Zazpi lurraldeetako laborantza biologikoa uztartu nahi dute asteburuan Maulen
Larunbat honetan, azaroak 23, Zuberoako Irabarnen EHKOlektiboaren bilkura nagusia burutuko dute, erabakitzeko nola lotu egitura batean Euskal Herri osoan nekazaritza ekologiko/biologikoa egiten duten laborariak. Azken bi urteotan gaia jorratu dute BLE, BioLur, Bionekazaritza, Landare, Lurreko, Lur Bizia eta ENEEK elkarteen artean. Zapatuan aurrera begirako urratsak erabakiko dituzte.
Bilkura goizeko 11etan abiatuko da Ibarneko jauregian, 14:30etan lekuan bertan bazkalduko dute parte hartzaileek, eta ilunabarreko 18:00etatik aurrera Mauleko Zinkan kontzertua eta talo janarekin amaituko dute.
Gaiari xehekiago azaldu dio Laborari kazetari Mirentxu Doihenard Senpereko (Lapurdi) laborariak “Ez dugu zaku berdinean sartuak izan nahi” titulua daraman elkarrizketan.
Zergatik sortu nahi duzue talde berri hori?
Ideia abiatu zen duela sei urte Urruñan bildu ginelarik. Bio araudiak aldatu ziren eta Europako legeak aplikatzen hasi ziren denendako, araudiak ahulduz, hazkuntzan bereziki. Bio industriari ateak idekitzen zirela ikusi ginuen eta izitu ere. Etxalde ttipiak, bio produkzioaz bizi girenak, beste ikusmolde batean gira, ez dugu nahi zaku berdinean sartuak izaitea. Hortako "Bio Cohérence" marka sortu da Frantzian, eta Euskal Herrian gogoeta hasi ginuen ere. Ainitz hausnarketa eraman ditugu geroztik, azken bi urteetan bereziki.
Mauleko topaketa, gogoeta fasearen bururatzea da?
Bai. Ondoko urratsa elkarte baten sortzea da. Proposamen hori eginen dugu Maulen. Elkarteko kideak laborariak izanen dira (ez egiturak), Euskal Herri osoko laborariak.
Lurralde bakotxak dituen elkarteak baino gehiago izanen da erakunde berri hori?
Euskal Herriko laborarien biltzea ukanen du xede, batasunaren sortzea eta harremanaren errextea, lehenago aipatu helburuarekin. Guk Euskal Herrian nahi dugun agroekologiaren definitzen hasiko gira eta ondotik identifikatze faserat pasatuko gira, arau batzu finkatuz.
Marka berri bat sortuko duzue beraz?
Identifikazioa ez da produktuari lotuko baizik eta etxaldeari. Teknika, lan egiteko manera bainan ere sozial baldintzak kondutan hartuko dira. Laborantxa biologikorat urratsa egin ez dutenen laguntzeko ere balioko du elkarteak. Helburu batzu finkatu nahi ditugu, epe baten barne heltzeko engaiamendua proposatuz ("Bai euskarari" ziurtageriarekin egin zen gisan). Bio girenek ere beti gauzak baditugu hobetzeko, gure kasuan plastikoen erabilpena adibidez. Neurri horiek harmonizatu nahi ginituzke zazpi probintzietako bio laborari guzieri.
Bio industrialaren konkurentzia sendi duzue hemen ere?
Zirkuito laburretan ere, supermekatuen konkurentzia bada beti, bio sailak garatzen ari dituztelakotz. Gure lana da gure izaeraren ezagutaraztea, ez baitugu nahi zaku berdinean ezarriak izaitea.
Zertan ezberdintzen zirezte?
Europako araudiak errextasuna eman du laborantxa biologikoaren industrializatzeko. Hazkuntzan, baldintzak laxatu dira bereziki. Herritarraren tronpatzeko irriskua bada, ainitzek uste baitute supermerkatuan atxemaiten dutena, gu laborari ttipiek egiten dugunaren berdina dela. Ez da batere hala. Guk araudi zorrotzagoak nahi ditugu, filosofian urrunago joaiten gira, norberaren errespetua, langileen errespetua, etxaldearen haunditzeari muga eta gisa hortako baldintzak zaindu nahi ditugu. Koherentzia orokorra nahi dugu.
