Martxoaren 18, 19 eta 20an izango da Gasteizen, eta Euskal Herriko gazte mugimenduen topagune izatea du helburu.
Zartada Gazte Ekimena ezagutzera eman dute sare sozialetan. Antolatzaileen arabera, Euskal Herriko gazteria eta gazte mugimenduak batu, aktibatu eta elkarlanean jartzea bilatzen du ekimenak, elkarrekin hausnartu, ikasi eta mobilizatzeko. Abenduan egin zuten lehen asanblada Gasteizen, eta bertan ondorioztatu zuten elkargune baten beharra. Hortik abiatuta, martxoaren 18, 19 eta 20an Gasteizen elkartzeko proposamena plazaratu dute, "Bat egitetik, hamaika izatera" lelopean.
Ikasturte hasieran Euskal Herriko zenbait eragile eta kide elkartu ziren "egungo testuinguruaz hausnartu eta erantzun bat artikulatu nahian". Ordutik, bilerak eta antolaketa espazioak martxan jartzen aritu dira, eta joan den abenduaren 29an Euskal Herriko gazteon asanblada deitu zuten ekimen honen berri eman eta gazte mugimenduetako hausnarketak ezagutarazteko.
Ekimen honek, azaldu dutenez, egungo testuinguruari "gazte belaunalditik" erantzun bat ematea du helburu. Horretarako martxoaren 18, 19 eta 20ko asteburuan mobilizazioa, formazioa eta aisialdia uztartuko dituzte. "Krisian dauden balio batzuk ere indartu nahi ditugu: kolektibotasuna, elkarlana, inkonformismoa… Gaur egun, gazteria jota eta material eta sinbolikoki ataka larrian, elkarlana eta batasuna inoiz baino beharrezkoagoak ditugu", diote ekimenaren bultzatzaileek.
Asteburuko egonaldia antolatzeko lanketa eta ekarpen kolektiboa behar dela eta, baliabide eta marko ezberdinak jarriko dituzte prestakuntza lan horretarako eskuragarri, datozen hilabeteetan.
Antolaketa espazio horien berri emateko, ekimenaren xehetasun gehiagoren berri emango dute datozen asteetan, Instagram, Twitter eta Telegram kanalean.
?ZARTADA GAZTE EKIMENA
Batasuna eta elkarlana dira gure armak eta inoiz baino zorroztuago ditugu!
?Martxoak 18, 19 eta 20.
?Gasteiz.
Etorkizuna lapurtu diguten honetan, guk geuk berreskuratuko dugu, gazteriaren indarra erakutsiko dugu!#DenaAldatzen pic.twitter.com/a7G7253KG4
— Zartada (@gaztezartada) January 16, 2022
Uztailaren 19an, 8:00etan zegoen gaztetxea husteko agindua emanda. Momentuz, lortu dute desalojoa atzera botatzea. Zestoako Gazte Asanbladak Bilboko Aresti Zentro Sozialistaren desaloa jasan zutenei elkartasun osoa adierazi die.
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
"Ernai ekonomikoki itotzen eta politikoki deuseztatzen" saiatzea leporatu dio gazte antolakundeak Jaurlaritzari ostegun goizean Bilbon egindako agerraldi jendetsuan. Jakinarazi dutenez, Aitor Zelaia eta Galder Barbadoren espetxeratze agindua salatzeko Bilbon eta... [+]
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Neska gazteok ez dugu zaintzen, guk ez dugu grebara joateko arrazoi garrantzitsurik. [...] Zeren “benetako” arrazoiak, “benetako” lana, “benetako” greba, “benetako” dena beste batzuena baita beti.
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Euskal Herriko Neska* Gazteen sareak Usurbilen (Gipuzkoa) egingo du aurtengo Baterajotzea, urriaren 13tik 15era bitartean. Herrietako asanbladetan eztabaidatutako zenbait gai elkarrekin lantzeko eta erabakiak hartzeko topagunea izango dela gogorarazi digute Maider... [+]