‘Zapla’ bertsotan, Nafarroako plazak berpizteko
Zapla ekimenaren baitan egin dira jada Nafarroako Bertsozale elkarteak plaza suspertzeko antolatutako lehen ekitaldiak. Asteburuan izan dira Lizarra eta Beran, eta zirkuitua osatuko da maiatzaren 15 arte Irurtzunen, Zizur Nagusian, Antsoainen, Agoitzen eta Arantzan egingo diren saioekin.
Era berean, saio moldeetan berritzeko baliatuko da aukera, bertso saioen diseinuan berritu eta esperimentatzea, ohikotik harago egon daitezkeen ariketa, gai eta saio motak proposatuz. Era berean, bertsolaritzaren aniztasuna ere islatu nahi du egitasmoak, kultur adierazpen horren barruan egon daitezkeen saio motak bilduz.
Honakoak izango dira hurrengo saioak:
Irurtzunen apirilaren 30ean, ostiralez, 18:30ean. Zentzumenei bertsotan, Kultur Etxean: Iker Gorosterrazu, Irati Majuelo eta Sustrai Colina. Gai-jartzailea: Maialen Belarra.
Zizur Nagusian maiatzaren 2an, igandez, 18:30ean. Bertso trama, Kultur Etxean. Beñat Astiz, Idoia Granizo, Miel Mari Elosegi Luze, Sarai Robles eta Xabat Illarregi. Gai-jartzailea: Ander Aranburu.
Antsoainen maiatzaren 8an, larunbatez, 18:30ean. Kopla saioa, Antzokian. Ainara Ieregi, Joana Ziganda, Josu Sanjurjo, Mikel Lasarte, Patxi Castillo eta Saats Karasatorre. Gai-jartzailea: Zigor Gartzia Zian.
Agoitzen maiatzaren 9an, igandez, 18:30ean. Bertso jaialdia, Kultur Etxean. Aitor Irastortza, Eneko Fernandez, Joanes Illarregi, Mintxo Astiz eta Patxi Castillo. Gai-jartzailea: Ainhoa Larretxea
Arantzan maiatzaren 15ean, larunbatez, 14:00etan. Bertso bazkaria, Aterpean. Eneko Lazkoz eta Julen Zelaieta.
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Musika ondare tradizionala “berreskuratu, zaindu eta transmititzeagatik” irabazi du Eusko Ikaskuntzaren 2024ko saria Beltranek. Urte luzeetako “dibulgazio lan multidimensionala” aitortu nahi izan dio epaimahaiak.
Final-laurdenetako txartela lortu du Pagolak. Hurrengo saioak datorren asteburuan izango dira, Hondarribian eta Andoainen.