Mauleko topaketaren emaitza elkartearen sortzea izanen da?
Bai, helburua da elkartearen sortzeari baietza lortzea. Biziki motibatuak gira, holako tresnaren beharra badugu. Diferentziak badira gaurregun lan egiteko maneretan ipar eta hegoalde artean. Elgar ezagutza lan haundia badugu eramaiteko. Harmonizatzeko indarrak egin beharko ditugu. Bainan euskal baserritarren elkartzea gauza biziki ederra da, oraindik ederragoa laborantxa proietu baten bidez egiten delarik.
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Ekolurrak irailaren 23a, Europar Batasuneko Nekazaritza Ekologikoaren Eguna, aprobetxatu du tresna berria aurkezteko. Elikagai ekologikoak kontsumitzeko erraztasunak eman nahi dizkie herritarrei, Sareko bilatzailearekin: Araba, Bizkaia eta Gipuzkoako ekoizle ekologikoen 269... [+]
Hemen gatoz, atzera ere, hausnarra berritzera. Edo behintzat saiatzera. Edo horrekin amestera. Ez dakit, ordea, berritik zer izango dugun; izan ere, antza, munduak lehengo lepotik burua jarraitzen du. Barkatu okerra: gizakiok jarraitzen dugu lehengo lepotik.
Plastikoan bilduta saltzen dizkigute zuritutako sagarra, mandarina, ahuakatea eta abar. Eta ez gaitu lotsagorritzen.
Ameriketako Estatu Batuen ipar ekialdean azken urteotan maila handiko fenomeno batek eragin garrantzitsua izan du osasun publikoan, eta basa animalien osasunaren garrantzia oroitarazten du. Argitaratu berri den ikerketa baten arabera, gertaera hori eta sortu dituen ondorioak... [+]
Haziak nola egin azaltzen duen jakintza praktikoa eta hazietan datzan ikuspegi politikoa. Biak uztartu dituzte Haziak liburuan Miguel Arribas Kelo-k eta Marc Badal-ek. Hamaika auzi baitaude jokoan hazi bakoitzean: biodibertsitatea vs estandarizazioa, autonomia vs menpekotasun... [+]
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Munduko klima gogorrenetakoa du Balutxistanek: basamortuko klimaren muturreko bero eta lehorteak, eta Arabiako itsasotik ekarritako montzoiaren eurite irregularrak, urte batzuetan eskasak eta bertzeetan uholdeak eragiteko modukoak. Hala eta guztiz ere, bertan laborantza badago,... [+]
Ez da ezusteko handirik izan Europako hauteskundeetan, eskuin muturrak gora egin duen bitartean, berdeek orain arteko emaitzarik txarrenetakoak izan dituzte. Zentzu horretan, geroz eta gehiago nabarituko dugu trantsizio ekosozialari lotutako erabakietan ebidentzia zientifikoek... [+]
Nekazaritzaz eta abeltzaintzaz askotan entzuten da lanbide "oso lotua" dela, jai egunik edo oporrik ez dela existitzen. Ipar Euskal Herriko Onetik eta Etxaldia gasnategiek, Berria eta Aldudeko Esne Kooperatibekin elkarlanean, laborariei bakantzak bermatzeko egitasmoa... [+]
Bost hilabete bete dira otsailaren 6an traktoreen mobilizazioak hasi zirenetik. Mirene Begiristainek eta Isabel Alvarezek ekofeminismoaren betaurrekoak jantzita aztertu dituzte mobilizazio hauek eta fokutik kanpo geratu diren laborariak eta aldarrikapenak ekarri dituzte lehen... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Esnatze horretan hainbat kausa elkartzen dira, eta lurraldean sakabanatuta dauden herrien erresistentzia-ahalmenak bete-betean erantzuten die. Joan den larunbatean, aldarrikapen horien inguruan manifestazio jendetsua egin zen Gasteizen. Kalean frogatu zen berriro posible dela... [+]
Euskal Herriko Laborantza Ganbarako koordinatzailea mintzatu da Egonarria saioan. Laborantzako eredu talkaz hitz egitean eta traktoreak kalera atera direnean, beti aipatzen da ditxosozko erderazko "PAC"-a, hau da, Europako Nekazaritza Politika Bateratua. Europako... [+]