Zaldibarko langileak bilatzen jarraituko dute eta oposizioak informazio falta salatu du
Espainiako Osasun ministroak Eusko Jaurlaritzako Ingurumen sailburuari gutuna igorri dio, Zaldibarko zabortegian lurperatuta dauden bi langileen bilaketa lanek jarraitu dezaketela adieraziz.
Hala argitaratu du Europa Press berri agentziak. Espainiako Gobernuak, gainera, “erabateko babesa” adierazi die Joaquin Beltran eta Alberto Sololuze desagertutako langileen familiei.
Otsailaren 6an amildu zen Zaldibarko zabortegia eta geroztik bi langileen gorpuak aurkitu ezinda aritu dira erreskate-lanetan aritu diren taldeak. Aste honetan Covid-19 gaixotasunaren hedapena eragozteko funtsezkoak ez diren jarduera ekonomikoak etetea erabaki du Espainiako Gobernuak eta erabaki hori ezagutu ondoren, Iñaki Arriola Jaurlaritzako Ingurumen sailburuak Espainiako Gobernuarekin kontaktatu zuen, bi langileen bilaketak aurrera jarraitu ote zezakeen jakiteko.
Moncloak baietz erantzun du, ezinbesteko jarduerak bakarrik mantenduko direla dioen dekretuak babes zibileko lanak eta hondakinen kudeaketarekin lotutakoak salbuespentzat jotzen dituelako. Erreskate-lanek, beraz, ohiko erritmoan jarraitu ahal izango dute, Espainiako Gobernuaren konfirmazioa jaso ondoren.
Informaziorik ez Jaurlaritzaren aldetik
Espainiako Gobernuaren erantzuna ezagutu den egun berean, Josu Estarrona EH Bilduko legebiltzarkideak kritikatu du Jaurlaritza ez dela bidaltzen ari Zaldibarko zabortegi inkontrolatuaren kasuarekin lotutako dokumentazioa. Sare sozialen bidez, Estarronak adierazi du Jaurlaritzak ez dituela bete legebiltzarrak Zaldibarko kasuaz informatzeko ezarritako epeak eta beste hainbeste gertatzen ari dela Covid-19rekin lotuta ere.
Jaurlaritzari galderak egiteko edo informazioa eskatzeko aukera mantendu egiten da EAEko legebiltzarra desegin eta diputazio iraunkorra indarrean dagoenean ere. Estarronaren arabera, martxoaren 26a baino lehen erantzun behar zituen EAJren eta PSEren artean osatutako gobernuak legebiltzarreko taldeek egindako sei galdera, baina bakarrari erantzun diote, ondare kulturalarekin lotutakoa.
Martxoaren 18rako, PPk eskatuta, Arriolak zuzentzen duen Ingurumen sailak Verter Recycling enpresari buruzko txosten eta espediente ugari entregatu behar zuen, baina oraindik ez du egin. Bestalde, joan den ostegunean amaitu zen epea beste lau informazio-eskariri erantzuteko, tartean Zaldibarko zabortegi inkontrolatua kudeatzen zuen enpresari buruzkoak eta inguruko airearen kalitatearen ingurukoak besteak beste.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]