Zarako langileek protestak abiatu dituzte Gipuzkoan lan baldintza prekarioak salatzeko
"Zarako langileok borrokan!" oihuek hartu dute Donostiako San Martin plaza asteazken goizean. ELA sindikatuak deituta, protesta abiatu dute lan baldintza prekarioen aurka bertako langile ugarik. Inditex enpresak ez dituela lan baldintzak hobetu nahi salatu dute. Jabea Amancio Ortega da, munduko seigarren pertsonarik aberatsena Forbes zerrendaren arabera.
"Enpresari hobekuntzak eskatu genizkien ondorengo sektoreetan: oporrak, lanaldia, ordutegia, larunbat libreak, norbere gauzetarako eguna eta antzinatasuna. Eskakizun horiei guztiei ezezko borobila eman zien enpresak. ELAtik argi daukagu eginiko proposamenak Zara bezalako enpresa handi eta boteretsu bati ez diotela apenas esfortzurik eskatzen, eta ez dugu ulertzen egoeraren aurrean enpresa izaten ari den jarrera", salatu dute sindikatutik.
#Zara-ko langileak borrokan Donostian. Inditex gisako enpresa erraldoi batek langileen lan baldintzak erraz hobetu ditzakeela uste dute. Gipuzkoan Zarak 300 langile ditu, ia gehiengoa emakumeak. pic.twitter.com/y5bbSUp1Kz
— Lander Arbelaitz (@larbelaitz) 2018(e)ko martxoak 7
300 langile ditu Zarak Gipuzkoan, gehienak emakumeak eta gehienak 15 eta 25 ordu bitarteko aldi baterako lanaldiekin ari dira. "Langile askok eta askok arazoak dituzte euren eguneroko gastuei aurre egiteko, kontziliazio erreal bat izateko eta euren oporrak antolatzeko, besteak beste".
ELAko Maddi Azpiazuk azaldu dizkigu protestaren nondik norakoak.
Maddi Azpiazuk (ELA) azaldu dizkigu langileen arrazoiak protestarako.#ZARAborrokan pic.twitter.com/6tY0UM7n7u
— Lander Arbelaitz (@larbelaitz) 2018(e)ko martxoak 7
Tentsioa protestari bizkarra ematera atera diren langileekin
Ezohiko irudia eman dute Zarako langileen protestari bizkarra ematera atera direnek. Hamar bat izan dira protestaren atzean geratu direnak beren desadostasuna erakutsiz. "Lotsagabeak, emazue buelta" oihu egin diete protestariek. "Hor ikusten dira klaseak", gisako komentarioak ere egin dituzte. Protestari bizkar eman dioten langileek besteek baino gehiago kobratzen dute. "Pasatzen ari zarete, zuek baino egoera okerragoan daudenak babestu behar zenituzkete", bota die langile batek aurpegira.
#Zara-n protesta abiatu duten langileak haserretu egin ditu 10 langile atera eta protestari bizkarra ematen jarri direnean. Beraiek baino egoera okerragoan dauden langileak babestu behar lituzketela aurpegiratu diete. @argia#ZARAborrokan #Inditex #Donostia pic.twitter.com/xxnlUaWLVQ
— Lander Arbelaitz (@larbelaitz) 2018(e)ko martxoak 7
Inditexeko langileek egin izan dituzte protestak beste herrialdeetan
Ez da ohikoa, baina ezta lehen aldia ere Zarako langileek protesta egiten dutena lan baldintzak hobetzeko eskatuz. Turkiako langileek beren lan baldintza gogorrak salatuz mezuak josi izan dituzte Zara eta Mango dendetarako eginiko jantzietan. Multinazionalak New Yorken duen dendako langileek "Change Zara" protestak egin zituzten 2015ean eta lanaldi hobeak lortu zituzten. Inditexek soldatak hobetu eta lanaldi osoak eskaini behar izan zituen.
Hemen protestekin hasi ziren garaiko bideo bat, hobekuntzak irabazi baino hainbat hilabete lehenago. Sinadura kanpaina bat ere abiatu zuten beren kasua azaleratzeko.
Pontevedran (Galizia) Inditexena den Bershka dendako langileek bederatzi eguneko greba egin zuten eta enpresak beren eskariak bete zituen. Galiziako denda guztietan soldatak igo zituen Inditexek "Bershka efektua" gisa ezagun egin zen jokaldian. Sindikatuek pozik adierazi zuten protestak bere denda guztietara zabaltzeko beldur dela multinazionala. "Eskubideak borroka eginez lortzen dira" izenburuko bideo hau ere egin zuten lan borrokaren ondorioak sozializatu asmoz.
ELB sindikatuak ardien mihi urdinaren eritasuna pairatu dutenendako elkartasunera deitzen du. Abendu hastapenean,departamenduko 650 ardi etxalde hunkiak izan dira. Kasu zenbaitetan, hamarka ardi galdu dituzte hazleek, bereziki marroak. Etxalde batzuek erraterako marroen %80... [+]
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]