“Zentsuraren aurrean Gasteizko kaleak okupatzen jarraituko dugu”
Orotara 66 mugimendu sozial eta sindikatuk mezu bateratua bidali dute Gasteizen ostegun goizean. Okupatu Gasteiz Eguna babestu eta 12:30ean abiatuko den manifestazioan parte hartzera deitu dute. “Hemen gauden mugimendu sindikal eta sozialok espazio publikoaren alde borrokatzeko prest gaude, eta zentsuratzaile ororen aurrean tinko mantenduko gara”, adierazi dute Gorka Urtaran buru duen Udalari mezu zuzena bidaliz.
"Pertsona guztion eskubideak defendatzeko kaleak okupatu dituen jende konprometituari esker da halakoa gaur egungo Gasteiz", aldarrikatu dute. "Gure hiriko kaleak feminismoz blaitu ditugu, pertsona pentsiodunen eskubideen alde, hezkuntza publikoaren eta euskararen alde bete ditugun modu berean; frackingaren edo eta arrazakareriaren kontra egiteko elkartu gara, baita martxoaren 3a ahaztua ez izateko ere. Gasteizko hainbat eta hainbat txoko bete ditugu eskubide sozial, politiko edota kulturalen alde", irakurri dute.
Gasteizko katedral berriaren aurrean biltudakoek esan dute ez dutela "inondik inora onartuko" udal gobernuak kaleak okupatzeko duten eskubidea urratzea. "Salatu nahi dugu espazio publikoaren erabilpena debekatzea, zergatik eta Okupatu Gasteiz ekimenaren aldarrikapenak EAJrentzat aproposak ez izateagatik. Adierazpen askatasuna eta espazioen erabilpena ezin dira unean uneko gobernuaren iritziaren menpe egon. Hemen gauden mugimendu sindikal eta sozialok espazio publikoaren alde borrokatzeko prest gaude, eta zentsuratzaile ororen aurrean tinko mantenduko gara”, jakinarazi dute.
Okupatu Gasteiz Eguna Arabako hiriburuko hainbat proiektu autogestionatuk elkarrekin antolatu duten eguna da. Hala Bedi Irratiak 35 urte bete ditu, Gaztetxeak 30, Auzolana Pilotalekuak hamar eta Errekaleor auzoak bost. Duela astebete, publiko egin zuten Gasteizko Udalak hainbat gune erabiltzea debekatu ziela, debekua “zentsura politikotzat” jo zuten, eguneko deialdia mantentzen zutela jakinarazi eta manifestazioa deitu zuten larunbaterako 12:30ean.
“Gaur hemen elkartu garenok gure aldarrikapen eta proposamenak adierazteko erabiltzen ditugu kaleak, eta era berean, defendatu nahi dugu gasteiztar orok bermaturik izan behar duela hiriko espazioak erabiltzeko eskubidea, aldarrikapenekin ados egon ala ez”. Hala eman diote babesa Okupatu Gasteiz Egunari dozenaka eragile soziale eta sindikatuk.
Atxikitu diren eragileak
ADI elkartea, Arabako Gazte Abertzaleak, Arabako Pentsionistak lanean, ARTGIA Espazioa, Asamblea de Mujeres de Álava, Askapena, Asociación de mujeres Wayra, 7. Alaba auzo elkartea (Aranbizkarra-Aranbide-Arantzabela), Betiko Gasteiz auzo elkartea (Ensantxe), Bost Urki auzo elkartea (Lakua Arriaga), Erreka Txiki auzo elkartea (Santa Luzia), Gasteiz Txiki auzo elkartea, Uribe Nogales auzo elkartea (Abetxuko), Errota Zaharra auzo elkartea, Astindu, Berriztu, Bilgune Feminista, CEAR Euskadi, Cocina de Guerrilla Sukaldea, Congreso de los pueblos País Vasco, Armentia ikastolako Zuzendaritza batzordea, Eginaren eginez, Elkartzen, Ernai, ADRA Fundazioa, Gasteizko AEK, Gasteizko Eleak, Gasteizko Txosnak, Gasteizkoak, GES (Gazte Emantzipaziorako Sarea), Goian, Herria 2000 Eliza -Gasteiz, Insola, Judimendiko Gazte Asanblada, Judimendikoak Auzo Elkartea, Kaleratzeak Stop Desahucios Araba, Kimuak, La Gallina Vasca Lumagorri, Martxoak 3 elkartea, Mugarik Gabe, Mujeres en la diversidad, Negeak, Olarizuko Gazte Asanblada, Ongi Etorri Errefuxiatuak, Orbain Kultur Elkartea, Plataforma derechos sociales de Gasteiz (PDS), RASD, Salburua Burdinbide, Salhaketa-Araba, Santo Domingo Bizirik!, Sarburu Kultur Elkartea, Sare Antifaxista, 7 menos 20, Sareak Josten (Red de Asociaciones y ONGs), Arabako Sos Arrazakeria, Sumendi, Trikuharri Gazte Asanblada, Txagoko Jaiak, Yokerandan antzerki taldea, Zizta Euskara taldea eta Zuloa liburutegia.
Ondorengo lau sindikatuek ere aldarrikapena babestu dute: ELA, LAB, ESK eta Steeilas.
Lau zutabe
Lau zutabetan joango dira manifestazioa 12:30ean irtengo den San Anton plazara. Honela egin dituzte deialdiak, guztiak 12:00etan:
Aldabe Gizarte Etxetik: Mugimendu feminista eta presoen eskubideen aldeko mugimendua.
Leizaola plazatik (Santiago ospitale parean): Okupazioaren aldeko mugimendua.
Iparralde Gizarte Etxetik: Pentsionista eta Gazteak.
Kutxi kaleko sarreratik: Ekologistak eta errefuxiatuen eskubideen aldeko mugimendua.
Egitarau oparoa
Kantua eta bideoklipa
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.
Iruñerrian bat egin dute hainbat Gazte Asanbladak, Burlatako Gaztetxearen alde. Etxarriren desalojoa gelditzera deitzeko, bestalde, manifestazio bat antolatu dute Bilbon hilaren 28rako.
Asteburu honetan hasiko da Gaztetxeak Bertsotan egitasmo berria, Itsasun, eta zazpi kanporaketa izango ditu Euskal Herriko ondorengo hauetan: Hernanin, Mutrikun, Altsasun, Bilboko 7katun eta Gasteizen. Iragartzeko dago oraindik finala. Sariketa berezia izango da: 24 gaztez... [+]
Festa egiteko musika eta kontzertu eskaintza ez ezik, erakusketak, hitzaldiak, zine eta antzerki ikuskizunak eta zientoka ekintza kultural antolatu dituzte eragile ugarik Martxoaren 8aren bueltarako. Artikulu honetan, bilduma moduan, zokorrak gisa miatuko ditugu Euskal Herriko... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]