Zentral nuklearren itxiera atzeratzeko PPren ekimena onartu du Espainiako Kongresuak
Junts eta ERC abstenitu egin dira bozketan eta popularrek aurkezturiko ez-legezko proposamena aurrera atera da, PP, Vox eta UPNren botoekin. 2027 eta 2035 urteen artean ixtea aurreikusten diren Espainiako Estatuko zazpi zentral nuklearren bizitza erabilgarria handitzea ekarriko luke.
Nuklearren aldeko ekimena asteazkenean onartu du Espainiako Kongresuak, eta horretarako funtsezkoa izan da Junts eta ERC taldeen abstentzioa. Ez-legezko proposamenak dio Espainiako Estatuan dauden zazpi zentral nuklearren itxiera –tartean Garoñakoa– atzeratu egin beharko litzatekeela, eta horretarako operatzaileei eta merkatu-erakundeei txostenak eskatuko dizkiete.
PPk, Voxek eta UPNk onarturiko testuan dio nuklearrek "funtsezko papera" jokatzen dutela trantsizio energetikoan eta elektrizitatearen prezioen jaitsieran.
PPko diputatu Guillermo Mariscalen esanetan "[zentralak] ixtea erabaki duen herrialde bakarra gara; Exekutiboak ez du ezer proposatu, eta horrek Putinen gatibu bihurtzen gaitu", Errusiako gasari zeharka aipamena eginda. Voxeko parlamentariak, berriz, energia nuklearraren kontrakoak "ekofanatikoak eta psikopatak" direla bota du.
Espainian, oraindik zabalik dauden zentral nuklearrak 2027. eta 2035. urteen artean itxiko direla aurreikusten da, onartuta dauden planen arabera. Baina ekimen honek ibilbide-orri hori hankaz gora jarri dezake orain.
Espainian, oraindik zabalik dauden zentral nuklearrak 2027. eta 2035. urteen artean itxiko direla aurreikusten da, onartuta dauden planen arabera. Baina ekimen honek ibilbide-orri hori hankaz gora jarri dezake orain
Junts izan da bozketan abstenitu den taldeetako bat. Pilar Calvo alderdi horretako parlamentariak Herrialde Katalanek Frantziarekiko edo Aragoirekiko duten energia "menpekotasuna" aipatu du bere botoa argudiatzeko orduan. ERCk, berriz itxiera "inprobisaturik" ez duela nahi adierazi du.
EH Bilduk eta EAJk ekimenaren kontrako botoa eman dute. Azkeneko honen bozeramaile Idoia Sagastizabalek azaldu duenez, PPk, gaindituta dagoen eztabaida bat "berpiztu" baino ez du egin nahi nuklearren gaiarekin. Era berean, teknologia "garbi eta seguruen" aldeko apustua egin beharko litzatekeela ziurtatu du.
Nuklearren lobbyen oldarraldia
Energia krisiarekin batera, energia nuklearraren aldeko jarrerak azaleratzen ari dira han eta hemen, eta, alde horretatik, nuklearren lobbyak lanean ari direla dirudike.
Euskal Herrian, Zedarriak foroak txosten batean "segurtasun eta defentsa industriako" inbertsioek emango duten "aukerez" gain, energia nuklearra bultzatzeko aukera ere eztabaidatu beharraz mintzo da.
Energia krisiarekin batera, energia nuklearraren aldeko jarrerak azaleratzen ari dira han eta hemen, eta, alde horretatik, nuklearren lobbyak lanean ari direla dirudike
Bestalde, Erresuma Batuan, Keir Starmer Lehen ministroak pasa den astean ziurtatu zuen bere gobernuak argi berdea emango diela zentral nuklear txikiak eraikitzeari, "herrialdea lozorrotik esnatzeko". Arrazoi moduan, Starmerrek esan du Adimen Artifizialerako datu zentroentzako energia gehiago beharko dela.
