Zer egin Desokupako “nazi-morroi” batek etxetik bota nahi bazaitu?
Desokupa enpresak datorren astean Bilbon desalojo bat egingo duela iragarri ostean, hainbat herri mugimenduk ultrei aurre egiteko gomendioak zabaldu dituzte.
Eskuin muturrarekin lotura duen eta “legez kanpo okupatuta dauden etxebizitzen etxegabetzeaz” arduratzen den enpresa da Desokupa. Bortxaz eta legearen mugetan jarduten direla salatu zuen Abadiñoko Gazte Asanbladak, apirilaren 18an Abadiñon gauzatutako hustearen ostean.
Duela gutxi Bilbon ere esku hartuko dutela jakinarazi zuen enpresako buru Daniel Estevek eta hainbat herri mugimendu eta auzokidek alerta antifaxistara deitu dute. Desokupa enpresari aurre egiteko autodefentsarako gida bat kaleratu dute: Zer egin nazi-morroiak zu eta lagunak indarrez ateratzeko asmoarekin etxean agertzen badira? Ondorengo zazpi puntutan jaso dituzte gomendioak:
1. Aurrea hartu. Hitz egin auzokide eta lagunekin eta kidetasun taldeak sortu, elkar nola zaindu pentsatzeko.
2. Ez ireki: Ez ireki atea eta ez sintesi ezer ez. Enpresa pribatua da eta ez daukate agiri legalik etxeetan sartzeko.
3. Ez hitz egin haiekin inola ere ez. Iruzurtiak dira. Zugan zalantza sortzen saiatuko dira. Gogoratu esaten duten guztia zure kontra erabiliko dutela.
4. Haiekin hitz egin behar baduzue, ondorengoa soilik esateko izan dadila: “Ezin zarete sartu, Poliziari deitu diot, nire abokatua bidean da, ezin zarete sartu". Oldartzen badira, behin eta berriz errepikatu, baina haiekin hitz egin gabe.
5.Grabatu. Eskatu lagunei eta auzokideei kanpotik grabatzeko. Argi gera dadila grabazioetan, ez dutela etxera sartzeko baimenik.
6. Zabaldu. Erabili eskura dituzun tresna guztiak ezagunek eta lagunek zer gertatzen ari den jakin dezaten eta bertara hurbil daitezen. Ez zaude bakarrik.
7. Deitu. Deitu Poliziari, jasota gera dadila inolako agindu legalik gabe etxetik kanporatzeko indarkeria erabiltzen ari direla. Ertzaintza eta udaltzainak egon daitezela Erkoreka Segurtasun Sailburuak dioen moduan, "Euskal Polizia naziekin elkarlanean ez dabilela" ziurtatzeko.
Alerta, Alerta Antifaxista ! #Bilbao
Nazi-faxista ezagun batzuek datorren astean Bilbora etorriko direla helarazi zutenez, Herri Antifaxista auto-antolatu da eta autodefentsarako aholku batzuk argitaratu ditu. https://t.co/3GnLO9epYg
— Sare Antifaxista (@Antifaxismoa) May 7, 2021
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Larunbatean pertsona talde batek Tolosaldeako Kontseilu Sozialistako kide bati eraso egin ziola salatu dute. Azaldu dutenez, "faxistei aurre" egin zien propaganda jartzen ari zirela, eta piperbeltz espraiarekin zipriztindu zuten.
Larunbatean hamarnaka milaka herritar manifestatu dira Berlinen eta Alemania osoan. Otsailaren 23ko hauteskunde orokorren atarian, gainontzeko alderdiei eta bereziki CDU alderdi kontserbadoreari exijitu diete AfD eskuin muturreko alderdiarekin harreman oro eteteko.
Vox alderdi faxistak Iruñeko Arrotxapea auzoan "informazio-mahai" bat jartzeko asmoa iragarri zuen, eta "kaleetan faxistarik nahi ez duen" langile-auzo anitz baten gaitzespenarekin egin dute topo. Berriozarren ere izan dira VOXekoak, eta bertan ere... [+]
‘Gerraren eta faxismoaren aurka’ lelopean manifestazioa antolatu du Gazte Koordinadora Sozialistak larunbatean Iruñean eta Bilbon.
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Duela bost urte Bilboko Atxuri auzoan Voxen diskurtsoaren aurka mobilizatu ziren bederatzi gazte epaituko dituzte. Goizean bildu dira Bilboko Probintzia Auzitegiaren aurrean zenbait kide, akusatuen absoluzioa eskatzeko eta faxismoaren gorakada salatzeko.
Hainbat eragile antifaxista eta antirrazistak antolatuta, Lo que no te cuentan de Donosti (LQNTCDD) taldearen kontrako elkarretaratzea antolatu dute, datorren astelehenean 20:00etan, Amarako Easo plazan. Telegram kanal horretatik, leku horretan deitua dute asteroko... [+]
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
Bederatzi lagun epaituko dituzte azaroan, Bilboko Atxuri auzoan Voxen aurka protesta egiteagatik. Gorroto-delitua egozten diete “Voxen hauteskunde-ekitaldi bat oztopatzeagatik”. Fiskaltzak zazpi eta hamalau hilabete arteko espetxe zigorrak eskatzen ditu, eskuin... [+]
Azken egun hauetan, "Faxistak kanpora!" lelopean EHUko Zuzenbide fakultatean eramandako borroka antifaxistaz hitz egin dugu anonimotasuna atxiki nahi izan duen ikasle batekin. Sare sozialetan frankismoa goraipatzen eta mezu xenofobo, matxista eta homofoboak zabaltzen... [+]
Orgullo Cazurro talde faxistako kide bati kontra egin zion atxilotuak, eta bideo batean jaso zuen hori. Guardia Zibilak atxiki du berriki, eta badirudi "gorroto-delitu bat" egotzi diola.