Zeintzuk izan dira NBEaren Segurtasun Kontseiluko bilkuraren gakoak?
Butxako ustezko gerra krimenak izan dira gaurko NBEaren Segurtasun Kontseiluaren bilkurako gai nagusia; Zelenskik bere funtzio nagusia ez betetzea egotzi dio kontseiluari berari.
Gaur arratsaldean Segurtasun Kontseiluko behin-betiko herrialdeak (Txina, AEBak, Frantzia, Erresuma Batua eta Errusia) eta gonbidatutako herrialdeak elkartu dira NBEaren egoitzan, eta Ukrainako inbasioa izan da landu duten gai bakarra.
NBEko idazkari nagusiak, Antonio Guterresek, adierazi du Ukrainako gatazkaren ondorioz mila milioi pertsona baino gehiago zahurgarri daudela munduan. Bestalde, gatazka hau "zentzurik gabeko biktimak" uzten ari dela azpimarratu du. Butxako ustezko gerra krimenen inguruan, irudi horiek "inoiz ahaztuko ez" dituela esan du.
Zelenski, nazioarteko egiturekiko kritiko
NBEko Segurtasun Kontseiluaren azken bilkura honetan, Zelenskik gogor jo du nazioarteko komunitatearen eta egituren aurka: "Zer egiten du Segurtasun Kontseiluak? Non dago? Garbi dago bakea bermatzeko nazioarteko egitura nagusiak ezin duela eraginkortasunez jardun. Munduak ikusi du zer egin duten indar errusiarrek Butxan, baina oraindik ez dute ikusi zer egin duten beste hiri batzuetan".
Bestalde, Zelenskik adierazi du Butxan egon dela, errusiarrek ustez egindako krimenak egiaztatzen, eta adierazi du herri gehiagotan antzeko gauzak egin dituztela. Ukrainako presidentearen esanetan, Butxan bakarrik torturatutako edo hildako 300 pertsona aurkitu dituzte, eta Kiev inguruko herrietan guztira 410 pertsonen gorpuak aurkitu dituztela gehitu du.
Errusia Segurtasun Kontseiluko behin-betiko kidea izatea eta beto eskubidea izatea ere kritikatu du Zelenskik; azpimarratu du posizio horrek inpunitatez jarduten jarraitzen uzten diola Errusiari: "Uste duzue nazioarteko eskubideak jada ez duela zentzurik? Zuen erantzuna ezezkoa bada, egin zerbait berehala". Honen harira, AEBetako ordezkariak adierazi du Errusiak NBEko Giza Eskubideen Kontseilutik kanporatua izan behar duela.
NBEaren sistema guztiz aldatu behar dela ere adierazi du Zelenskik: "Garrantzitsuena NBEaren sistema aldatzea da orain. Kieven nazioarteko konferentzia bat antolatzea proposatzen dut, nazioarteko segurtasunaren sistemaren erreforma baten inguruan eztabaidatzeko". Gai honen inguruan, gehitu du bakea ezin bada bermatu, NBEaren disoluzioa izango litzatekeela azken aukera.
Errusia: "Butxakoa muntaia da"
Butxako ustezko gerra krimenek nazioarteko hedabideen atentzioa hartu eta berehala, Errusiak adierazi zuen muntaia dela, eta jarrera berarekin erantzun dute gaur Segurtasun Kontseiluan. Vasili Nebenziak, Errusiako ordezkariak, adierazi du Ukrainako eta mendebaldeko hedabideek Butxako ustezko sarraskien inguruan aurkeztu dituzten frogak koherentzia gabekoak direla, eta ondorengoa gehitu du: "Zuek ikusi nahi zenutena bakarrik erakutsi dizuete".
Mendebaldeko herrialdeei buruz, ondorengoa adierazi du Nebenziak: "Mendebaldeko herrialdeei ez zaie Ukraina inporta, Errusiarekiko borrokan duten beste peoi bat besterik ez da. Gatazka luzatzea bakarrik interesatzen zaie".
Butxako ustezko krimenak muntaia direla esateaz gain, adierazi du "Ukrainako neonaziek egindako hainbat krimenen inguruan" testigantzak emateko jende asko dutela: "Errusiako militarren inguruan gezur asko entzun ditugu gaur berriro ere. Ukrainako indarren basakeria demostratzen duten bideo eta argazki mordoa ditugu. Ukrainako neonaziek eta erradikalek zibilak giza-ezkutu gisa erabiltzen dituzte. Artilleria pisutsua gordetzen dute azpiegitura zibiletatik gertu".
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]