Berri Txarrak taldeak bere webgunean erantzun dio Aragoiko PPren zentsura saiakerari.
Musika talde euskaldunak gaitzetsi egin du "adierazpen askatasunaren aurkako erasoa" eta gogora ekarri du 20 urteko ibilbidean ez duela "inongo auzitegiren ezelango salaketa, leporatze edota zigorrik jaso".
"Gu ez gara inoren txotxongilo, ez dugu inolaz ere gurea ez den gatazka batean erabili gaitzaten onartuko", jarraitzen du testuak. "Aragoiko PPren eskaera erabat zentzugabea eta neurriz kanpokoa da".
Debeku eskaria
Irailaren 25ean Zaragozan iragarrita dagoen Berri Txarrak musika taldearen kontzertua debekatzeko eskatu dio Jorge Azcón PPko Zaragozako ordezkariak Zaragoza en Comúneko alkate den Pedro Santisteveni. Arrazoia: “talde euskaldunak terrorismoa goratu eta ETAko presoei babesa” ematen diela.
Kontzertua Zaragozako NATOren aurkako plataformak antolatu du, Ipar Atlantikoko Itunaren Erakundeak abiaraziko dituen maniobra militarren aurka. Berri Txarrak taldeaz gain Def con Dos, Siniestro Total eta Habeas Corpus taldeek joko dute, besteak beste. Irailean Plataformak egitarau zabala antolatu du: hitzaldi, kontzertu eta manifestazioekin.
Euskal Herrian ere eragina izango du operazio militarrak, Bardeetako tiro eremura 1.300 militar bideratuko baititu NATOk.
Euskal Rock Erradikala ere NATOren aurka 1983an
“Euskal Rock Erradikala” edo “Rock Radical Vasco”z ezaguna den 80ko hamarkadako musika mugimenduaren lehen jaialdia Tuteran izan zen 1983. urtean. Herri Batasuna ezkerreko koalizioak antolatu zuen kontzertua, kasu honetan ere NATOren aurka. Kontzertuan Barricada, RIP, La Polla, Basura, Eskorbuto, Zarama eta Hertzainak taldeak aritu ziren besteak beste.
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.
Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.
"NATOtik eta gerratik ateratzeko modu bakarra euskal errepublika da", aldarrikatu du Ehun mugimenduak larunbatean Bardeetako tiro poligonoan egindako ekintzan.
Bilboko Iralako kuartel militarra eraisteko parodia egiteagatik, fiskaltzak 36 hilabeteko espetxe-zigorra eta 9.000 euroko isuna eskatu bazituen ere, Bilboko Epaitegiak bakoitzari 360 euroko isuna ezartzea ebatzi du, espetxe zigorrik gabe. Bilboko KEM talde antimilitaristak... [+]
Gerra gordina hasi zenetik urtebete bete denean, Ukrainako gatazkaren inguruko hausnarketa antimilitarista antolatu dute Donostian ostegunean Bake-Ekintza Antimilitaristak eta Centre Delàs d’Estudis per la Pauk. Gerra horri emandako erantzunetan gabezia asko ikusi... [+]