Zentral eolikoez hitzaldia, erakusketa eta ibilaldi gidatua antolatu ditu Andatza-Ezkeltzu Bizirik! taldeak Zizurkilen
Green Capital enpresak zentral eolikoa eraiki nahi du Andatza-Ezkeltzun eta Eusko Jaurlaritzak "izapidetzen ari diren" proiektuen artean berau dagoela iragarria du. Herritarrak eolikoen gaiaz informatzeko eta izango dituen ondorioez sentsibilizatzeko hiru ekitaldi antolatu ditu Andatza-Ezkeltzu Bizirik! taldeak: lehena apirilaren 20an, Aitziber Saroberen hitzaldia Zizurkilen.
Zizurkilgo etxeetan esku-orria banatu du Andatza-Ezkeltzu Bizirik! taldeak. Bertan dioenez, "Andatza Ezkeltzu Bizirik! energia berriztagarrien alde dago; mendiak eta landa eremua txikituz ez, ordea. Zentral eolikoak proiektu industrialak dira eta beraz, industrialdeetan eta zonalde urbanizatuetan jarri behar dira. Mendiak industrializatu ordez, energia kontsumoa murriztearen alde gaude eta energia berriztagarrien mikroproiektu deszentralizatuen alde".
Aiztondo bailarako herritarrak sentsibilizatzeko hiru ekimen
Bailarako herritarrak zentral eolikoen gaiaz informatzeko, izenburu hau duen hitzaldia antolatu du taldeak: "Eolikoak mendietan, irtenbide edo arazo?". Aitziber Sarobe biologo eta ekologistak emango du hitzaldia apirilaren 20an, ostegunez, 19:00etan Zizurkilgo Plazida Otaño liburutegian. [Sarobek energia berriztagarriei buruzko Larrun-en parte hartua du. Hemen irakurgai].
Andatza-Ezkeltzu zentral eolikoak izango dituen ondorioak azaltzeko, erakusketa antolatu du taldeak: maiatzaren 2tik 13ra egongo da ikusgai Zizurkilgo Plazida Otaño liburutegian. Erakusketa honen irekiera berezia ere prestatu dute: maiatzaren 2an 19:00etan, Aitor Leiza hegaztietan adituak Ezkeltzu inguruan bizi diren interes bereziko hegaztiei buruzko hitzaldia emango du. Izan ere, hegaztiak hiltzea da haize errotek eragiten duten kalteetako bat.
Maiatzaren 13an ibilaldi gidatua egingo dute Ezkeltzu gainera. Elkartzeko bi erreferentzia eman ditu taldeak: 9:30ean Pedro Mari Otaño plazan eta 10:00etan Ezkeltzuko magalean. Goiz-pasa izango den ibilbidean zehar, gai hauetan adituak diren pertsonek bertatik bertara emango dituzte azalpenak: hegazti, landare eta arkeologia. Ezkeltzuko ondarea ezagutzeko balioko du ibilaldiak.
Zer jarriko lukete arriskuan zentral eolikoek Aiztondo bailaran?
Andatza-Ezkeltzu Bizirik! taldeak postontzietan zabaldu duen esku-orrian, zentralak inguruan izango lituzkeen ondorio hauek aipatzen ditu: Batetik, bioaniztasuna: "Milaka hegazti eta intsektu zuzenean hilko dira haize erroten besoak jota. Hauen artean, galtzorian dauden espezie hauek: Miru Gorria, Sai Zuria, Saguzar Sagujale Arrea, Saguzar Belarriluze Grisa eta Ferra-Saguzar Handia... eta ingurua polinizatzen duten erle eta intsektuak".
Bestalde, lur emankorra artifizializatuko dela eta lur mugimenduak egingo dituztela ohartarazi du taldeak, 200 metroko errotak Ezkeltzu gaineraino eraman eta finkatzeko: "Horrek bertako landareengan eta lurreko mikroorganismoetan inpaktua izango du".