Hain justu, AEBetan Amazon, Microsft eta antzeko big tech gehiago aztertzen ari dira lehendik itxitako zentral nuklearrak berriz zabaltzea euren datu zentro erraldoiak elikatzeko.
Espainiako Estatuko zentral nuklearrak itxi ez daitezen aktoreen presioak gora jarraitzen du. Otsailaren 12an Espainiako Kongresuak itxi beharreko zentral nuklearrak ez ixteko eskatu zion Espainiako Gobernuari, eta orain berdin egin dute Endesak eta Iberdrolak.
1979an istripu nuklear larria gertatu zen Pennsylvaniako (AEB) Three Mile Island zentral nuklearreko unitateetako batean. Bestea, 2019an itxi zutena, berriz jarriko dute martxan, Microsoften adimen artifizialaren energia behar handiak asetzeko.
Nazioarteko Energia Agentziaren esanetan 2025ean inoiz baino energia nuklear gehiago produzituko da munduan. Nuklearren bultzada berri baten aurrean gaude, baina erreaktore eta zentraletan izaten diren “gertakariak” ikustea besterik ez dago hartzen ari garen... [+]
Legebiltzarrak astearte honetan, hilak 21, onartu du erabakia gehiengo handiz: 456 boto alde eta 153 kontra. Horren bidez, eskatu dio Europar Batzordeari prestatzen ari den Isuririk Gabeko Industriaren Europako Legean onar dezala energia nuklearra zero isuri duten energien... [+]
Erradiazio eta segurtasun nuklearreko adituek adierazi dutenez, Fukushima Daiichiko instalazio nuklearretik isurtzen ari diren ur erradioaktiboa ez da mehatxu esanguratsua, ez itsasoko bizidunentzat, ezta pertsonentzat ere. Hala adierazi dute Science aldizkarian argitaratutako... [+]
Hodeia ez da existitzen, beste norbaiten ordenagailua da. Zehatzago esanda, beste norbaiten ordenagailuz betetako pabiloi erraldoiak dira hodeia, eta energia kopuru izugarriak behar dituzte. Microsoftek erreaktore nuklear txikien aldeko apustua egin nahi du energia behar horiek... [+]
Halabeharrez hasi dira agorrilaren 24an Fukushimako zentraleko urak itsasora jaurtikitzen; ur kontaminatuak metatzeko zisternen %97 beteak dituztelako eta etenik gabe gehitzen zaielako ura –egunero 140 tona–. Ur "deskutsatuak" izanik ere, herritarrek... [+]
Japoniako Gobernuaren erabakiak protestak eragin ditu herrialdean, eta besteak beste, Txinak kritikatu egin du erabakia. 2011 urteko istripu nuklearraren ondorioak oraindik pairatzen dira.
Niamey-en eman zuten estatu kolpea, aurreko asteazkenean. Abdourrahmane Tchiani jenerala da kolpea jo duen militar taldearen burua, eta Afrika Mendebaldeko Estatuen Ekonomia Erkidegoak (CEDEAO) aste bat eman diete presidente ohia berriro ezartzeko, eta bestela... [+]
Ekosistema artikoak bereziki hauskorrak dira, bertako tenperatura apalengatik izaki guzien hazkuntza mantsoa baita, eta nahasmendu baten ondotik berrosatzeko denbora luzea behar baita. Halere, ekosistema artikoak bihurtu dira XX. mendeko hainbat jarduera industrialen zabortegi,... [+]
Espainiako Gobernuaren Enresa enpresa publikoaren esku geratu da instalazioaren titulartasuna, eta eraisketa lanetarako guztira 475 milioi euroko gastua aurreikusi dute. 40 urtetako etekinak pribatuak izan eta gastuak publikoak izan direla salatu du Araba Garoña Gabe... [+]
Trantsizio Ekologikorako eta Erronka Demografikorako Ministerioa (MITECO) izan da zental nuklearra eraisteko baimena eman duena. Horri esker, Enresaren enpresa publikoaren esku geratu da instalazioaren titulartasuna.