokoa. Langile publiko guztiak zeuden deituta: Eusko Jaurlaritzakoak, aldundietakoak, udaletakoak eta Espainiako Estatukoak, 152.000 langile guztira. Sindikatuek adierazi dutenez, parte hartze “oso zabala” izan dute mobilizazioek eta “gustora" daude "langileek lanuzteei emandako erantzunarekin”. Eusko Jaurlaritzak aditzera eman dituen datuak, ordea, ez datoz bat sindikatuekin, eta grebaren jarraipena “apala” izan zela azpimarratu du Jon Agirre Eusko Jaurlaritzako Lan Harremanen zuzendariak.
Zerbitzu publikoak indartzeko, soldata eta enplegua hemen adostu! lelopean atera dira kalera milaka langile, eta soldatak zein lan baldintzak “hemen” adostu ahal izatea eskatu dute. Sindikatuen arabera, deitutako mobilizazioetan 30.000 langile baino gehiagok hartu dute parte: Donostian 10.000, Gasteizen 6.000 eta Bilbon 15.000 baino gehiago. “Zerbitzu publikoak indartu”, “Hemen lan egin, hemen erabaki” eta “Borroka da bide bakarra” bezalako oihuak entzun dira hiriburuetako karrikaketan.
Eskakizun zehatzak
Bestelako eskari batzuk ere mahaigaineratu dituzte sindikatuek: Espainiako Gobernuak eragin duenez azken hamarkadan langile publikoek erosteko ahalmena %20 galtzea, erabakitzeko ahalmen hori berreskuratzea eta soldatak %10 igotzea; sektore publikoko lanpostuetan dagoen behin behinekotasun tasa egungo %49tik %8ra jaistea; zerbitzu publikoak pribatizatzeko joera amaitzea eta sektorea euskalduntzea, besteak beste.
Iñigo Urkullu Eusko Jaurlaritzako lehendakariak, sindikatuei erantzunez adierazi du baliabideak mugatuak izateaz gain, “eskaera guzti horiek betetzea" ez dagoela "Jaurlaritzaren esku". Agirrek berriz, eskatu die “jarrera maximalistak” alde batera utzi eta Mahai Orokorrean eta sektorekako mahai zein foroetan “negoziatzen jarraitzea",
Jarraipena, datuetan
Sindikatuek berretsi dute grebaren parte hartzea “arrakastatsua” izan dela sektore gehientsuenetan. Komunikabide eta garraio publikoari dagokionez, greba “ia erabatekoa” izan dela esan dute eta gainontzeko sektoreetan, izan hezkuntzan, udal eta aldundietan, Osakidetzan, Administrazio Orokorrean eta Justizia administrazioan, “jarraipen zabala” izan duela.
Eusko Jaurlaritzak, ordea, grebaren parte hartzea “apala” izan dela adierazi du, sektore ezberdinetako datu zehatzak emanez: Administrazio Orokorrean %12,03; Hezkuntzan %41,4; Osakidetzan %5,9 eta Segurtasunean %3,42.
Gehiengo sindikalak grebara deitu ditu Sektore Publikoko langileak hurrengo abenduaren 19an.
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Sindikatu deitzaileen arabera, ikasturte honetan Araba, Bizkaia eta Gipuzkoako sektore publikoan antolaturiko greben artean jendetsuena izan da asteartekoa, eta batez ere garraio publikoan, hezkuntzan eta udal esparruan izan du eragin handiena. Manifestazioetan 30.000 lagunek... [+]
Otsaila da iaz ekoiztutako pelikula uzten sari banaketaren hilabetea. Zinemara joateko aitzakiarekin, arkitektura eta hiria oinarri dituen Wim Wenders-en Perfect Days ekarri nahi dut hizketaldira.
Pelikularen sinopsi zabalduan irakurri daiteke komun publikoetan garatzen dela... [+]
Igande iluntzean bozkatu dute TUVISAko langileek udalaren azen eskaintza onartu edo ez. Eskaintza ez onartu eta grebari eustearen alde bozkatu du gehiengoak, baina, enpresa batzordearen lehendakariak azaldu duenez, “grebarekin jarraitzeko beharrezko portzentajera ez... [+]
Hirugarrenez hilabete gutxitan grebara joko dute sektore publikoko langileek lan baldintzak negoziatzeko "borondate politikorik ez dagoela" salatzeko. Martxoaren 12rako deitu dute lanuztea ELA, LAB, CCOO, Steilas eta ESK sindikatuek. Oraingoan Satse sindikatua ez da... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Pediatrarik gabe lau hilabete daramatza Gasteizko Alde Zaharra eta Errota auzoetako Osasun Zentroak. Gabeziak eta arazoak aspaldi hasi ziren, ordea. Maite Fernández de Labastida Amurrio Alde Zaharreko bizilaguna da, eta apirilean hiru urte beteko dituen Harkaitzen ama... [+]
22.051 herritarrei ematen die arreta osasun zentroak. Berez bi pediatra ditu zentroak, baina 2021etik bakarra dago lanean. Irailean hartu du baja bakar horrek, ez dago ordezkorik aurreikusia, eta egoera asko luzatu daiteke. Arabak dituen 43 pediatra plazetatik hamar bete gabe... [+]
David Hernandez laudioarraren heriotzak bultzatuta, milaka lagun atera dira ostiralean kalera ozen salatzeko osasun sistema publikoan egindako murrizketek "bizitzak jokoan" jartzen dituztela. JEZeko enpresa batzordeak eta SOS Aiaraldea plataformak deituta, azken... [+]
Araba, Bizkaia eta Gipuzkoako sektore publikoan bigarren greba eguna da gaurkoa, urriaren 25ekoaz geroztik. ELA, LAB, CCOO, Steilas, SATSE eta ESK sindikatuek sektore publikoko 150.000 langile deitu dituzte kalera ateratzera, eta eguerdiko manifestazioetan 27.000 langile inguru... [+]