Zenbat minbizi eragotzi litezke erabaki politikoekin?
Otsailaren 4an Minbiziaren Kontrako Nazioarteko Eguna da eta horrekin bat eginez atzo txosten bat argitaratu zuen Nazio Batuen Erakundeko Minbizia Ikertzeko Nazioarteko Agentziak.
Mundu osoko 250 ikertzaile baino gehiagok parte hartu dute txostenean eta minbizi kasuak abiadura kezkagarrian handitzen ari direla azpimarratzen dute.
Nabarmendu dutenez, bi hamarkadako epean diagnostikatutako minbizi kasuak urteko 22 milioira ailegatuko dira munduan. Horregatik, diagnostiko goiztiarren beharra azpimarratu dute atzo Londresen aurkeztutako dokumentuan.
Gaur egungo kasuen %60 baino gehiago Afrikan, Asian, Ertamerikan eta Hego Amerikan gertatzen dira, eta gaitz horrengatiko mundu osoko heriotzen %70 baino gehiago kontinente horietan batzen dira.
Diagnostiko goiztiarren faltak eta tratamendu desberdinetara iristeko arazoek egoera okertu egiten dute. Horregatik, garapen bidean diren herrialdeetan diagnostiko goiztiarrak egiteko baliabideak eta minbizia gainditzeko beharrezkoak diren tratamenduak edukitzeko erraztasunak egongo balira kasu asko saihestuko liratekeela nabarmendu zuten bertaratutako mediku eta ikertzaileek: “Diagnostiko goiztiarrak behar dira desesperatuki”.
Dokumentua mundu osoko politikariei minbiziaren aurkako neurri egokiak hartzeko lagungarria da eta minbiziaren aurkako kompromisoa hartu behar dutela adierazi zuten ikertzaileek: “Gobernuek kompromiso politikoa erakutsi beharko lukete teknologia handiko azterketa goiztiarren inplementazioa modu progresiboan handitzeko”.
Gainera, gaixotasuna saihesteko neurriak sustatzeko beharra adierazi zuten, hala nola ariketa fisikoa areagotzea eta obesitatea gutxiagotzea.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Kirol ugari egin ditu Mercedes Ortega Barrenak (Bilbo, 1967); hala nola atletismoa, paddel surfa eta orain arrauna. Hondarribiko HS2 Surf Center eskolako Dragon Boat taldeko kidea da. Batik bat minbizia duten edo izan duten emakumez osaturiko taldea da. Barrenak nabarmendu du... [+]
Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]
“Minbizia. Mediku bat zuri begira hitz hori ahoskatzen entzuten duzunean amildegi bat zabaltzen zaizu erraietan. Aldakek dar-dar eta aldaketarako indar falta”. Izan Iñurri elkarteko kideak horrelaxe hasten dira definitzen gero eta ohikoagoa den gaixotasunak... [+]
Urtarriletik hona ia 13.500 pertsonek egin dute proba Nafarroan, eta proba egin dutenen %95ak etxean egin du.
“Txorakeria dirudi, baina onkologoaren kontsultatik hurrengo hitzordua finkaturik ateratzeak balio du lo lasai egiteko”, adierazi dute erabiltzaileek, eta berdin tratamenduaren plangintza zehaztuta dagoela jakiteak. “Inprobisatu egiten denaren sentsazioa ematen... [+]