Hamar egun dira blokean bizitzen ari zirenetik, eta iragan ostiralean egin zuen publiko okupazioa Etxebizitza Sindikatuak. Jabeek blokea legez kanpo husten saiatu zirela salatu du Sindikatuak.
Okupatutako etxebizitza blokean bizitzen dauden ia 30 pertsonen artean, “adineko pertsonak, umeak, egoera irregularrean dauden atzerritarrak edota biolentzia matxista jasan duten emakumeak” daudela adierazi zuen Etxebizitza Sindikatuak ostiralean, prentsaurrekoan. Azaldu zuten etxebizitzek hamar urte baino gehiago daramatela hutsik.
Etxebizitzaren arazoa sistema kapitalistaren ondorioa dela eta irtenbidea “proletargoaren antolaketa independentea” dela aldarrikatu zuen Sindikatuak. Adierazi du bere “baliabide guztiak” jarriko dituela etxebizitza blokea “antolatu eta babesteko”, eta prest dagoela jabeekin zein udalarekin elkarrizketak abiatzeko.
Kanporatze saiakera
Okupazioa publiko egin eta ordu gutxira, jabeak blokea husten saiatu ziren. Sindikatuak salatu du saiakera legez kanpokoa izan zela, eta gehiegikeria ugari egin zituztela: “Eskopeta erabiltzearen mehatxuak, ondoko jabetza batetik butroi bat egiteko saiakera, sarrailagile baten laguntzaz atariko atea bortxatu eta etxebizitzetara sartzeko mehatxuak, kanpotik barruan zeuden pertsonak ixteko intentzioa…”. Ertzaintzak gertaera horiek “baimendu” zituen, sindikatuaren esanetan, baina hala ere jabeek ezin izan zuten barruan zegoen jendea kanporatu.
| ATZOKO EGUNAREN HARIRA 🏘️ 🤔Hari honetan atzo gertatutakoaren inguruko azalpena eman eta zenbait ondorio plazaratuko ditugu [Haria👇] pic.twitter.com/pJmKPCvb1z
— Etxebizitza Sindikatua (@EtxeSindikatua) July 4, 2020
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]