Zentsura mozioa onartuta, UPNk Noain-Elortzibarreko alkatetza galdu du
AINE Noain-Elortzibarreko talde independentea, Harana Gara eta Aldatu Elortzibar egongo dira udalaren agintean, eta azken horretako Luis Mayak hartuko du aginte makila. Martxoaren 31n iragarri zuten mozioa aurkeztuko zutela, UPNren kudeaketaren "noraeza" eta "gardentasun falta" zirela eta.
Asteleheneko osoko bilkuran sinatu dute zentsura mozioa zazpi zinegotziek –hiru Aldatu Elortzibarrekoak, hiru AINE Noaingo Elkarte Independientekoak eta Harana Garako bat–, eta denek bozkatu dute Mayaren alde. UPNk bost ordezkari ditu udal batzarrean, eta azken eserlekua duen PSNko ordezkariak ez du bat egin mozioarekin. Alkatetza partekatua izango du udal gobernu berriak: urtebete barru, Aldatu Elortzibarreko ordezkariak aginte makila Mikel Navarro AINEko bozeramaileari emango dio, eta hark legegintzaldia amaitu arte izango du.
Udalaren agintea hartuko duten hiru taldeek martxoaren 31n iragarri zuten UPNko Sebastián Marco alkatearen aurkako zentsura mozioa aurkeztuko zutela. Egun horretan kaleratutako ohar bateratu batean Noaingo Udal Gobernuari "gehiengo osoz" jardutea leporatu zioten –gutxiengoan gobernatzen zuen astelehenera arte–, eta salatu zuten erabakiak hartzeko unean baztertu egiten zituztela nahiz informazio garrantzitsua ezkutatu zietela. Gainera, Marco buru zuen taldearen "noraeza" eta "gardentasun falta" ere seinalatu zituzten.
"Justifikaziorik gabeko" zentsura mozioa
Marco Noaingo alkate ohiarentzat "ez dute oinarririk" alkatetza kendu dioten hiru taldeek bere aurka aurkeztutako argudioek. Haren esanetan, udalaren azken sei aurrekontuak aurkako botorik gabe onartu dituzte, eta onartu zuten azkena, duela bi hilabete, talde guztiekin negoziatu zen: "Arazorik gabe onartu dira gai gehienak, eta hori da dagoen errealitatea".
Asteleheneko osoko bilkurara UPNko zenbait goi-kargu bertaratu dira: besteak beste, Cristina Ibarrola UPNko presidentea eta Ángel Ansa Nafarroako (Parlamentuko) parlamentaria. Hain zuzen, azken horrek bere sare sozialetan adierazi du "justifikaziorik gabeko" zentsura mozioa dela bere alderdiaren aurkakoa, eta gaitzetsi du sinatzaileak ez direla gai azaltzeko mozioaren zergatiak.
Atxik Berrituz giristino taldeak Kristauak Euskal Herriko bake prozesuan liburua argitaratu du Maiatz argitaletxearekin. Giristinoek euskal bake prozesuan zer nolako engaiamendua ukan duten irakur daiteke, lekukotasunen bidez.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Duela egun batzuk iragarri zuen Puntueu-ek La Ligaren blokeoak euskal domeinuei eragiten dien kaltea monitorizatuko zuela. Asteburu honetan izan dira partiduak, hain zuzen, eta monitorizazioaren datuak hor daude, penagarriak dira.
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Euskal Herriko Kontseilu Sozialistak (EHKS) antolatuta, egun osoko jardunaldia egin dute igandean, Bilboko Campos Eliseos antzokian. Hainbat hitzaldik osatu dute egitaraua, eta jardnualdia amaitzeko Bigarrenez Aresti etorkizunaren aurrean antzezlana estreinatu dute.
Adierazpen askatasuna aldarrikatzeko eta "eskuin erreakzionarioaren ofentsibari aurre egiteko" batuko dira. Egun horretarako Euskal Preso Politikoen alde antolatua zuten hitzaldia eta ekitaldia salatu du UPNk, eta hura zelatatzeko agindu du Espainiako Audientzia... [+]
EAEko udal legearen euskararen arloko zenbait artikuluren aurkako epaia eman zuen Justizia Auzitegi Nagusiak 2023an, eta orain Gorenak berretsi du. Eusko Jaurlaritzak ez du garaiz aurkeztu epaiaren aurka egin zezakeen helegitea.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
Bere burua 2027ko Frantziako Estatuko presidentzialetako garaile gisa irudikatzen duena –Marine Le Pen– gogorki zigortu du Parisko Auzitegi Korrekzionalak, lau urteko kartzela-zigorra, 100.000 euroko isuna eta batez ere, bost urtez aurkezteko debekua bideratuta. Tonu... [+]
Alemanian zentral nuklearren itxierak izan duen “eragin negatiboa” kontuan izateko eskatu dio erakunde horretako buru Fatih Birolek Pedro Sánchezen exekutiboari. Iberdrola, Naturgy eta Endesa multinazional elektrikoak ere presio egiten ari dira itxiera egutegia... [+]