Zarauzko Putzuzulo gaztetxea eraisten hasi dira
Iragarrita zegoen uda honetan lehenago edo beranduago Zarauzko Putzuzulo gaztetxearen eraikina eraitsiko zutela. Aste honetan hasi dira hormak botatzen eta hezurdura baizik ez da geratzen ia. Gaztetxe berria atontzen ari dira dagoeneko beste kokaleku batean.
2005eko urrian okupatu zuten Lizundia oihal fabrika zaharra, bertan Putzuzulo Amets Fabrika eratzeko. Urte luzez ekimen ugariren aterpe eta etxe izan ostean, baina, eraiste arriskuan zegoen azken urteotan. Izan ere, Zarauzko alkateak 2019ko uztailean sinatu zuen gaztetxearen eraikina botatzeko baimena. Auzo horretan etxebizitzak eraikitzen hastekoak ziren, eta inguruko eraikin asko bota zituzten orduan, gaztetxea hondakin artean utziz.
Heldu da. Urte luzez izan dugu gainean Putzuzuloren eraisketaren mehatxua, eta geure egin dugun etxe barruraino sartu dituzte jada makinak, pixkanaka-pixkanaka, guztia botatzeko. Hamaika proiektu, eragile eta pertsona elkartzeko aterpe izan dena eraisten ari dira jada pic.twitter.com/aOqhCSonER
— Putzuzulo Gaztetxia (@PutzuzuloGtx) August 18, 2022
Egoera horretan gaztetxeko kideek kanpaina bat abiatu zuten gaztetxearen egoera plazaratu eta udalari Zarautzek gaztetxe bat behar zuela adierazteko. Borroka horren fruitua izan da gaztetxe bat bermatzeko moduko espazioa ziurtatzea, orain atontzen ari diren gaztetxe berria. “Geure egin dugun etxe barruraino sartu dituzte jada makinak”, adierazi dute gaztetxeko kideek sare sozialetan. “Hamaika proiektu, eragile eta pertsona elkartzeko aterpe izan dena eraisten ari dira jada. Urte hauetan guztietan egindako lana, ordea, ez da ezerezean geratuko”.
Azken urtean Putzuzulori egindako eskertzak eta keinuak ugariak izan dira. Uztailaren 17an egin zuen, esaterako, gaztetxean sortutako eta bertatik emititzen zen Arraio Irratiak bertatik egindako azken irratsaioa, zuzenean.
Putzuzulo gaztetxearen eraikinaren egungo egoera erakusten duen bideoa egin du herritar batek:
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]
Autogestio espazio "irekiak, asanblearioak eta horizontalak" eraiki nahi dituzten gaztez osaturiko gaztetxe eta gazte asanbladak antolatutako jardunaldiek gaur egun atomizatua eta polarizatua dagoen esparru batean eragin nahi dute.
Isabelle Pargade Hazparneko auzapezak ofizialki eman dizkio Ttattola gaztetxeari lokal berriaren gakoak. Bien arteko negoziaketa luze batzuen ondorio da.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.