Zaldibarko zabor-jauziari erantzuteko, diru publikotik 7,3 milioi euro gastatu dira "presazko prozedura bidez" enpresa pribatuei egindako kontratazioetan. Ingurumen sailburu Iñaki Arriolak eman du datu honen berri apirilaren 29an.
Jaurlaritzaren webgunean dago kontratazio pribatuei buruzko zifra honen berri, baina ez du zehazten zein enpresa izan diren kontratatuak, zein lanetarako, eta bakoitzarekin zein aurrekontuko kontratazioa lotu den.
Verter Recycling enpresak zabortegia legez kanpo kudeatu izanaren ondorioz, otsailaren 6an zabor masa izugarria behera erori zen, kutsadura kalte larriak eraginez eta bi langile azpian harrapatuz. Negozioaren irabaziak enpresa pribatuarenak izanik ere, istripuari erantzuteko ardura Ingurumen sailak hartu du hasieratik bere gain, nahiz eta sail honek adierazi duen Verter Recycling enpresak ordainduko dituela gastu hauek ondoren.
Jaurlaritzak emandako datuen arabera, partida nagusia —5,8 milioi euro— indusketa eta lur-berdinketako lanetan, makinetan, bitarteko osagarrietan, agregakinetan eta geosintetikotan, eta hondakinen andela martxan ipintzeko lanetan erabiltzen ari dira. Larrialdi egoerak eskatuta, "presazko prozedura bidez" kontratatu dira eraikuntza enpresa hauek (Eitzaga UTEa tartean), beraz, ez da denborarik egon lehiaketa publikoa egiteko eta Jaurlaritzak zuzenean hautatutako enpresak dira.
Zabortegien kudeaketan adituen laguntza tekniko handia kontratatu dute, baita ere: laguntza tekniko geologikoko zerbitzuak kontratatu dituzte suteak ebaluatzeko eta kontrolatzeko eta, ondoren, itzaltzeko; zabortegiko gasen sorrera modelizatzeko eta, egonkortu ondoren, isurketa-masa desgasifikatzeko; lurpeko uren kontrol-sarea diseinatzeko, putzu bat eraikitzeko, zabortegiko kanalizazioak ikuskatzeko eta lixibiatuak xurgatzeko; zabortegiaren inguruko herrietako airearen kalitatea analizatzeko eta ingurumeneko laginak hartzeko; eta geofisikako azterketak gauzatzeko eta hondakin-laginak karakterizatzeko, beste hainbat eginkizunen artean.
Ez dirudi Zaldibarko zabor-jauziak Eusko Jaurlaritzaren hondakin kudeaketa ereduan aldaketarik ekarri duenik. Hori pentsatzeko bide ematen dute, behintzat, Jaurlaritzak ateratako hondakinei buruzko Aginduak ezer berririk proposatu ez (artikulu honetan dago hori azaldua) eta erraustegiaren politika indartzen duela, eta Azkoitian ezarri nahi duten hondakin plantak Larke enpresa pribatuaren esku jarri nahi duela berriz ere hondakin bolumen oso handia hartuko duen kudeaketa.
Baina Zaldibarko kasuak agerian jarri du kudeaketa eredu hau arrisku handikoa dela, bai osasun aldetik (bi langile daude oraindik desagertuak eta inguruko herritarrek ke toxikoa arnastu behar izan dute hainbat egunetan), bai ingurumenean (errekak, airea eta lurrak kutsatu dira), bai ekonomikoki.
7,3 milioi euro horiek azpikontratatutako enpresek istripu honekin ere negozio eginda eramango duten aurrekontua da, baina beste zenbat diru publiko bideratu da batez ere lehen egunetako erreskate eta sua itzaltzeko lanetan? Zenbat da egun horietako su-hiltzaile, ertzain, osasun langile eta gainerakoen kostua?
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]