Zapatuko eraso homofoboa salatu eta heteroaraua suntsitzeko deia egin du Ukatu asanblada transmaribibolloak
Ukatu asanblada transmaribibolloak gogor salatu du aste-akabuan Algortan izandako eraso homofoboa. Ohar batean deitoratu duenez, mota horretako erasoak egungo jendartean indarrean dagoen heteroarauaren "isla eta ondorio" dira. Horren aurrean, azpimarratu du ez dela salaketara mugatuko, eta antolatu eta borrokatzeko garaia dela aldarrikatu du. Horretarako, besteak beste, elkarretaratzea egingo dute eguaztenean, Algortako San Nikolas plazan. 20:00etan jarri dute hitzordua, eta horregaz bat egin du Algortako jai batzordeak.
Algortako inauterietan, eraso homofobo bat jasan zuen adingabe batek. Horren aurrean, Uribe Kostako Ukatu asanblada transmaribibolloak azpimarratu du mota horretako erasoak ez direla gertakari isolatuak: "Erasoak egungo jendartean indarrean dagoen heteroarauaren isla eta ondorio dira. Heterosexualitatea presuntzioa da, norma da. Ez da desiraren orientazio soila, inposizioa baizik. Arau horretatik kanpo kokatzen diren gorputz eta identitateak zigortzen dira, disziplinatzen dira". Horrez gainera, eraso horiek heteroarau hori bere horretan mantentzeko sistemak dituen mekanismoak direla deitoratu du taldeak.
Eraso horiek indarkeria eta sufrimenduaren erakuslerik gordin eta bortitzenak direla gogoratu dute asanblada transmaribibolloko kideek; hala ere, azpimarratu dute egunerokotasunean ere indarkeria pairatzen duela heteroarautik kanpo kokatzen denak, "modu sotilagoetan izan arren".
Borrokarako garaia
Erasoa "irmoki" salatu du taldeak, baina horretara mugatuko ez direla nabarmendu dute: "Antolatu eta borrokatzeko garaia da! Uribe Kostako sexu eta genero disidentzia martxan dago!". Era berean, azpimarratu dute ez dutela "normalak" izan gura: "Ez dugu onartuak izan nahi, ez dugu tolerantziarik nahi. Heteroarauarekin amaitu nahi dugu; gure gorputz, desira eta identitateak modu aske batean bizi nahi ditugu, sistema hau irauli nahi dugu, sistema bera delako arazoa".
Horretarako, besteak beste, elkarretaratzea deitu dute eguaztenerako, Algortako San Nikolas plazan. 20:00etan jarri dute hitzordua, eta horregaz bat egin du Algortako jai batzordeak.
Lauzpabost pertsonak osatutako talde batek jo egin zituzten baita irain homofoboak egin ere.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
Errezilgo Udalak jakinarazi duenez, aurpegia estalirik eta jarrera “oso bortitza” zuen gizon talde batek bikote baten etxeari eraso egin eta bikotea iraindu zuen. Udalak erasoa gaitzetsi du.
Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]
Soraluzen Señora Bertso egunean eta Tolosako Inauterietako Zaldunita gauean bi eraso homofobo izan direla salatu dute.
Mutil-lagunari eskua emanda zihoan Asier; atzetik bi gizon gazte agertu eta muturreko bat eman zioten, hain bortitz, ezen sudurra apurtu zioten eta lurrera bota zuten. Sudurreko ebakuntza egin berritan hitz egin du ARGIAk berarekin: "Diskurtso faxista indartzen eta... [+]
Bermeoko Udalak Elantxoben larunbatean gertatutako erasoa gaitzetsi du, eta Anitzak Bilbao LGTBIQ+ elkarteak asteartean Bilbon gertatutakoa.
Asteartean deklaratu dute joan den asteko eraso homofoboarekin lotutako ustezko erasotzaileek eta biktimek. Ekainaren 21ean izango da hurrengo saioa.
Gazte talde batek jipoitu eta irain homofobo zein arrazistak egin zizkietela salatu dute biktimek, larunbat gauean taberna batetik ateratzean Villabonan (Gipuzkoa). Lakuako Segurtasun Saila gertatutakoa ikertzen ari da.
Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.
Larunbatetik iganderako gauean, jende gehiagorekin batera Hondarribiko jatetxe batetik ateratzen zelarik gizon bati beste batek iseka eta irain homofoboak egin zizkion eta jo egin zion aurpegian. Ertzaintzak erasotzailea izan daitekeena identifikatu du. Astearte arratsalde... [+]
Lucasek 13 urte baino ez zituen, urtarril honetan bere buruaz beste egitea erabaki zuenean. Homosexuala zelako auzoan eta batez ere eskolan jasaten zuen jazarpenak eraman du heriotzara, gurasoek salatu dutenez. Bullyingaren eta homofobiaren aurkako borroka eztabaidagai jarri du... [+]
50 apaiz gay italiarrek sinaturiko gutun irekiak hautsak harrotu ditu Eliza Katolikoan: ezin dutela beren sexualitateaz hitz egin, trabak jartzen zaizkiela eta seminarioetatik homosexualitatearen aurkako gorrotoa bultzatzen dela salatu dute.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.
