Zaldibarko zabortegiaren behin-behineko zigilatzea ere Jaurlaritzak ordainduko du
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Arantxa Tapia Ekonomiaren Garapen sailburuak berak eman du berria asteartean. Jaurlaritzak ekainean eskatu zuen zabortegiaren egonkortasunaren inguruko txostena. Horren arabera, Tapiak azaldu duenez, epe laburrean ez dago amiltzeko arriskurik, baina zigilatu ezean, euri ura sartu ahala arriskua handitzen joango litzateke. Jaurlaritzak ekainean txostena egitea eta orain zigilatze lanak burutzea eskatu dio enpresari –administratzaile judizial baten eskutan dago orain–, baina, salatu du Tapiak, “enpresak ez du bere lana egin, eta horregatik hartu behar izan du ardura Jaurlaritzak”.
750.000 euroko aurrekontua dute iragarritako lanek, bi zeregin nagusitan banatzen direnak: lehenbizi, lurrak trinkotu; ondoren, geruza iragazgaitz bat ezarri. Konponbidea behin-behinekoa dela onartu du Tapiak, bospasei” urterako, baina ziurtatu du ere “berme osoa” duela. Behin betiko zigilatzeaz ez du argibiderik eman.
Mikel Otero EH Bilduko legebiltzarkideak adierazpenak egin ditu auziaz. Batetik, poza agertu du Jaurlaritzak subsidiarioki egonkortze lanak egiteagatik. Bestetik, EAJ eta PSE gobernukideen jarrera kritikatu du, gogoratuz proposamen hori bera egin zuela EH Bilduk ekainean legebiltzarrean, eta bi alderdiek aurka egin zutela "alarmismoa" egotzita.
Jaurlaritzaren lan subsidiarioa
Jaurlaritzak hainbat aldiz hartu ditu bere bizkar Verter Recycling enpresaren ardura liratekeen lanak. 2020ko otsailean zabortegia amildu eta egun gutxira ingurunea egonkortzeko lanak Jaurlaritzak egin zituen. 30 milioi euro gastatu zituen Jaurlaritzak orduan, eta epaitegietan erabakiko da azkenean diru hori Jaurlaritzak edo enpresak ordaintzen duen. Jaurlaritzak burutu zituen ere zaborpean hil ziren Alberto Sololuze eta Joaquín Beltránen gorpuen bilaketa lanak. Asteartean iragarritako lan berriei dagokienez, enpresaren aurkako zigor txostena abiatuko dutela iragarri du Tapiak.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]
Ehunka lagun ibili dira iganean Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrenean.