Zazpi migratzailek Atxondoko udaletxeko arkupetan egiten dute lo, aterpetxea itxi dietelako
Migratzaileei harrera egiteko prestatuta dagoen Atxondoko aterpetxea erabiltzea galarazi die Udalak, eta non lo egin ez dutela, joan den astetik Atxondoko udaletxeko aterpetxean pasatzen dute gaua zazpi lagunek. Udalaren utzikeria salatu dute.
Padic, Omar, Dame, Modu, Bouba, Souffiane eta Yassin aterperik gabe geratu dira Atxondon. Udalak dio aterpetxea egoera prekarioan dela eta osasungarritasun arazoak dituela, pertsona hauen segurtasuna bermatzeko itxi dutela. Aldiz, Atxondo Harrera Herria sareak dio bizitzeko moduan dagoela aterpetxea, duela gutxi ume sahararrak bertan izan zirela, eta prest daudela aterpetxea Harrerako kideen erantzukizupean erabiltzeko, “kalean egotea baino egoera duinagoa delako”. Udalak segurtasuna argudiatu duela-eta, “segurua ez dena da jendea kale gorrian izatea, harrerarako aukerarik gabe”.
Agintean EAJ duen udalak erantzun du Eusko Jaurlaritzarekin akordioa duela, migratzaileentzako beste leku bat bilatzeko. Bitarte horretarako, baina, ez du alternatibarik eman. Aterpetxea 2018an zabaldu zuten, migratzaileei harrera egiteko, eta garbi dute Harrerako kideek: espazio hori berriz irekitzea da soluzioa, “eta lortu arte jarraituko dugu protestan”. Hain justu, beldur dira Jaurlaritzarekin adostutako leku berri hori ez ote den Atxondotik kanpo egongo.
Gauzak argitu bitartean, presio ekintzatik ere baduen tokia okupatu dute zazpi migratzaileek: udaletxeko arkupetan egiten dute lo, literatan, eta Harrerako kideek txandak egiten dituzte laguntzeko. Are gehiago, herriko jendea dena ematen ari dela eta bizilagunak jana ekartzera gerturatzen direla nabarmendu dute. Agintariengandik, ordea, ez dutela bisitarik jaso salatu dute Harreratik, nola dauden galdetzeko ere ez direla hurbildu eta udaletxera sartzeko egunero ondotik igarotzen badira ere, begiratu ere ez dutela egiten. “Argi dago kalean utzi gaituzten horiek ez dakitela kalean lo egitea zer den”, adierazi du kaltetuetako batek, Anboto agerkarian.
20 eta 38 urte arteko zazpi lagunek harrera eskatua dute, hizkuntza eskolak jasotzen dituzte eta Durangoko helduentzako eskolan daude matrikulatuta, bertara joaten dira Atxondotik, eskola-graduatua lortzeko.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]