Zallako zabortegian sutea izan da, bigarrena urte eta erdian
Ostegun goizean sutea piztu da Zallako zabortegian, 6:10ean, EiTBk informatu duenez. Suhiltzaileek 8:30 inguruan jakinarazi dute egoera kontrolatu dutela, baina operatibo luzea aurreikusten dutela. Hondakinak erretzeak askatzen dituen partikula toxikoak inguruko airearen kalitatean izaten ari diren eragin zehatza ez da jakina oraindik.
Oraindik argitu ez diren arrazoiengatik piztu da sutea Zallan. Lurrarekin eta aparrarekin itzali behar izan dute.
Urte eta erdian bigarren aldia da sutea pizten dela zabortegi horretan. 2017ko urtarrilean ere sutea izan zen. Zabortegiak arazo ugari eragin ditu zabaldu zenetik; hainbat urtez bertan pilatu dira Zabalgarbi erraustegiko eskoriak.
Zallako zabortegi pribatua 2005ean zabaldu zen, orduko Zallako Udalak –EAJren esku– CESPA konpainiari 2023 urte arteko baimena eman ondoren. Hasiera batean hondakin inerteak eta “ez arriskutsuak” pilatzeko egina zegoen arren, proiektuak hainbat aldaketa izan du geroztik eta Bizkaiko beste tokietatik eramandako hondakin kutsagarriak ere bota dituzte, guztira 4 milioi tona baino gehiago.
2009 eta 2012 artean Zabalgarbi errauskailutik ateratako 208.000 tona eskoria bota ziren Igorre eta Zallako zabortegietara, 2014an Eusko Jaurlaritzak onartu zuenez.
La Lagunasek sorturiko kutsaduraren, metanoa lehertzeko arriskuaren eta bestelako arazoen ondorioz, herritarrak maiz mobilizatu izan dira. 2016ko maiatzean sinadura bilketa hasi zuten Soiano eta Uribarriko auzotarrek, gas isuri eta usain txarrentzako konponbidea eskatzeko CESPAri eta erakundeei.
Zalla Bai plataformak agintzen du egun Udalean eta CESPArekin hitzarturik dauka zabortegiaren zati bat itxi eta berreskuratzea, hala nola lixibiatuak tratatzeko araztegia eraikitzea, besteak beste.
Jarraian hainbat irudi.
Incendio controlado pero de larga duración prevista, trabajamos apoyados por medios mecánicos del vertedero #bomberos #sutea #Zalla
— Bomberos Bizkaia (@BomberosBizkaia) 2018(e)ko abuztuaren 9(a)
Zallako #sutea kontrolpean, luzea izango da, bertako makinariarekin lanean laguntzeko #suhiltzaileak pic.twitter.com/MozbRONu0Z
Incendio #Zalla sellando con espuma la parte afectada y retirando con medios mecánicos la no afectada #bomberos
— Bomberos Bizkaia (@BomberosBizkaia) 2018(e)ko abuztuaren 9(a)
Zallako #sutea kaltetutako zatian aparra erabiltzen eta bestea retro batekin kentzen #suhiltzaileak pic.twitter.com/nJj2nUMDOP
@BomberosBizkaia trabajan en un incendio en el vertedero de #Zalla, el incendio se encuentra controlado #sutea @eitbNoticias pic.twitter.com/1Inq3NzaWB
— Iker Salgado (@ikersalgadoser1) 2018(e)ko abuztuaren 9(a)
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.