Zaldibarko auzian ardura politikoak hartzeko eskatu dute, luiziaren hirugarren urteurrenean
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
2020ko otsailaren 6an amildu zen Zaldibarko zabortegia, eta Alberto Sololuze eta Joaquin Beltran langileak hil ziren, luiziak harrapatuta. Haiek oroitzeko omenaldia egin dute igandean, Zaldibarko Eitzaga auzoan, hondamendia gertatu zen inguruan, Zaldibar Argitu plataformak antolatuta. Herritarrek berretsi dute auzia argitzeke dagoela hiru urteren ostean: “Ardura politiko zuzenak izan arren, inork ez ditu bere gain hartu”.
Gogoraraztekoa da Sololuzeren gorpurik ez dela agertu, eta plataformako kideek nabarmendu dute segituko dutela “iluntasun honetan guztian argia bilatzen”. Argi dute “ekidin zitekeen hondamendia” izan zela: “Zabortegian jazotakoa eta bi langileen heriotzak ez ziren istripua izan, Verter Recycling-eko arduradunek zuhurtziagabekeriazko homizidioa onartu baitzuten epaitegietan”, salatu du Janire Lazkano plataformako kideak, Garak jaso duenez. Halaber, auzia ahanzturan erori ez dadin lanean segitzera dei egin dute: “Autopistatik joaten direnak ez daitezela ahaztu zelai berde horren azpian pozoi pila bat dagoela”.
Baimendutakoa baino lur eremu handiagoa
Hiru urte luzeren ostean auzia zabalik dago oraindik, eta ingurumenaren aurkako delitua ikertzen ari dira epaitegietan. Otsailaren 28an deklaratu beharko dute Eusko Jaurlaritzako hiru ingurumen teknikarik, ikertu moduan, Berriak oroitarazi duenez.
Azken informazioen arabera, Ertzaintzak epaitegiari emandako txosten batek dio Verter Recycling enpresak baimenik gabe behar baino 64.699 metro koadro gehiagoko lur eremua erabili zuela zabortegirako. Alegia, Zaldibarko Udalak eta Jaurlaritzak 137.259 metro koadroko lursailak kudeatzea onartu zioten, baina %47,10 handiagoa zen eremua erabili zuten, Berriak jakinarazi duenez.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]
Ehunka lagun ibili dira iganean Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrenean.