Zazpi sexu-eraso egitea egotzita atxilotu dute gizon bat Iruñean
Urrian salatu zuten lehen aldiz, eta geroztik beste sei aldiz salatu dute. Epailearen esku utzi dute asteburuan. Iruñean indarkeria matxista jasan duten emakumeak artatzeko zentro bat irekiko dute azaroan.
20 urteko gizonezko bat atxilotu dute Iruñean ostiralean, zazpi sexu eraso egitea leporatuta. Urrian jarri zuten lehen aldiz bere aurkako salaketa Iruñeko Udaltzaingoan, eta geroztik beste sei salaketa ere aurkeztu dituzte, guztietan antzeko jokabideak deskribatuz. Biktimek diotenez, erasotzailea bizikletan ibiltzen zen, eta emakumeei hitz lizunak esan eta ukituak egiten zizkien. Epailearen esku utzi dute asteburuan.
Indarkeria matxistaren biktimentzat zentroa
Nafarroan indarkeria matxista jasan duten emakumeentzat zentro bat irekiko dute, 16 urtetik gorako biktimentzat. Nafarroako Gobernuak eta NABI Nafarroako Berdintasunerako Institutuak elkarlanean egindako proiektua da, eta urte osoan 24 orduz egongo da irekita.
Zentroa azaroan ireki asmo dute Iruñeko Arrosadia auzoan; unibertsitateetatik gertu, gazteengandik hurbil egoteko asmoz. Izan ere, indarkeria matxista salaketa gehien adin horretan izaten dira. NABIren urteko txostenaren arabera, 2021ean Poliziak jasotako salaketen %82 30 urtetik beherako emakumeek jarri zituzten.
Zerbitzua telematikoki edo presentzialki jasotzeko aukera egongo da. Indarkeria iraganean jasandakoek ere izango dute aukera bertara joateko, eta ez da beharrezkoa izango Polizian salaketa jartzea. Egoeraren arabera, hainbat zerbitzu eskainiko dituzte: informazioa eta orientazioa, arreta psikologikoa, aholkularitza juridikoa, eta behar ekonomiko eta sozialen kudeaketa, besteak beste.
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Azaroak 25 Indarkeria Matxistaren Aurkako Nazioarteko Eguna da. Mugimendu feministak Bilbo, Iruñea, Gasteiz, Donostia eta Baionan mobilizazioak egingo ditu. Mugimenduak argitaratu duen manifestuan, 2024an Euskal Herrian eraildako bost emakumeak gogoratu dituzte. Aurtengo... [+]
Udan izandako indarkeria kasuen gorakada batetik, eta hainbat gizonezkok mugimendu feministak antolaturiko ekitaldiak boikotatu dituztela bestetik, Bortziriak, Xareta, Azkain, Bertizarana, Malerreka eta Baztango mugimendu feministek, erakunde publikoen konpromiso irmoa exijitu... [+]
Vicent Andrés Estellés poetaren hitzak harturik, bat naiz hainbat eta hainbat kasuren artean, eta ez kasu bakan, arraro edo ezohiko bat. Zoritxarrez, ez. Hainbaten artean, bat. Zehazki, Europako Kontseiluaren arabera, eta ibilbide handiko beste erakunde batzuen... [+]
Igande eguerdian atxilotu dute 35 urteko gizona Trintxerpen (Gipuzkoa), arma zuri batekin delitu-saiakera egitea leporatuta. Erasotzaileak labana batekin eraso egin dio bikotekideari, eskuetan zauri larriak ditu emakumeak eta Donostiako Ospitalean artatu dute.
Aste batzuk daramatzagu hedabide eta sare sozial guztietan Iñigo Errejoni indarkeria matxista batzuengatik egindako akusazioei buruzko iritziak entzuten. Horrekin batera, eztabaida asko sortzen ari dira: nola salatu behar dugun emakumeok, nolakoak izan behar duten gure... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Indarkeria matxistagatik Iñigo Errejónen aurkako salaketa dela-eta, badirudi batzuk konturatu direla ezkerreko alderdi, sindikatu eta erakundeetan ere emakumeok ez gaudela gizon kideengatik biolentzia jasotzetik aske. Argi geratu da, gainera, halako egoeratan... [+]
Bilboko Udalak eta zenbait hedabidek neska batek gaugiroan bizitako bortxaketaren berri eman zuten, biktimaren baimenik gabe eta modu sentsazionalistan. Emakumeak sare sozialetan bilatu zituen bestelako aliantzak, berbiktimizazioari aurre egiteko. Bere testigantza harilkatu dugu... [+]
Leku izen bakarra aski da, azken denbora hauetan gertatu den emakumeen aurkako biolentzia kasurik larriena aipatzen hasteko: Probentzako herri horretan, senar batek emaztea kimikoki menderatu eta beste gizon batzuen –ehun bat omen dira– sexu-meneko utzi du hamar... [+]
Taldeak berak adierazi du Instagram bidezko ohar batean astelehenean izan dutela Ivan Carmonaren aurkako akusazioaren berri. Neska gazte bat taberna batean ukitzeagatik da salaketa, eta taldeak “sexu-eraso arintzat” jo du.
Arabako Lautadako Kuadrillak jarri du martxan emakumeen "ahalduntze pertsonala eta kolektiboa" bultzatzeko programa. Ekainetik Irailera bitartean izango dute laguntza jasotzeko aukera bertan.
Urriaren 24tik Espainiako Estatuko hedabide guztietako lerroburuak eman dizkiote Iñigo Errejóni, eta maiztu arte erabili dute haren izena, ezker-eskuin. Gutxitan ikusten den zarata mediatikoa lortu du, eta badirudi oihartzunak luze jarraituko duela. Orain... [+]
“Kezkagarria” den egoera baten aurrean erantzuna “urgenztziakoa” dela dio Itaiak Bilbon egindako prentsaurrekoan. Eskuineko sektoreek matxismoa “neurri baztertzaileak” galdegiteko baliatzea salatu eta gizartean “kontzientziazioa... [+]
Nafarroako Foruzaingoak Bigarren Hezkuntzako irakasle baten inguruko ikerketa abiatu du. Institutuko komunetan eta hainbat dendatako aldageletan emakumeak ezkutuan grabatzea leporatu diote auzipetuari.