Osasuna ere aipatu du taldeak: "Haize errotek sortzen dituzten infrauhinek pertsonon osasunean kaltea larriak eragiten dituzte. Ezkeltzun larretzen diren abereengan ere bai".
Azkenik, bertako ondare historikoa balio handikoa dela oroitarazi dute: "Ezkeltzun 36ko Gerrako ondare arkeologiko oso garrantzitsua dago, besteak beste, Saseta Defentsa Sistema osoan orain arte aurkitu den lubaki emankorrena, gerra-materialetan".
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Klimari buruzko datuak jasotzen dituen Copernicusen arabera, hamahirugarren hilabetez jarraian errekorra hautsi da aurtengo ekainean. Parisko Akordioan hitzartutako 1,5ºC-en helburua ez da bete eta egoera aldatzen ez bada, errekor negatibo berriak izango direla aurreikus... [+]
Toki-administrazioek zalantzan jarri dute ingurumen-inpaktuaren azterketa, eta ohartarazi dute ingurumenean eragin larria izango duela eta baterako azterketa egin beharko dela etorkizuneko proiektuetarako.
Zigoitian 100 hektareako parke fotovoltaikoa eraiki nahi du Solariak, eta eskualdea gurutzatuko luke oso goi tentsioko linea batek ere. Urkabustaiz, Zigoitia eta Zuiako bizilagunek herritarren 5.540 helegite aurkeztu dituzte ingurua “mehatxatzen duten proiektuak gelditzeko... [+]
Ostiral arratsaldean deportatu behar zuten, baina hegaldiaren komandanteak ez zuen sahararraren bidaia ahalbidetu, hegaldia segurua ez zela izango argudiatu zuelako, EFEk jaso duenez. Bilboko Guardia Epaitegiak larunbat goizaldean gaztearen “askatasun-gabezia... [+]
Erleek jaiotzetik hil arte duten joera bat da garbitzeko gaitasuna. Jaio bezain laster hasten da bera jaio den abaraska garbitzen, puskatu dituen argizari zatiak erlauntzatik kaleratzen.
2022an Nafarroako Liburutegien Sareak martxan jarritako proiektu berezia da hazien liburutegia. Clara Flamarique Goñi da Nafarroako Gobernuaren liburutegi zerbitzuko proiektuen arduraduna, eta honela gogoratu ditu hastapenak: “Zaragozako liburutegian martxan zuten... [+]
Ur azaletik gertu dabiltza arrainak igerian. Zerbait uretarantz gerturatzen ari da, hegan: arrano bat dator, bere atzaparrak aurrerantz luzatuta eta zaplast! Uretan sartu da, bete betean. Arraina harrapatu ostean burua uretatik atera du arranoak, baina arrainak hondorantz egiten... [+]
Galdera hau jaso berria dut Bizi Baratzeako postontzian: "Gaia San Joan bezperako familia afarian atera huen, Unanue sagardotegian, Azpeitian. Seguran Santa Engrazia egunean erein behar ditugun haziak bedeinkatzen dira. Erein beharreko hazi guztiak eramatea komeni al da?,... [+]
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Adimen artifiziala denen eskueran jartzearekin, multinazional teknologikoek cloud datu zentro erraldoiak eraikitzeko planak ugaritu dituzte. Ekipamendu informatikoz betetako mega-fabrikon aztarna ekologikoa ikaragarria da: elektrizitateaz gain, milioika litro ur behar dute euren... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
Gizona Marokotik zetorren hegaldi batetik iritsi zen eta asiloa eskatu zuen, jazarritako ekintzaile politikoa zelako. Ukatu egin zioten eta gaur deportatu behar zuten, baina atzeratu egin dute. Abokatuek Auzitegi Nazionalaren aurrean aurkezturiko “erreguzko... [+]
Erakunde ekologistatik kezkatuta ikusten dute Barakaldo eta Erandio arteko zubia eraikitzeko itsasadarraren hondoko 87.000 metro kubiko; dragatzearen iragarpena. Diru publikoaren xahutzea, arduragabekeria eta agintarien planifikazio falta salatu ditu, baita obrak... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]