Zer baimenduko du hirugarren faseak?
Ez da ordutegirik izango, ezta 70 urtetik gorakoentzat ere. Eguneko udalekuak egin ahal izango dira. Bildu daitekeen jende kopuruak gora egingo du oro har.
Ekainaren 8an aurreikusten da sartuko dela Hego Euskal Herria hirugarren fasean. Larunbatean Estatuko Aldizkari Ofizialak fase horren ezaugarriak argitaratu ditu. Dena dela, erkidegoen esku egongo da ezaugarri horien zehaztapena.
Zaharrak eta gazteak
Ordutegi guztiak desagertuko dira hurrengo fasean, beraz 70 urtetik gorako pertsonek ez dute izango kaleratzeko ordu mugarik. Edonola dela, dekretuak eskatzen du talde zaurgarriekin segurtasun neurriak estu jarraitzea. Haur eta gazteei dagokienez, egun berean hasi eta bukatzen diren jarduerak baimenduko dira espazio itxi zein irekietan. Eguneko udalekuak egin ahal izango dira. Espazio irekiek ohiko edukieraren erdia eta 200 pertsona izango dituzte muga; espazio itxiek edukieraren herena, eta 80 pertsona. Hamarreko taldeak osatu beharko dituzte haurrek, jardueretan horiek mantentzea gomendatuz.
Kaleak eta lokalak
Etxeetan zein kalean elkartu daitekeen jende kopurua hamabostetik hogeira igoko da. Taberna eta jatetxeak edukieraren erdiraino bete ahal izango dira, eta terrazak %75eraino. Tabernetako barrak erabili ahal izango dira bi metroko segurtasun distantzia bermatuta, baina gaueko tabernek eta diskotekek itxita jarraituko dute. Aire zabalean egiten diren jarduera kulturaletarako, musik kontzertuak barne, 800 pertsona izango da muga, edo edukieraren erdia. Museoek, zinemek edo antzokiek edukieraren erdia erabili ahal izango dute.
Hiletak
Espazio itxietan egiten diren hiletetan gehienez ere 25 pertsona batu ahal izango dira, eta 50 espazio irekian egiten badira. Probintzia batetik bestera mugitzeko debekua mantendu egingo da oro har, baina EAEren kasuan unitatea erkidegoa izango da.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.