Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Lapurdiko Etcheverry-Mindurri eta CBA Artola enpresak zigortu dituzte Zaldibarko zabortegira baimenik gabe hondakinak eramateagatik. Baionako Auzitegiak urtarrilaren 18an egindako ebazpenak isun handiak ezarri dizkie bi konpainiei. Etcheverry-Mindurrik Basusarrin du egoitza, eta CBA Artolak Donibane Lohizunen.
Etcheverry-Mindurri enpresak 150.000 euroko isuna ordaindu beharko du, eta horietatik 50.000 euro salbuetsi ahal izango ditu beste deliturik egiten ez badu. Halaber, 110.000 euro itzuli beharko ditu modu irregularrean lortutako irabaziengatik.
Bestalde, CBA Artola enpresari 100.000 euroko isuna ezarri dio auzitegiak, eta era berean 50.000 euro salbuesteko aukera izango du. Aldiz, legez kontra irabazitako 210.000 euro itzuli beharko ditu.
Ingurumenaren aldeko Elkarteen Taldeak (CADE) hasi zuen epaiketa bi enpresen aurka, eta iazko azaroaren 16an egin zuten epaiketa Baionako Auzitegian. Fiskalaren arabera, enpresek 22.000 tona hondakin eraman zituzten Zaldibarrera, dirua aurrezteko asmoz.
Bi enpresak erruduntzat jo dituzte zabortegira hondakin birziklagarriak botatzeagatik eta baimenik gabe “Frantziatik Espainiara” hondakinak eramateagatik. Jabeek ukatu egin dute beren ekintzak legez kanpokoak izatea, eta adierazi dute haiek pentsatzen zutela hondakinak balorizatzeko zirela.
Epaian ezarri denez, Etcheverry-Mindurrik 21.000 euro ordaindu beharko dizkio CADE elkarteari, kostu judizialengatik, eta agiri bat argitaratu beharko du egunkari batean. CBA Artolak epaiketaren kostuak ere ordaindu behar ditu.
Lurxurietako harrobi zaharreko hondarkindegiaren etorkizuna zalantzan da. Aiherra eta Donoztiri artean, Donapaleuko bidean da harrobia. Baziren hamar urte Durruty enpresak gunea baliatzen zuela hondarkin geldoen biltegi bezala, birziklatzen ez diren hondarkinendako, marbrea,... [+]
Zer egin eraikuntzako hondakinekin? Uztaritzeko Toffolo enpresak baluke aterabidea. Arruntzan, ISDI edo eraikuntzako hondakinak metatzeko gune bat sortu nahi du, haren zaborrak biltegiratu eta birziklatzeko partez. Arruntzako Mentaberrikobordako bidean.
Munduan Zero Waste mugimenduan zabaldutako kontzeptuarekin zerikusirik ez du Frantziako Gobernuak sortu duen Zéro Dechet, Zéro Gaspillage sariak.
Ipar Euskal Herriak 40.000 tona bidaliko ditu kanpora errauste plantetan edo porlan-fabriketan erre ditzaten. Bil ta Garbik Baionan daukan Canopia TMBtik ateratako errefusoi horrela emango die aterabidea.
“Balioztatze energetikoa” (“valorisation energetique“) eufemismoz beztiturik, baina azken finean erretzera bidaltzeko asmoa du Bil ta Garbi herri elkargoak Iparraldeko udalerri guztien hondakinen parte handi bat. Zementu fabrika edo antzeko laberen batean... [+]
Lapurdiko Hazparnen hainbat herritarrek segitzen du mobilizatzen bertan aurten itxi behar zuten Hazketa zabortegiaren kontra. Hazketa2010 elkarteak blogean biltzen ditu antolatutako mobilizazio eta beste ekintzen berriak.