Zaraitzuko urak Esara eramateko proiektua bertan behera utzi dute
Nafarroako Pirinioetako Aizpurgi herrian presa bat eraiki eta lur azpiko kanal baten bidez ura Esa urtegira eramateko proiektua kendu egin du Ebroko Konfederazio Hidrografikoak bere plan hidrologikotik.
Urte asko tiraderan zegoen proiektua behin betiko kendu du bere egitasmoen artetik Ebroko Konfederazio Hidrografikoak (CHE): Nabaskozeko almiradioan, Aizpurgi herri ondotik igarotzen den Zaraitzu ibaiko arroilan presa bat egin eta ibai horretako urak zuzenean Esa urtegira eramateko proiektua desagertu egin da 2022 eta 2027 urte arteko Ebro Arroko Plan Hidrologikotik.
Uztailaren 9an jakinarazi zuen CHEko planifikazio arduradunak erabakia, plan hidrologikoa aurkezteko telekonferentzia bidezko jardunaldi batean, baina albistea ez da orain arte zabaldu. Zaraitzu ibaia babesteko sorturiko ZAIN elkarteko ordezkariak, Luisfer Aguadok, erabakiaren garrantzia nabarmendu du Mendixut aldizkarira bidalitako gutun baten bidez: “1987tik gure ibaiaren gain zegoen mehatxu handia, emaria Esa urtegi handitura eramateko aukera, desagertu egin da garatzen ari diren plan hidrologikotik”.
Proiektu horren arabera, Aizpurgiko presaz gain, Leire mendizerra alderik alde gurutzatuko lukeen lurrazpiko 9 kilometroko kanal baten bidez eramango lukete ura Esaraino –denera 170 Hm3 ur, Zaraitzu ibaiak urtean batez beste duen emariaren ia bi heren–. CHEko arduradunak berak aurkezpenean aitortu du, baina, halako egitasmoren bat etorkizunean berriz aztertzeko, ingurumen kalteen azterketa "zorrotza" beharko lukeela, "eta ikusi beharko litzateke gaindituko ote lukeen".
ZAIN elkartea 2019ko ekainean sortu zen eta berehala ekin zion Zaraitzu ibaia babesteko beharraz kontzientziatzeko lanari. Hala, urte hartako udan 400 herritar inguru elkartu ziren auzolanean ibai bazterretatik zaborra kentzeko. “Ez dakigu zein punturaino eragin duen lan horrek erabakian –dio Aguadok gutunean– baina gure poza adierazi nahi dugu”. Nolanahi ere, elkartetik gogorarazi dute jarraituko dutela Zaraitzu ibaia babesten, “libre eta natural” jaitsi dadin.
Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.
Agintari gutxik aitortzen dute publikoki, disimulurik eta konplexurik gabe, multinazional kutsatzaileen alde daudela. Nahiago izaten dute enpresa horien aurpegi berdea babestu, “planetaren alde” lan egiten ari direla harro azpimarratu, eta kutsadura eta marroiz... [+]
Mendizale batek asteburuan ikusi du animalia Lapurdiko Azkaine herrian, eta otsoa dela baieztatu du Pirinio Atlantikoetako Prefeturak. ELB lurraldean "harraparien presentziaren kontra" agertu da.
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Udaberri aurreratua ate joka dabilkigu batean eta bestean, tximeletak eta loreak indarrean dabiltza. Ez dakit onerako edo txarrerako, gure etxean otsailean tximeleta artaldean ikustea baino otsoa ikustea hobea zela esaten baitzen.
Nori ez zaio gustatzen ahuakatea? Ia denok atsegin dugu fruitu berri hori, di-da amaren batean etxekotu zitzaigun. Zenbat urte da ba dendaero ikusten hasi garela? Gure mahaietara iritsi aurretik, historia luzea du.
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Leihatila honetan behin baino gehiagotan azaldu ditugu Ama Naturaren engainuak bere izakiak babestearren. Batzuetan, erle edo liztor itxura zuten euliak ekarri ditugu, beste batzuetan inongo arriskurik ez duten arrisku-kolorazioko intsektuak ere bai (kolorazio aposematikoa... [+]
Espainiako Estatuko zentral nuklearrak itxi ez daitezen aktoreen presioak gora jarraitzen du. Otsailaren 12an Espainiako Kongresuak itxi beharreko zentral nuklearrak ez ixteko eskatu zion Espainiako Gobernuari, eta orain berdin egin dute Endesak eta Iberdrolak.
"Historikotzat" jo du otsailaren 27an plazaraturiko epaia Lurraren Altxamenduak sare ekologista antikapitalistak. Bere aldetik, epaiaren "krudelkeria" salatu eta helegitea jarriko duela jakitera eman du Frantziako Estatuak. Duela hogei urte baino gehiago jarri... [+]
Iazko urriko bileran lortu ez zuten akordioa erdiestea espero dute COP16ko parte-hartzaileek, eta ostegun honetan dute gailurraren azken eguna. 2030. urtea bitartean, bioaniztasunaren alde 200.000 milioi dolar bideratzeko engaiamendua hartu zuten 2022ko COP15 gailurrean, eta... [+]
Biologian doktorea, CESIC Zientzia Ikerketen Kontseilu Nagusiko ikerlaria eta Madrilgo Rey Juan Carlos unibertsitateko irakaslea, Fernando Valladares (Mar del Plata, 1965) klima aldaketa eta ingurumen gaietan Espainiako Estatuko ahots kritiko ezagunenetako bat da. Urteak... [+]
Nola azaldu 10-12 urteko ikasleei bioaniztasunaren galerak eta klima aldaketaren ondorioek duten larritasuna, “ez dago ezer egiterik” ideia alboratu eta planetaren alde elkarrekin zer egin dezakegun gogoetatzeko? Fernando Valladares biologoak hainbat gako eman dizkie... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]