“Zapia buruan eramateagatik diskriminatu egiten dituzte lantokietan”
Elkarretaratzea egin dute Iruñean asteazkenean SOS Arrazakeria taldeak eta LAB sindikatuak salatzeko zapia buruan erabiltzen duten zenbait emakumeri "mehatxuak" eta "irainak" eragin dizkietela euren lanpostutan. "Ohikoa" den diskriminazioa dela salatu du sindikatu horretako Ekintza Sozialeko Jaime Iribarrenek: "Ez gara nor epaitzeko emakume horiek zergatik eramaten duten hijaba. Errespetatu behar dugu bere janzteko hautua".
SOS Arrazakeriak eta LAB sindikatuak elkarretaratzea egin dute Iruñeko Sarasate pasealekuan Lan Ikuskaritzaren egoitzaren aurrean Lantokietan Stop Islamofobia goiburuarekin. Kasu konkretu baten salaketa egin dute, baina LAB sindikatuak adierazi du "ohikoa" dela halako diskriminazioa pairatzea: "Zapia erabiltzea oinarrizko eskubidea da eta ez luke diskriminaziorik eragin behar", esan du Jaime Iribarren LAB sindikatuko Ekintza Sozialerako Nafarroako arduradunak. "Ez da kasu bakana. Asko dira, eta aintzat hartu behar da nori egiten ari zaion min", jakinarazi du. Izan ere, emakume etorkin, arrazializatuak, prekarietatean lanean ari direnak gehienak direla salatzen ari dira.
Lan Ikuskaritzak gertatu dena ikertzea eskatu dute elkarretaratzearen bidez. "Eskubide urraketa izan bada, ezin du beste alde batera begiratu", uste du Iribarrenek. Auzitegietara jotzeko eskatzen ari zaio salatzaileari, baina Europako Justizia Auzitegietako epaiak bete diren edo ez ikertzea Lan Ikuskaritzaren ardura dela iritzi dio LABek.
Afari solidarioak banatzen diren ordu eta leku berean zegoen antolatuta baimenik ez zuen elkarretaratzea. Tentsio une handiak izan dira, eta Ertzaintzak KASen aldeko hainbat jarraitzaile identifikatu ditu.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Immigrazioaren Euskal Behatokiaren 2023ko Barometroaren emaitzek diote “2021ko balioetara itzuli dela” euskal gizartearen "tolerantzia-maila". Datuen arabera, horrek lotura zuzena du Ukrainako gerraren kronifikazioarekin eta asilo-eskarien egonkortzearekin.
Profil horretako pertsonen %80 polizia-kontroletan geldiarazia izan da, Frantziako Giza Eskubideen Defendatzaileak ziurtatu duenez. Praktika horrek "komunitate desberdinen eta Poliziaren arteko gatazkak areagotu ditzakeela", ohartarazi izan dute adituek, aspalditik.
2022an Ertzaintzak erregistraturiko gorroto delituen berri eman du Eusko Jaurlaritzak: 438 gertakari guztira, 2021ean baino %57 gehiago. Arrazakeria eta xenofobiari lotutako delituek jarraitzen dute izaten zabalduenak, eta atzetik dituzte sexu-joera edo sexu-identitateari... [+]
Algorithm Watch-ek egindako ikerketa batek azaldu duenez, biktimei egindako test batek biktimen eta erasotzailearen jatorriaz galdetzen du. "Atzerritartzat", ordea, Mendebaldekoak ez direnak baino ez ditu jotzen.
Europako Batasuneko diplomaziaburu den Josep Borrellek kutsu zibilizatzaileko adierazpen xenofobo eta eurozentrista larriak egin ditu Europako Akademia Diplomatikoaren inaugurazio ekitaldian.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.